എ.​പി.​ജെ. അ​ബ്ദു​ൽ ക​ലാം ഇ​ന്നൊ​വേ​ഷ​ൻ അ​വാ​ർ​ഡ്; ഭാ​വി​ലോ​ക​ത്തി​നാ​യി നൂ​ത​നാ​ശ​യ​ങ്ങ​ൾ പ​ങ്കു​വെ​ച്ച്​ വി​ദ്യാ​ർ​ഥി​ക​ൾ

ഷാ​ർ​ജ: അ​ന്താ​രാ​ഷ്ട്ര വി​ദ്യാ​ഭ്യാ​സ പ്ര​ദ​ർ​ശ​ന ന​ഗ​രി​യി​ൽ അ​ര​ങ്ങേ​റു​ന്ന എ​ജു​ക​​ഫേ എ​ട്ടാം സീ​സ​ൺ വേ​ദി​യി​ൽ ഭാ​വി​ലോ​ക​ത്തി​നാ​യി നൂ​ത​നാ​ശ​യ​ങ്ങ​ൾ പ​ങ്കു​വെ​ച്ച്​ വി​ദ്യാ​ർ​ഥി​ക​ൾ. എ.​പി.​ജെ. അ​ബ്ദു​ൽ ക​ലാം ഇ​ന്നൊ​വേ​ഷ​ൻ അ​വാ​ർ​ഡി​നാ​യി മ​ത്സ​ര​രം​ഗ​ത്തെ​ത്തി​യ വി​ദ്യാ​ർ​ഥി​ക​ളാ​ണ്​ സ​മൂ​ഹ​ത്തി​ന്‍റെ ആ​വ​ശ്യ​ങ്ങ​ൾ പ​രി​ഗ​ണി​ച്ച്​ പു​തു​സാ​​ങ്കേ​തി​ക വി​ദ്യ​ക​ൾ ഉ​പ​യോ​ഗ​പ്പെ​ടു​ത്തി​യു​ള്ള ഉ​പ​ക​ര​ണ​ങ്ങ​ളും സം​വി​ധാ​ന​ങ്ങ​ളും എ​ജു​ക​ഫേ വേ​ദി​യി​ലെ നി​റ​ഞ്ഞ വേ​ദി​യി​ൽ പ​ങ്കു​വെ​ച്ച​ത്.

ആ​കെ 21 ടീ​മു​ക​ൾ അ​ണി​നി​ര​ന്ന മ​ത്സ​ര​ത്തി​ൽ എ​ല്ലാ ടീ​മു​ക​ളും പൊ​തു കാ​ല​ത്തി​ന്​ യോ​ജി​ച്ച ആ​ശ​യ​ങ്ങ​ളു​മാ​യാ​ണ്​ രം​ഗ​ത്തെ​ത്തി​യ​ത്. ആ​റ് ടീ​മു​ക​ളാ​ണ് മ​ത്സ​ര​ത്തി​ൽ ഫൈ​ന​ലി​ലെ​ത്തി​യ​ത്. ബ​ഡ്സ് പ​ബ്ലി​ക്ക് സ്കൂ​ൾ വി​ദ്യാ​ർ​ഥി​ക​ളാ​ണ് ഫൈ​ന​ലി​ൽ ആ​ദ്യ അ​വ​ത​ര​ണം ന​ട​ത്തി​യ​ത്. കാ​ർ​ഷി​ക മേ​ഖ​ല​യു​ടെ ച​രി​ത്ര​വും പ്രാ​ധാ​ന്യ​വും പ്ര​ശ്ന​ങ്ങ​ളും അ​വ​ത​രി​പ്പി​ച്ചു​കൊ​ണ്ട്, ഈ ​മേ​ഖ​ല​യി​ലെ പു​തി​യ പ്ര​തി​സ​ന്ധി​ക​ളെ എ​ങ്ങ​നെ മ​റി​ക​ട​ക്കാം എ​ന്ന​തി​നെ​ക്കു​റി​ച്ച ആ​ശ​യ​മാ​ണ്​ അ​വ​ത​ര​ണ​ത്തി​ലു​ണ്ടാ​യി​രു​ന്ന​ത്. 'ബോ​ൺ​സാ​യി' എ​ന്ന ആ​പ്ലി​ക്കേ​ഷ​ൻ ഉ​പ​യോ​ഗി​ച്ച്​ ക​ർ​ഷ​ക​രെ പ​ര​സ്പ​രം ബ​ന്ധി​പ്പി​ക്കു​ക​യും നൂ​ത​ന സാ​ങ്കേ​തി​ക വി​ദ്യ ഉ​പ​യോ​ഗി​ച്ച് മി​ക​ച്ച രീ​തി​യി​ൽ കൃ​ഷി പ്ര​യോ​ഗി​ക്കാ​ൻ സ​ഹാ​യി​ക്കു​ക​യും ചെ​യ്യു​ന്ന കാ​ഴ്ച​പ്പാ​ടാ​ണ്​ അ​വ​ത​ര​ണം മു​ന്നോ​ട്ടു​വെ​ച്ച​ത്. ര​ണ്ടാ​മ​ത്​ അ​വ​ത​ര​ണം ന​ട​ത്തി​യ ക്ര​സ​ൻ​റ് ഇം​ഗ്ലീ​ഷ് സ്കൂ​ൾ വി​ദ്യാ​ർ​ഥി​ക​ൾ ഊ​ർ​ജ ന​ഷ്ട​ത്തെ ത​ട​യാ​നു​ള്ള സാ​​ങ്കേ​തി​ക​വി​ദ്യ​യെ​ക്കു​റി​ച്ച കാ​ഴ്ച​പ്പാ​ടാ​ണ്​ അ​വ​ത​രി​പ്പി​ച്ച​ത്.

