കാലിക്കറ്റ് കാമ്പസിൽ 'അസെന്‍ഡ്-2K22' 19, 20 തിയതികളിൽ

തേഞ്ഞിപ്പലം: കാലിക്കറ്റ് സര്‍വകലാശാല കോമേഴ്‌സ് ആൻഡ് മാനേജ്‌മെന്റ് സ്റ്റഡീസ് പഠനവകുപ്പ് സംഘടിപ്പിക്കുന്ന ദ്വിദിന മാനേജ്‌മെന്റ് മീറ്റ് 'അസെന്‍ഡ് - 2K22' സര്‍വകലാശാല കാമ്പസില്‍ ജനുവരി 19-20 തിയതികളിൽ നടക്കും. ബെസ്റ്റ് മാനേജർ, ബെസ്റ്റ് ഫിനാൻസ്, മാർക്കറ്റിംഗ്, ഹ്യൂമൻ റിസോഴ്സ് മാനേജർ, ബിസിനസ്‌ ക്വിസ്, ഫാഷൻ ഷോ എന്നിങ്ങനെ പതിനൊന്നു വിഭാഗങ്ങളിലായി മത്സരങ്ങൾ നടക്കും.

മൂന്നു ലക്ഷത്തിലേറെ സമ്മാനത്തുകയുള്ള അസെൻഡ് ദേശീയ മാനേജ്മെന്റ് മീറ്റിൽ ദക്ഷിണേന്ത്യയിലെ വിവിധ സർവകലാശാലകളിൽ നിന്നും ആയിരത്തിലേറെ വിദ്യാർഥികൾ പങ്കെടുക്കും.

പങ്കെടുക്കുവാൻ താല്പര്യമുള്ളവർ https://ascendmeet.in/ എന്ന വെബ്സൈറ്റ് സന്ദർശിച്ച് രജിസ്റ്റർ ചെയ്യണം. അവസാന തിയതി ജനുവരി 17.