ഡെയറി സയൻസ്​ കോളജുകളിൽ 89 തസ്തികകൾക്ക്​ അനുമതി

തി​രു​വ​ന​ന്ത​പു​രം: കേ​ര​ള വെ​റ്റ​റി​ന​റി ആ​ന്‍ഡ് അ​നി​മ​ല്‍ സ​യ​ന്‍സ​സ് സ​ര്‍വ​ക​ലാ​ശാ​ല​യു​ടെ കീ​ഴി​ല്‍ പു​തു​താ​യി ആ​രം​ഭി​ച്ച ഡെ​യ​റി സ​യ​ന്‍സ് കോ​ള​ജു​ക​ളി​ല്‍ 69 അ​ധ്യാ​പ​ക ത​സ്തി​ക​ക​ളും 20 അ​ന​ധ്യാ​പ​ക ത​സ്തി​ക​ക​ളും സൃ​ഷ്ടി​ക്കാ​ൻ മ​ന്ത്രി​സ​ഭ യോ​ഗം തീ​രു​മാ​നി​ച്ചു. കെ. ​ആ​ര്‍. നാ​രാ​യ​ണ​ന്‍ ഇ​ന്‍സ്റ്റി​റ്റ്യൂ​ട്ട് ഓ​ഫ് വി​ഷ്വ​ല്‍ സ​യ​ന്‍സ് ആ​ൻ​ഡ്​ ആ​ർ​ട്​​സി​ല്‍ അ‍ഡ്മി​നി​സ്ട്രേ​റ്റി​വ് ഓ​ഫി​സ​റു​ടെ ത​സ്തി​ക താ​ല്‍ക്കാ​ലി​ക​മാ​യി സൃ​ഷ്ടി​ക്കും. അ​ണ്ട​ര്‍ സെ​ക്ര​ട്ട​റി​യു​ടെ റാ​ങ്കി​ൽ ഉ​ദ്യോ​ഗ​സ്ഥ​നെ അ​ന്യ​ത്ര സേ​വ​ന വ്യ​വ​സ്ഥ​യി​ല്‍ നി​യ​മി​ക്കും.

● തി​രു​വ​ന​ന്ത​പു​ര​ത്ത് യു​ദ്ധ​സ്മാ​ര​കം നി​ര്‍മി​ക്കു​ന്ന​തി​ന് എ​ട്ടു​ കോ​ടി രൂ​പ​ക്ക്​ ഭ​ര​ണാ​നു​മ​തി ന​ല്‍കി

● കേ​ര​ള സ്റ്റേ​റ്റ് ടെ​ക്സ്റ്റൈ​ൽ കോ​ർ​പ​റേ​ഷ​ന്‍റെ യൂ​നി​റ്റ് മി​ല്ലു​ക​ളാ​യ കോ​ട്ട​യം ടെ​ക്സ്റ്റൈ​ൽ​സി​നും പ്ര​ഭു​റാം മി​ല്ലി​നും വേ​ണ്ടി സ്റ്റേ​റ്റ് ബാ​ങ്ക് ഓ​ഫ് ട്രാ​വ​ൻ​കൂ​റി​ൽ (ഇ​പ്പോ​ൾ സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ) നി​ന്നും ക​ട​മെ​ടു​ത്ത 1.80 കോ​ടി രൂ​പ​യു​ടെ പ്ര​വ​ർ​ത്ത​ന​മൂ​ല​ധ​ന വാ​യ്പ​യു​ടെ സ​ർ​ക്കാ​ർ ഗ്യാ​ര​ന്‍റി കാ​ല​യ​ള​വ് വ്യ​വ​സ്ഥ​ക​ൾ​ക്ക്​ വി​ധേ​യ​മാ​യി 01.01.2023 മു​ത​ൽ ര​ണ്ടു വ​ർ​ഷ​ത്തേ​ക്ക്​ കൂ​ടി നീ​ട്ടും.

● വ​നം വ​ന്യ​ജീ​വി വ​കു​പ്പി​ല്‍ സൂ​പ്പ​ര്‍ ന്യൂ​മ​റ​റി ത​സ്തി​ക​യി​ല്‍ ഫോ​റ​സ്റ്റ് വാ​ച്ച​റാ​യി ജോ​ലി നോ​ക്ക​വെ, കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ മ​രി​ച്ച ബി. ​ബൊ​മ്മ​ന്‍റെ മ​ക​നാ​യ ബി. ​ജ​യ​രാ​ജ​ന് വ​നം വ​കു​പ്പി​ല്‍ ഫോ​റ​സ്റ്റ് വാ​ച്ച​ര്‍ (സ്പെ​ഷ​ല്‍ റി​ക്രൂ​ട്ട്മെ​ന്‍റ്) ത​സ്തി​ക​യി​ല്‍ സൂ​പ്പ​ര്‍ ന്യൂ​മ​റ​റി ത​സ്തി​ക സൃ​ഷ്ടി​ച്ച് നി​യ​മ​നം ന​ല്‍കും.

● കൃ​ഷി വ​കു​പ്പി​ന്റെ അ​ധീ​ന​ത​യി​ൽ പൊ​തു​മേ​ഖ​ല സ്ഥാ​പ​ന​മാ​യ ഓ​യി​ല്‍ പാം ​ഇ​ന്ത്യ ലി​മി​റ്റ​ഡി​ന്‍റെ നി​യ​ന്ത്ര​ണ​ത്തി​ൽ വെ​ച്ചൂ​ര്‍ മോ​ഡേ​ണ്‍ റൈ​സ് മി​ല്ലി​ലെ സ്ഥി​രം ജീ​വ​ന​ക്കാ​ർ​ക്ക് ഒ​മ്പ​തും പ​ത്തും ശ​മ്പ​ള പ​രി​ഷ്ക​ര​ണം അ​നു​വ​ദി​ക്കും.