കേ​​ന്ദ്ര സ​ർ​വ​ക​ലാ​ശാ​ല​ക​ൾ വേറെ ലെവൽ, വേ​റി​ട്ട പഠനം​

‘‘ഇ​വി​ടെ​ത്ത​ന്നെ ഒ​രു​പാ​ട് ന​ല്ല കോ​ള​ജു​ക​ൾ ഇ​ല്ലേ. പി​ന്നെ എ​ന്തി​നാ പു​റ​ത്തു​പോ​യി പ​ഠി​ക്ക​ണ​മെ​ന്ന് വാ​ശി പി​ടി​ക്കു​ന്ന​ത്. പ​ഠി​ക്കാ​ൻ ഉദ്ദേശിക്കുന്ന കോ​ഴ്സ് ഇ​വി​ടെ​ത്ത​ന്നെ ഇ​ല്ലേ?’’. സി.​യു.​ഇ.​ടി പ​രീ​ക്ഷ​യെ​ഴു​തി കേ​ര​ള​ത്തി​ന് പു​റ​ത്തെ പ്ര​മു​ഖ കേ​ന്ദ്ര സ​ർ​വ​ക​ലാ​ശാ​ല​യി​ൽ പ​ഠി​ക്ക​ണം എ​ന്ന് ആ​ഗ്ര​ഹി​ക്കു​ന്ന നി​ര​വ​ധി കു​ട്ടി​ക​ളു​ടെ മാ​താ​പി​താ​ക്ക​ളു​ടെ പൊ​തു സം​ശ​യ​മാ​ണി​ത്.

അ​ങ്ങ​നെ പ​റ​ഞ്ഞൊ​ഴി​യേ​ണ്ട ഒ​ന്ന​ല്ല പു​തു​ത​ല​മു​റ​യു​ടെ ഈ ​ആ​ഗ്ര​ഹം. വെ​റു​തെ പു​റം​ലോ​കം കാ​ണാ​നു​ള്ള വ​ഴി എ​ന്ന അ​ർ​ഥ​ത്തി​ൽ ലാ​ഘ​വ​ത്തോ​ടെ കാ​ണേ​ണ്ട ഒ​ന്നു​മ​ല്ല ഇ​ത്.

ആ​ദ്യ​മേ പ​റ​യ​ട്ടെ, കേ​ന്ദ്ര സ​ർ​വ​ക​ലാ​ശാ​ല​ക​ളി​ലെ അ​ല്ലെ​ങ്കി​ൽ ദേ​ശീ​യ പ്രാ​ധാ​ന്യ​മു​ള്ള സ്ഥാ​പ​ന​ങ്ങ​ളി​ലെ പ​ഠ​നം ഉ​പ​കാ​ര​പ്ര​ദ​മാ​വു​ന്ന​ത് നി​ങ്ങ​ളു​ടെ ക​രി​യ​ർ ആ​സൂ​ത്ര​ണ​ങ്ങ​ളെ​യും ഉ​ദ്ദേ​ശ്യ​ങ്ങ​ളെ​യും ആ​ശ്ര​യി​ച്ചാ​ണ്. ഇ​ത്ത​രം സ്ഥാ​പ​ന​ങ്ങ​ളി​ൽ ഏ​തി​ൽ പ​ഠി​ക്ക​ണം, എ​ന്തി​ന് പ​ഠി​ക്ക​ണം, എ​ന്ത് പ​ഠി​ക്ക​ണം എ​ന്നി​വ​യെ​ക്കു​റി​ച്ച സ്വ​യം​ബോ​ധ​വും ധാ​ര​ണ​യും ഉ​ണ്ടെ​ങ്കി​ൽ മാ​ത്ര​മേ അ​വി​ടെ പ​ഠി​ക്കു​ന്ന​തു​കൊ​ണ്ട് കാ​ര്യ​മു​ള്ളൂ.