വൈ​ദ്യു​തി ന​ഷ്ടം കു​റ​ക്കു​ന്ന​തി​ന് സ​ഹാ​യി​ക്കു​ന്ന അ​ൽ​ഗോ​രി​തം പ​രി​ച​യ​പ്പെ​ടു​ത്തി​യ ഇ​വ​ർ, ഒ​രു സ്ഥ​ല​ത്തെ വൈ​ദ്യു​തി ഉ​പ​യോ​ഗം ക​ണ​ക്കാ​ക്കി അ​ത് കു​റ​ക്കു​ന്ന​തി​ന് ആ​വ​ശ്യ​മാ​യ സം​വി​ധാ​നം രൂ​പ​പ്പെ​ടു​ത്തു​ക എ​ന്ന ആ​ശ​യ​മാ​ണി​വ​ർ പ​ങ്കു​വെ​ച്ച​ത്. തു​ട​ർ​ന്ന്​ അ​വ​ത​ര​ണം ന​ട​ത്തി​യ ഷാ​ർ​ജ എ​മി​റേ​റ്റ്സ് നാ​ഷ​ന​ൽ സ്കൂ​ൾ വി​ദ്യാ​ർ​ഥി​ക​ൾ ഓ​ട്ടി​സം ബാ​ധി​ച്ച കു​ട്ടി​ക​ൾ​ക്കു​ള്ള ഹോ​ളോ​ഗ്രാം ഉ​പ​യോ​ഗ​പ്പെ​ടു​ത്തി ന​ട​ത്തു​ന്ന വി​ദ്യാ​ഭ്യാ​സ രീ​തി​യെ​ക്കു​റി​ച്ച കാ​ഴ്ച​പ്പാ​ടാ​ണ്​ അ​വ​ത​രി​പ്പി​ച്ച​ത്. ഓ​ട്ടി​സം വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ൽ ഭാ​വി​കാ​ല​​ത്തേ​ക്ക്​ അ​നി​വാ​ര്യ​മാ​യ ആ​ലോ​ച​ന​ക​ളാ​യി​രു​ന്നു ഇ​തി​ന്‍റെ ഉ​ള്ള​ട​ക്കം. ഷാ​ർ​ജ ഇ​ന്ത്യ​ൻ സ്കൂ​ൾ വി​ദ്യാ​ർ​ഥി​ക​ൾ ഹൃ​ദ​യാ​ഘാ​തം നേ​ര​ത്തെ തി​രി​ച്ച​റി​യാ​നും ത​ട​യാ​നു​മു​ള്ള സം​വി​ധാ​ന​മാ​ണ്​ പ​രി​ച​യ​പ്പെ​ടു​ത്തി​യ​ത്. സം​വി​ധാ​ന​ത്തി​ന്‍റെ മോ​ഡ​ലു​മാ​യി വേ​ദി​യി​ലെ​ത്തി​യ കു​ട്ടി​ക​ളു​ടെ അ​വ​ത​ര​ണം സ​ദ​സ്സി​ന്‍റെ കൈ​യ​ടി നേ​ടി.

