സർക്കാർ ഐ.ടി.​െഎകളിലെ പ്രവേശനത്തിന് ഓൺലൈനായി അപേക്ഷിക്കാം

തിരുവനന്തപുരം: കോവിഡ് നിയന്ത്രണങ്ങൾ പാലിച്ച് അപേക്ഷകർക്കും രക്ഷാകർത്താക്കൾക്കും സൗകര്യപ്രദമായി സർക്കാർ ഐ.ടി.ഐകളിലേക്ക് ഓൺലൈനായി (https://itiadmissions.kerala.gov.in) സെപ്റ്റംബർ 14 വരെ അപേക്ഷിക്കാം.

ഓൺലൈനായി 100 രൂപ ഫീസടച്ച് ഒറ്റ അപേക്ഷയിൽ സംസ്ഥാനത്തെ 104 ഐ.ടി.ഐകളിലെ 76 ഏകവത്സര/ദ്വിവത്സര, മെട്രിക്/നോൺമെട്രിക്, എൻജിനീയറിങ്​/നോൺ എൻജിനീയറിങ്​ വിഭാഗങ്ങളിലെ കേന്ദ്രസർക്കാർ അംഗീകാരമുള്ള എൻ.സി.വി.ടി ട്രേഡുകൾ, സംസ്ഥാന സർക്കാർ അംഗീകാരമുള്ള എസ്.സി.വി.ടി ട്രേഡുകൾ, മികവി​െൻറ കേന്ദ്രപരിധിയിൽ ഉൾപ്പെടുന്ന മൾട്ടിസ്‌കിൽ ക്ലസ്​റ്റർകോഴ്സുകൾ എന്നിവയിൽ പ്രവേശനത്തിന് അപേക്ഷ നൽകാം.

പ്രോസ്പെക്ടസും മാർഗനിർദേശങ്ങളും https://det.kerala.gov.in എന്ന വെബ്സൈറ്റിലും ലഭ്യമാകും.