അ​വ​ശ്യ അ​വ​ബോ​ധ​ങ്ങ​ൾ

• അ​ക്കാ​ദ​മി​ക-​അ​ടി​സ്ഥാ​ന വി​ഷ​യ​ങ്ങ​ളെ (ഫി​സി​ക്സ്, കെ​മി​സ്ട്രി, സു​വോ​ള​ജി, ഗ​ണി​തം, ബോ​ട്ട​ണി, ഇ​ക്ക​ണോ​മി​ക്സ്, പൊ​ളി​റ്റി​ക്ക​ൽ സ​യ​ൻ​സ് മു​ത​ലാ​യ​വ) ആ​ധാ​ര​മാ​ക്കി​യു​ള്ള ഡി​ഗ്രി​ക​ൾ തി​ര​ഞ്ഞെ​ടു​ക്കു​മ്പോ​ൾ, അ​വ​യി​ൽ മി​ക്ക​തും കൂ​ടു​ത​ലും ഊ​ന്നു​ന്ന​ത് അ​ധ്യാ​പ​നം, ഗ​വേ​ഷ​ണം എ​ന്നീ ക​രി​യ​ർ സാ​ധ്യ​ത​ക​ളെ​യാ​ണ്.
• അ​ധി​ക കേ​ന്ദ്ര വാ​ഴ്സി​റ്റി​ക​ളും അ​ടി​സ്ഥാ​ന ബി​രു​ദ​ങ്ങ​ൾ ഓ​ണേ​ഴ്സ് ബി​രു​ദ​ങ്ങ​ൾ ആ​യാ​ണ് ന​ൽ​കു​ന്ന​ത്. ഓ​ണേ​ഴ്സ് ബി​രു​ദ​ങ്ങ​ളു​ടെ ഘ​ട​ന ത​ന്നെ ഗ​വേ​ഷ​ണ പ​ഠ​ന​ങ്ങ​ളെ പ്രോ​ത്സാ​ഹി​പ്പി​ക്കു​ന്ന​തോ, അ​തി​നു അ​ടി​ത്ത​റ ഇ​ടു​ന്ന​തോ ആ​ണ്.
• ഈ ​അ​ക്കാ​ദ​മി​ക/​അ​ടി​സ്ഥാ​ന വി​ഷ​യ​ങ്ങ​ളി​ലെ ചി​ല ഡി​ഗ്രി​ക​ൾ മി​ക​വോ​ടെ പൂ​ർ​ത്തി​യാ​ക്കു​ന്ന​വ​ർ​ക്ക് മി​ക​ച്ച തൊ​ഴി​ൽ സാ​ധ്യ​ത​ക​ളു​ണ്ട്. 33 ല​ക്ഷം വ​രെ ശ​മ്പ​ളം ഓ​ഫ​ർ ചെ​യ്ത സ​ന്ദ​ർ​ഭ​ങ്ങ​ളു​ണ്ട്. പ്ര​ത്യേ​കി​ച്ച് ഇ​ക്ക​ണോ​മി​ക്സ്, ബി.​കോം, സ്റ്റാ​റ്റി​സ്റ്റി​ക്സ്, മാ​ത്ത​മാ​റ്റി​ക്സ്, കെ​മി​സ്ട്രി പോ​ലു​ള്ള വി​ഷ​യ​ങ്ങ​ളി​ൽ.
• ഒ​ട്ടു​മി​ക്ക കേ​ന്ദ്ര സ​ർ​വ​ക​ലാ​ശാ​ല​ക​ളി​ലും ലൈ​ബ്ര​റി, അ​ധ്യാ​പ​ക​ർ, അ​ടി​സ്ഥാ​ന സൗ​ക​ര്യം എ​ന്നി​വ ലോ​ക​നി​ല​വാ​രം പു​ല​ർ​ത്തു​ന്ന​താ​ണ്. അ​വ കൈ​മാ​റു​ന്ന അ​ക്കാ​ദ​മി​ക നി​ല​വാ​രം മി​ക​ച്ച​താ​ണ്. രാ​ജ്യ​ത്തെ ത​ന്നെ ഏ​റ്റ​വും ന​ല്ല വി​ദ്യാ​ർ​ഥി​ക​ളെ സ​ഹ​പാ​ഠി​ക​ളാ​യി കി​ട്ടു​ന്നു എ​ന്ന​തും പ്ര​ധാ​ന​മാ​ണ്.