തു​ട​ർ​ന്ന്​ ഷാ​ർ​ജ ഗ​ൾ​ഫ് ഏ​ഷ്യ​ൻ സ്കൂ​ൾ വി​ദ്യാ​ർ​ഥി​ക​ൾ ന​ട​ത്തി​യ അ​വ​ത​ര​ണം ട്രാ​ഫി​ക് തി​ര​ക്കും അ​പ​ക​ട​ങ്ങ​ളും കു​റ​ക്കാ​ൻ സ​ഹാ​യി​ക്കു​ന്ന നൂ​ത​ന​മാ​യ റോ​ഡ് ഗ​താ​ഗ​ത സാ​ങ്കേ​തി​ക​വി​ദ്യ​യാ​ണ് പ​രി​ച​യ​പ്പെ​ടു​ത്തി​യ​ത്. വ​ൻ ന​ഗ​ര​ങ്ങ​ളി​ൽ ഏ​റെ ഉ​പ​കാ​ര​പ്പെ​ടു​ന്ന ഈ ​ആ​ശ​യം ഭാ​വി​കാ​ല​ത്ത്​ യു.​എ.​ഇ​യി​ല​ട​ക്കം ഉ​പ​യോ​ഗി​ക്കാ​വു​ന്ന​താ​ണെ​ന്ന്​ കു​ട്ടി​ക​ൾ ജ​ഡ്ജ​സി​ന്‍റെ ചോ​ദ്യ​ങ്ങ​ൾ​ക്ക്​ മ​റു​പ​ടി​യാ​യി പ​റ​ഞ്ഞു. ഹാ​ബി​റ്റാ​റ്റ് സ്കൂ​ൾ വി​ദ്യാ​ർ​ഥി​ക​ൾ സ്മാ​ർ​ട്ട് ഓ​ർ​ഗ​ൻ ട്രാ​ൻ​സ് പ്ലാ​ൻ​റ് എ​ന്ന ആ​പ്ലി​ക്കേ​ഷ​ൻ ഉ​പ​യോ​ഗ​പ്പെ​ടു​ത്തി അ​വ​യ​വ മാ​റ്റ ശ​സ്ത്ര​ക്രി​യ​ക​ൾ എ​ങ്ങ​നെ എ​ളു​പ്പ​മാ​ക്കാം എ​ന്ന​തി​നെ​ക്കു​റി​ച്ച അ​വ​ത​ര​ണ​മാ​ണ് ന​ട​ത്തി​യ​ത്.

പു​തി​യ​കാ​ല​​ത്തെ അ​ഭി​മു​ഖീ​ക​രി​ക്കു​ന്ന​താ​ണ്​ കു​ട്ടി​ക​ളു​ടെ ആ​ശ​യ​ങ്ങ​ളെ​ന്ന്​ ജ​ഡ്ജി​മാ​രാ​യ ടി.​പി. ശ​റ​ഫു​ദ്ദീ​ൻ, ഇ​ഹ്​​തി​ഷാ​മു​ദ്ദീ​ൻ പു​ത്തൂ​ർ എ​ന്നി​വ​ർ വി​ല​യി​രു​ത്തി. കു​ട്ടി​ക​ളു​ടെ ആ​ശ​യ​ങ്ങ​ൾ വ​ള​രെ ക​രു​ത്തു​റ്റ​താ​ണെ​ന്ന് അ​ഭി​പ്രാ​യ​പ്പെ​ട്ട ജ​ഡ്ജി​മാ​ർ മെ​ച്ച​പ്പെ​ടു​ത്താ​നു​ള്ള നി​ർ​ദേ​ശ​ങ്ങ​ളും പ​ങ്കു​വെ​ച്ചു. ച​ട​ങ്ങി​ൽ ഗ​ൾ​ഫ് മാ​ധ്യ​മം ചീ​ഫ് എ​ഡി​റ്റ​ർ വി.​കെ. ഹം​സ അ​ബ്ബാ​സ്​ ജ​ഡ്ജി​മാ​ർ​ക്ക് ഉ​പ​ഹാ​രം ന​ൽ​കി. മ​ത്സ​ര വി​ജ​യി​ക​ളെ ശ​നി​യാ​ഴ്ച പ്ര​ഖ്യാ​പി​ക്കും.