Begin typing your search above and press return to search.
exit_to_app
exit_to_app
Homechevron_rightEducationchevron_rightEdu Newschevron_rightപ്ലസ്​ വൺ...

പ്ലസ്​ വൺ പരീക്ഷയെഴുതാൻ 4.35 ലക്ഷം വിദ്യാർഥികൾ

text_fields
bookmark_border
exam
cancel

തിരുവനന്തപുരം: സെപ്​റ്റംബർ ആറിന്​ തുടങ്ങുന്ന ഒന്നാം വർഷ ഹയർസെക്കൻഡറി പരീക്ഷക്ക്​ 4.35 ലക്ഷം വിദ്യാർഥികൾ ഹാജരാകും. സ്​കോൾ കേരളക്ക്​ (ഒാപൺ) കീഴിൽ പരീക്ഷക്ക്​ രജിസ്​റ്റർ ചെയ്​തവർ ഉൾപ്പെടെയാണിത്​. മാതൃക പരീക്ഷ ചൊവ്വാഴ്ച​ ആരംഭിക്കും. സെപ്​റ്റംബർ നാലുവരെയാണ്​ മാതൃക പരീക്ഷ. വിദ്യാർഥികൾക്ക്​ വീട്ടിലിരുന്നുതന്നെ രക്ഷാകർത്താവി​െൻറ മേൽനോട്ടത്തിൽ പരീക്ഷയെഴുതാം. പരീക്ഷ ആരംഭിക്കുന്നതി​െൻറ ഒരു മണിക്കൂർ മുമ്പ്​ www.dhsekerala.gov.in എന്ന പോർട്ടലിൽ ചോദ്യപേപ്പർ അപ്​ലോഡ്​ ചെയ്യും. വിദ്യാർഥികൾക്ക്​ പോർട്ടലിൽനിന്ന്​ ചോദ്യപേപ്പർ ഡൗൺലോഡ്​ ചെയ്​ത് മാതൃക​ പരീക്ഷയെഴുതാം. പരീക്ഷയെഴുതിയശേഷം വിദ്യാർഥികൾക്ക്​ അധ്യാപകരുമായി ഡിജിറ്റൽ മാധ്യമങ്ങൾ വഴി സംശയനിവാരണം നടത്താം.

പരീക്ഷക്ക്​ മുന്നോടിയായി സെപ്റ്റംബർ രണ്ടുമുതൽ നാലുവരെ പൊതുജന പങ്കാളിത്തത്തോടെ ക്ലാസ് മുറികളും സ്കൂളുകളും ശുചീകരിക്കും. ആർ.ഡി.ഡിമാരുടെയും എ.ഡിമാരുടെയും നേതൃത്വത്തിൽ സ്കൂൾ പ്രിൻസിപ്പൽമാരുടെ യോഗം വിളിച്ചുചേർത്ത് പരീക്ഷ തയാറെടുപ്പ് വിലയിരുത്തും. പ്രിൻസിപ്പൽമാർ അധ്യാപകരുടെ യോഗം വിളിക്കും. പരീക്ഷാ കേന്ദ്രങ്ങളിൽ തെർമൽ സ്കാനറും സാനിറ്റൈസറും ഉറപ്പുവരുത്തും. ആർ.ഡി.ഡിമാർ അടിയന്തരമായി പരീക്ഷകേന്ദ്രങ്ങൾ സന്ദർശിച്ച് പൊതുവിദ്യാഭ്യാസ ഡയറക്​ടർക്ക് റിപ്പോർട്ട് നൽകണം. പരീക്ഷക്കെത്തുന്ന വിദ്യാർഥികൾക്ക് യൂനിഫോം നിർബന്ധമാക്കരുതെന്ന്‌ വിദ്യാഭ്യാസമന്ത്രി ശിവൻകുട്ടി നിർദേശം നൽകി. പരീക്ഷക്കുള്ള ഒരുക്കങ്ങൾ ഉന്നത ഉദ്യോഗസ്ഥരുടെ യോഗം വിളിച്ച്​ മന്ത്രി വിലയിരുത്തി.

ആർ.ഡി.ഡിമാർ, എ.ഡിമാർ, ജില്ല കോഓഡിനേറ്റർമാർ, അസി. കോഓഡിനേറ്റർമാർ എന്നിവരുമായി മന്ത്രി ആശയവിനിമയം നടത്തി. പൊതുവിദ്യാഭ്യാസ പ്രിൻസിപ്പൽ സെക്രട്ടറി എ.പി.എം. മുഹമ്മദ്‌ ഹനീഷ് , ഡയറക്ടർ കെ. ജീവൻബാബു, ഹയർ സെക്കൻഡറി പരീക്ഷ വിഭാഗം ജോയൻറ്​ ഡയറക്ടർ ഡോ. എസ്.എസ്. വിവേകാനന്ദൻ എന്നിവരും യോഗത്തിൽ പ​െങ്കടുത്തു.

Show Full Article
TAGS:Plus One exam exam 
News Summary - 4.35 lakh students to appear for Plus One exam
Next Story