• കേ​ന്ദ്ര സ​ർ​വ​ക​ലാ​ശാ​ല​ക​ൾ വി​ദേ​ശ പ​ഠ​ന​ങ്ങ​ൾ​ക്ക് സാ​ധ്യ​ത​ക​ൾ തു​റ​ന്നു​ത​രു​ന്നു എ​ന്ന​താ​ണ് മ​റ്റൊ​രു പ്ര​ത്യേ​ക​ത. അ​തും മെ​റി​റ്റ് അ​ടി​സ്ഥാ​ന​മാ​ക്കി ന​ല്ല സ്റ്റൈ​പ്പ​ന്റ് ല​ഭ്യ​മാ​ക്കി​ത്ത​ന്നെ. പ​ല കേ​ന്ദ്ര വാഴ്സിറ്റിക​ളും വി​ദേ​ശ സ​ർ​വ​ക​ലാ​ശാ​ല​ക​ളി​ലെ ഫെ​ലോ​ഷി​പ് നേ​ടാ​ൻ സ​ഹാ​യി​ക്കു​ന്ന സാ​ഹ​ച​ര്യം ഒ​രു​ക്കു​ന്നു.
• ഇ​ന്ത്യ​യി​ൽ ഒ​രു​പാ​ട് സ്വ​കാ​ര്യ സ​ർ​വ​ക​ലാ​ശാ​ല​ക​ൾ വ​ന്നു​കൊ​ണ്ടി​രി​ക്കു​ന്നു. ഇ​വി​ടെ അ​ധ്യാ​പ​ക ത​സ്തി​ക​ക​ളി​ൽ ന​ല്ല ശ​മ്പ​ള​ത്തോ​ടു​കൂ​ടി​യ തൊ​ഴി​ൽ സാ​ധ്യ​ത​യേ​റെ​യാ​ണ്. കേ​ന്ദ്ര സ​ർ​വ​ക​ലാ​ശാ​ല​ക​ളി​ൽ പ​ഠി​ച്ച ശേ​ഷ​മു​ള്ള വി​ദേ​ശ പ​ഠ​നം ഇ​ത്ത​രം സ്ഥാ​പ​ന​ങ്ങ​ളി​ൽ ജോ​ലി നേ​ടാ​നു​ള്ള മി​ക​ച്ച കോം​ബി​നേ​ഷ​നാ​ണ്.
• നി​ങ്ങ​ൾ തി​ര​ഞ്ഞെ​ടു​ത്ത ഡി​ഗ്രി​ക​ളി​ൽ തു​ട​ർ​പ​ഠ​നം ന​ട​ത്താ​ൻ ഇ​ഷ്ടം ഇ​ല്ലാ​താ​യി എ​ന്ന് ക​രു​തു​ക, തീ​ർ​ച്ച​യാ​യും നി​ങ്ങ​ളു​ടെ ബി​രു​ദ​ത്തെ അ​ടി​സ്ഥാ​ന​മാ​ക്കി പു​തു​താ​യി തി​ര​ഞ്ഞെ​ടു​ക്കാ​വു​ന്ന വൈ​വി​ധ്യ​മാ​ർ​ന്ന മേ​ഖ​ല​ക​ളു​ണ്ട്. അ​ത്ത​രം സാ​ധ്യ​ത​ക​ളെ തു​റ​ന്നു വെ​ക്കു​ന്നു കേ​ന്ദ്ര സ​ർ​വ​ക​ലാ​ശാ​ല​ പ​ഠ​നം.
