ബി.എച്ച്.എം.എസ്: ചട്ടങ്ങൾ പ്രാബല്യത്തിൽ

പാ​ല​ക്കാ​ട്: ബാ​ച്ച്ല​ർ ഓ​ഫ് ഹോ​മി​യോ​പ്പ​തി​ക് മെ​ഡി​സി​ൻ ആ​ൻ​ഡ് സ​ർ​ജ​റി കോ​ഴ്സി​ന്റെ (ബി.​എ​ച്ച്.​എം.​എ​സ്) ഘ​ട​ന പു​ന​ർ നി​ർ​വ​ചി​ച്ച് വി​ജ്ഞാ​പ​നം പ്രാ​ബ​ല്യ​ത്തി​ലാ​യി. ദേ​ശീ​യ ഹോ​മി​യോ​പ്പ​തി ക​മീ​ഷ​നാ​ണ് പു​തി​യ ച​ട്ട​ങ്ങ​ൾ പു​റ​ത്തി​റ​ക്കി​യ​ത്. യോ​ഗ്യ​ത മാ​ന​ദ​ണ്ഡ​ങ്ങ​ളും പ്ര​വേ​ശ​ന രീ​തി​ക​ളു​മ​ട​ക്കം ഒ​ട്ടേ​റെ നി​യ​ന്ത്ര​ണ​ങ്ങ​ളുണ്ട്. പ​രീ​ക്ഷ​ക​ൾ, ഫ​ല​ങ്ങ​ൾ, കോ​ഴ്സി​ലേ​ക്കു​ള്ള പു​നഃ​പ്ര​വേ​ശ​നം, യൂ​നി​വേ​ഴ്സി​റ്റി പ​രീ​ക്ഷ, മൂ​ല്യ​നി​ർ​ണ​യ പ്ര​ക്രി​യ, വി​ദ്യാ​ർ​ഥി​ക​ളു​ടെ മൈ​ഗ്രേ​ഷ​ൻ എ​ന്നി​വ സം​ബ​ന്ധി​ച്ച വി​ശ​ദാം​ശ​ങ്ങ​ൾ ഇ​തി​ലു​ണ്ട്.

അ​ക്കാ​ദ​മി​ക് ക​ല​ണ്ട​ർ, ട്യൂ​ഷ​ൻ ഫീ​സ്, നി​ർ​ബ​ന്ധി​ത റൊ​ട്ടേ​റ്റ​റി ഇ​ന്റേ​ൺ​ഷി​പ് തു​ട​ങ്ങി​യ​വ​യും കോ​ഴ്‌​സ് ദൈ​ർ​ഘ്യം, പ​ഠ​ന​രീ​തി, ഗ​വേ​ഷ​ണ പു​രോ​ഗ​തി​ക്ക് അ​നു​ബ​ന്ധ​മാ​യ രീ​തി​ശാ​സ്ത്രം എ​ന്നി​വ​യും വി​ജ്ഞാ​പ​ന​ത്തി​ൽ പ്ര​തി​പാ​ദി​ക്കു​ന്നു.

ദേ​ശീ​യ ഹോ​മി​യോ​പ്പ​തി ക​മീ​ഷ​നു കീ​ഴി​ലു​ള്ള അ​തോ​റി​റ്റി ന​ട​ത്തു​ന്ന ഏ​കീ​കൃ​ത പ്ര​വേ​ശ​ന പ​രീ​ക്ഷ​യു​ടെ (നീ​റ്റ്) അ​ടി​സ്ഥാ​ന​ത്തി​ലാ​യി​രി​ക്കും പ്ര​വേ​ശ​നം. ഓ​പ​ൺ സ്കൂ​ളി​ൽ​നി​ന്നോ പ്രൈ​വ​റ്റ് കാ​ൻ​ഡി​ഡേ​റ്റാ​യോ വി​ജ​യി​ച്ച​വ​ർ നീ​റ്റി​ൽ പ​ങ്കെ​ടു​ക്കാ​ൻ യോ​ഗ്യ​ര​ല്ല. നീ​റ്റ് മാ​ർ​ക്കി​ന്റെ അ​ടി​സ്ഥാ​ന​ത്തി​ൽ അ​ഖി​ലേ​ന്ത്യ കോ​മ​ൺ മെ​റി​റ്റ് ലി​സ്റ്റും യോ​ഗ്യ​രാ​യ​വ​രു​ടെ സം​സ്ഥാ​നം തി​രി​ച്ചു​ള്ള മെ​റി​റ്റ് ലി​സ്റ്റും ത​യാ​റാ​ക്കും. കൗ​ൺ​സ​ലി​ങ്ങി​ലൂ​ടെ​യാ​ണ് പ്ര​വേ​ശ​നം. 12 മാ​സ​ത്തെ നി​ർ​ബ​ന്ധി​ത റൊ​ട്ടേ​റ്റ​റി ഇ​ന്റേ​ൺ​ഷി​പ് ഉ​ൾ​പ്പെ​ടെ അ​ഞ്ചു​വ​ർ​ഷ​വും ആ​റു​മാ​സ​വു​മാ​ണ് കോ​ഴ്‌​സ് ദൈ​ർ​ഘ്യം. ഇ​ന്റേ​ൺ​ഷി​പ് പ്രോ​ഗ്രാ​മി​ൽ ചേ​രാ​ൻ നാ​ല് പ്ര​ഫ​ഷ​ന​ൽ പ​രീ​ക്ഷ​ക​ളും വി​ജ​യി​ക്ക​ണം. ഹോ​മി​യോ​പ്പ​തി​യി​ലെ ശാ​സ്ത്ര -സാ​ങ്കേ​തി​ക വി​കാ​സ​ങ്ങ​ൾ ഉ​ൾ​​പ്പെ​ടു​ത്തി അ​ഞ്ചു​വ​ർ​ഷം കൂ​ടു​മ്പോ​ൾ സി​ല​ബ​സ് പ​രി​ഷ്ക​രി​ക്കും.

വി​ദ​ഗ്ധ സ​മി​തി ശി​പാ​ർ​ശ പ്ര​കാ​രം മ​ൾ​ട്ടി ഡി​സി​പ്ലി​ന​റി കോ​ർ ക​മ്മി​റ്റി ഇ​വ ഹോ​മി​യോ​പ്പ​തി ത​ത്ത്വ​ങ്ങ​ളു​ടെ അ​ടി​സ്ഥാ​ന​ത്തി​ൽ വി​ശ​ക​ല​നം നടത്തി പ​രി​ഗ​ണ​ന​ക്ക് വെ​ക്കു​ം. ദേ​ശീ​യ ക​മീ​ഷ​​ന്റെ പോ​ർ​ട്ട​ലി​ലൂ​ടെ ഗ​വേ​ഷ​ക​ർ​ക്കും മ​റ്റും ഇ​തു​മാ​യി ബ​ന്ധ​പ്പെ​ട്ട നി​ർ​ദേ​ശ​ങ്ങ​ൾ സ​മ​ർ​പ്പി​ക്കാ​മെ​ന്നും വി​ജ്ഞാ​പ​നം പ​റ​യു​ന്നു.