കണ്ണൂർ സർവകലാശാലയിൽ അസോ. പ്രഫസർ ഒഴിവ്​

കണ്ണൂർ: കണ്ണൂർ സർവകലാശാലക്ക് കീഴിലുള്ള ഡോ. പി.കെ. രാജൻ മെമ്മോറിയൽ കാമ്പസിൽ പുതുതായി ആരംഭിക്കുന്ന പി.ജി.ഡി.ഡി.എസ് പ്രോഗ്രാമിലേക്ക് രണ്ടുവർഷ കാലാവധി വ്യവസ്ഥയിൽ അസോ. പ്രഫസറുടെ തസ്തികയിലേക്ക് ഓൺലൈൻ അപേക്ഷ സമർപ്പിക്കാനുള്ള അവസാന തീയതി ആഗസ്റ്റ്​ 31 വരെയായി നീട്ടി. വിശദവിവരങ്ങൾ വെബ്‌സൈറ്റിൽ ലഭ്യമാണ്.

റാങ്ക് പട്ടിക പ്രസിദ്ധീകരിച്ചു

നീലേശ്വരം കാമ്പസിൽ പുതുതായി ആരംഭിക്കുന്ന എം.കോം ഇന്റഗ്രേറ്റഡ് കോഴ്‌സിന്റെ റാങ്ക് പട്ടിക വെബ്‌സൈറ്റിൽ പ്രസിദ്ധീകരിച്ചിട്ടുണ്ട്. ഷുവർ ലിസ്റ്റിൽ ഉൾപ്പെട്ടവർ ആഗസ്റ്റ്​ 27ന്​ രാവിലെ 10ന് അസ്സൽ സർട്ടിഫിക്കറ്റുകൾ സഹിതം ഹാജരാകണം. ഫോൺ: 9847859018, 9400619109.

യു.ജി പ്രവേശനം: തിരുത്തലുകള്‍ക്ക് അപേക്ഷിക്കാം

2022 -23 അധ്യയന വര്‍ഷം അഫിലിയേറ്റഡ് കോളജുകളിലെ യു.ജി പ്രവേശനത്തിനായി അപേക്ഷിച്ചവർക്ക് അപേക്ഷയിലെ തെറ്റുകൾ തിരുത്തുന്നതിനും മൂന്ന് അലോട്ട്മെന്റുകളിലും അലോട്ട്മെന്റ് ലഭിക്കാത്തവർക്ക് ഒപ്ഷൻസ് മാറ്റുന്നതിനും ഇതുവരെ അപേക്ഷിക്കാത്തവർക്ക് അപേക്ഷ സമർപ്പിക്കുന്നതിനും ആഗസ്റ്റ്​ 26 മുതൽ 29 വരെ അവസരമുണ്ട്. നാലാം അലോട്ട്മെന്റ് ആഗസ്റ്റ്​ 31ന് പ്രസിദ്ധീകരിക്കും.

അഫ്ദലുൽ ഉലമ അറബിക് ബിരുദ പ്രവേശനം

സർവകലാശാലയുടെ അഫിലിയേറ്റഡ് ഓറിയന്റൽ ടൈറ്റിൽ കോളജുകളിൽ 2022 -23 അധ്യയന വർഷത്തേക്കുള്ള അഫ്ദലുൽ ഉലമ അറബിക് ബിരുദ പ്രോഗ്രാമുകളിലേക്ക് പ്രവേശനത്തിനുള്ള അപേക്ഷ ക്ഷണിച്ചു. സെപ്​റ്റംബർ 14 വരെ അതത് കോളജുകളിൽ അപേക്ഷ സമർപ്പിക്കാം. വിശദവിവരങ്ങൾക്ക് www.kannuruniversity.ac.in സന്ദർശിക്കണം.

ബി.എഡ് പ്രോഗ്രാമിന് അപേക്ഷ സമർപ്പിക്കാം

2022 -23 അധ്യയന വർഷത്തെ അഫിലിയേറ്റഡ് കോളജുകളിലേക്കും സർവകലാശാല ടീച്ചർ എജുക്കേഷൻ സെന്ററുകളിലേക്കുമുള്ള ബി.എഡ് പ്രവേശനത്തിന് ഇതുവരെ അപേക്ഷ സമർപ്പിക്കാത്തവർക്ക് 26 വരെ അപേക്ഷ സമർപ്പിക്കാം.