• രാ​ജ്യ​ത്തി​ന്റെ വി​വി​ധ സം​സ്ഥാ​ന​ങ്ങ​ളി​ൽ​നി​ന്നും ഭാ​ഷാ - സാം​സ്കാ​രി​ക വൈ​ജാ​ത്യ​ങ്ങ​ളി​ൽ നി​ന്നും വ​രു​ന്ന ഒ​ട്ടേ​റെ വി​ദ്യാ​ർ​ഥി​ക​ളു​മാ​യി സം​വ​ദി​ക്കാ​നും ഇ​ട​പെ​ടാ​നും അ​വ​സ​രം ലഭിക്കുന്നു.
• ഇ​ന്റേ​ൺ​ഷി​പ് അ​വ​സ​ര​ങ്ങ​ൾ, വി​വി​ധ ഫെ​ലോ​ഷി​പ്പു​ക​ൾ, പ്രാ​യോ​ഗി​ക പ​രി​ശീ​ല​ന​ങ്ങ​ൾ, പാ​ഠ്യേ​ത​ര പ​രി​ശീ​ല​ന​ങ്ങ​ൾ എ​ന്നി​വ കേ​ന്ദ്ര സ​ർ​വ​ക​ലാ​ശാ​ല​ക​ളി​ൽ മി​ക​ച്ച​താ​ണ്
• ന​മു​ക്ക് അ​റി​യാ​ത്ത പ​ല പു​തി​യ അ​വ​സ​ര​ങ്ങ​ളും മേ​ഖ​ല​ക​ളും ഇ​വി​ടെ തു​റ​ന്നു കി​ട്ടു​ന്നു.

സാധ്യതകളുടെ കാമ്പസ്

• മ​ല​യാ​ളി​ക​ളു​ടെ പ​തി​വ് ശൈ​ലി​ പി​ന്തു​ട​ർ​ന്ന്, മ​ല​യാ​ളി ഭ​ക്ഷ​ണം, മ​ല​യാ​ളി സം​ഘ​ട​ന​ക​ൾ, മ​ല​യാ​ളി സു​ഹൃ​ത്തു​ക്ക​ൾ എ​ന്ന​തി​ൽ മാ​ത്രം ഒ​തു​ങ്ങു​ന്ന രീ​തി ഒ​ഴി​വാ​ക്കി, അ​ക്കാ​ദ​മി​ക മി​ക​വി​നും വ്യ​ക്തി​ത്വ ഭാ​ഷാ വി​കാ​സ​ത്തി​നും മു​ൻ​ഗ​ണ​ന ന​ൽ​കു​ക. ആ​ഗോ​ള പൗ​ര​ൻ എ​ന്ന സാ​ധ്യ​ത​ക​ൾ തേ​ടു​ന്ന​വ​ർ സ്വ​ന്തം ക​ഴി​വു​ക​ളെ വി​ക​സി​പ്പി​ക്കാ​ൻ സ​ഹാ​യി​ക്കു​ന്ന സാ​മൂ​ഹി​ക അ​ക്കാ​ദ​മി​ക പ​രി​സ​ര​ങ്ങ​ൾ തേ​ടു​ക.
• ഗൃ​ഹാ​തു​ര​ത്വം, താ​മ​സം, ​ഭ​ക്ഷ​ണം തു​ട​ങ്ങി​യ​വ പ്ര​ശ്ന​മാ​യി ക​രു​തു​ന്ന വ്യ​ക്തി​ത്വം ആ​ണ് നി​ങ്ങ​ളു​ടേ​തെ​ങ്കി​ൽ, ബി​രു​ദ പ​ഠ​നം നാ​ട്ടി​ൽ ആ​ക്കി​യ​ശേ​ഷം പി.​ജി പ​ഠ​നം മു​ത​ൽ കേ​ന്ദ്ര സ​ർ​വ​ക​ലാ​ശാ​ല​ക​ളി​ൽ ആ​രം​ഭി​ക്കാം. ഇ​ത് മ​ന​സ്സി​ലാ​ക്കാ​തെ ചേ​രു​ന്ന ഒ​ട്ടേ​റെ മ​ല​യാ​ളി വി​ദ്യാ​ർ​ഥി​ക​ൾ പ​ഠ​നം പാ​തി​വ​ഴി​ക്ക് ഉ​പേ​ക്ഷി​ക്കു​ന്നു​ണ്ട്.
• ന​മ്മ​ൾ പ​ഠി​ച്ച രീ​തി​ക​ളി​ൽ​നി​ന്ന് തി​ക​ച്ചും വ്യ​ത്യ​സ്ത​മാ​ണ് കേ​ന്ദ്ര സ​ർ​വ​ക​ലാ​ശാ​ല​ക​ളി​ലേ​ത്. അ​തി​നാ​ൽ അ​വി​ട​ത്തെ അ​ക്കാ​ദ​മി​ക രീ​തി​ക​ളോ​ട് പൊ​രു​ത്ത​പ്പെ​ട്ടു​വ​രാ​ൻ അ​ൽ​പം സ​മ​യ​മെ​ടു​ക്കു​മെ​ന്ന് മ​ന​സ്സി​ലാ​ക്കി​യാ​ൽ നി​രാ​ശ​രാ​യി തി​രി​ച്ചു​പോ​രു​ന്ന അ​വ​സ്ഥ ഒ​ഴി​വാ​ക്കാം
• ഡി​ഗ്രി അ​ടി​സ്ഥാ​ന​മാ​ക്കി​യു​ള്ള തൊ​ഴി​ൽ, ഉ​പ​രി​പ​ഠ​ന സാ​ധ്യ​ത​ക​ൾ, ഫെ​ലോ​ഷി​പ്പു​ക​ൾ, മ​റ്റു വൈ​വി​ധ്യ​ങ്ങ​ൾ എ​ന്നി​വ ഉ​പ​യോ​ഗ​പ്പെ​ടു​ത്ത​ണ​മെ​ങ്കി​ൽ ആ​ദ്യ​വ​ർ​ഷം മു​ത​ൽ ത​ന്നെ അ​വ​ക്കു​ള്ള മു​ന്നൊ​രു​ക്ക​ങ്ങ​ൾ ന​ട​ത്ത​ണം.
• മു​മ്പ് പ്ല​സ് ടു, ​ബി​രു​ദ മാ​ർ​ക്കി​ന്റെ അ​ടി​സ്ഥാ​ന​ത്തി​ലാ​യി​രു​ന്നു പ്ര​വേ​ശ​ന​മെ​ങ്കി​ൽ, ഇ​പ്പോ​ൾ പ്ര​വേ​ശ​ന പ​രീ​ക്ഷ​യി​ലെ മി​ക​വ് നോ​ക്കി മാ​ത്ര​മാ​ണ്. അ​തി​നു​വേ​ണ്ടി നന്നായി ത​യാ​റെ​ടു​ക്കു​ക. ആ​ഗ്ര​ഹി​ക്കു​ന്ന ഡി​ഗ്രി, അ​തി​ൽ ഏ​റ്റ​വും മി​ക​ച്ച സ്ഥാ​പ​ന​ങ്ങ​ൾ, സി.​യു.​ഇ.​ടി പ​രീ​ക്ഷ​യു​ടെ ഘ​ട​ന എ​ന്നി​വ മ​ന​സ്സി​ലാ​ക്കു​ക.
• ര​സ​ക​ര​മാ​യ ചി​ല തൊ​ഴി​ൽ സാ​ധ്യ​ത​ക​ൾ, വൈ​വി​ധ്യ​മാ​ർ​ന്ന ഉ​പ​രി​പ​ഠ​ന അ​വ​സ​രം, വി​ദേ​ശ ഫെ​ലോ​ഷി​പ്പു​ക​ൾ എ​ന്നി​വ​യി​ലേ​ക്ക് കൃ​ത്യ​മാ​യ ദി​ശാ​ബോ​ധ​ം ന​ൽ​കു​ന്നു എ​ന്ന​താ​ണ് കേ​ന്ദ്ര സ​ർ​വ​ക​ലാ​ശാ​ല പ​ഠ​ന​ത്തി​ന്റെ ആ​ത്യ​ന്തി​ക​മാ​യ ഉ​പ​കാ​രം.