പരീക്ഷകൾ പുനഃക്രമീകരിച്ചു

ആഗസ്റ്റ്​ 27, 31 തീയതികളിൽ നടത്താൻ നിശ്ചയിച്ചിരുന്ന രണ്ടാം സെമസ്റ്റർ ബിരുദാനന്തര ബിരുദ (റഗുലർ/സപ്ലിമെന്ററി/ ഇംപ്രൂവ്മെന്റ്) ഏപ്രിൽ 2022 പരീക്ഷകൾ യഥാക്രമം സെപ്​റ്റംബർ 12,13 തീയതികളിൽ നടക്കുന്ന രീതിയിൽ പുനഃക്രമീകരിച്ചു. പരീക്ഷ കേന്ദ്രത്തിലും സമയക്രമത്തിലും മാറ്റമില്ല.

ആഗസ്റ്റ്​ 31ന് നടത്താൻ നിശ്ചയിച്ചിരുന്ന അഫിലിയേറ്റഡ് കോളജുകളിലെ രണ്ടാം സെമസ്റ്റർ ബിരുദ (റഗുലർ/സപ്ലിമെന്ററി/ഇംപ്രൂവ്മെന്റ് -2016 അഡ്മിഷൻ മുതൽ) ഏപ്രിൽ 2022 പരീക്ഷകൾ സെപ്​റ്റംബർ 19ന് നടക്കുന്ന രീതിയിൽ പുനഃക്രമീകരിച്ചു. പരീക്ഷ കേന്ദ്രത്തിലും സമയക്രമത്തിലും മാറ്റമില്ല.

ആഗസ്റ്റ്​ 31ന് നടത്താൻ നിശ്ചയിച്ചിരുന്ന അഫിലിയേറ്റഡ് കോളജുകളിലെയും സെന്ററുകളിലെയും രണ്ടാം സെമസ്റ്റർ എം.ബി.എ (റഗുലർ/സപ്ലിമെന്ററി) ഏപ്രിൽ 2022 പരീക്ഷകൾ സെപ്​റ്റംബർ 23ന് നടക്കുന്ന രീതിയിൽ പുനഃക്രമീകരിച്ചു. ഉച്ച രണ്ടുമുതൽ വൈകീട്ട്​ അഞ്ചുവരെയാണ് പരീക്ഷസമയം.

തീയതി നീട്ടി

രണ്ടാം സെമസ്റ്റർ എം.എഡ് (സപ്ലിമെന്ററി -2020 സിലബസ്) മേയ് 2022 പരീക്ഷകൾക്ക് പിഴയില്ലാതെ അപേക്ഷിക്കുന്നതിനുള്ള സമയപരിധി ആഗസ്റ്റ്​ 26 വരെ നീട്ടി.

രണ്ടാം സെമസ്റ്റർ എം.പി.എഡ്/ ബി.പി.എഡ് (സപ്ലിമെന്ററി -2020 സിലബസ്) മേയ് 2022 പരീക്ഷകൾക്ക് പിഴയില്ലാതെ അപേക്ഷിക്കുന്നതിനുള്ള സമയപരിധി ആഗസ്റ്റ്​ 27 വരെ നീട്ടി.

ഹാൾടിക്കറ്റ്

ആഗസ്റ്റ്​ 29ന് ആരംഭിക്കുന്ന രണ്ടാം സെമസ്റ്റർ ബിരുദ (റഗുലർ/ സപ്ലിമെന്ററി/ ഇംപ്രൂവ്മെന്റ് - 2016 അഡ്മിഷൻ മുതൽ), ഏപ്രിൽ 2022 പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.

29ന് ആരംഭിക്കുന്ന അഫിലിയേറ്റഡ് കോളജുകളിലെയും സെന്ററുകളിലെയും രണ്ടാം സെമസ്റ്റർ എം.ബി.എ (റഗുലർ/ സപ്ലിമെന്ററി), ഏപ്രിൽ 2022 പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ.

പരീക്ഷഫലം

സർവകലാശാല പഠനവകുപ്പിലെ അഞ്ചാം സെമസ്റ്റർ എം.സി.എ നവംബർ 2021 പരീക്ഷഫലം സർവകലാശാല വെബ്സൈറ്റിൽ.

രണ്ടാം സെമസ്റ്റർ എം.ഫിൽ കന്നട ജൂൺ 2019 പരീക്ഷഫലം സർവകലാശാല വെബ്സൈറ്റിൽ.