ഇ.എസ്​.ഐ കോർപറേഷനിൽ യു.ഡി ക്ലർക്, സ്​റ്റെനോഗ്രാഫർ, എം.ടി.എസ്​ ​130 ഒഴിവുകൾ

ഇ.എസ്​.ഐ കോർപറേഷൻ കേരള മേഖല ഓഫിസുകളിലേക്ക്​ ഇനി പറയുന്ന തസ്തികകളിൽ നിയമനത്തിന് അപേക്ഷ ക്ഷണിച്ചു. 130 ഒഴിവുകളുണ്ട്​. സ്ഥിര നിയമനമാണ്​.

അപ്പർ ഡിവിഷൻ (യു.ഡി) ക്ലർക്​, ഒഴിവുകൾ -66 (ജനറൽ 42, എസ്​.സി 2, എസ്​.ടി 2, ഒ.ബി.സി 14, ഇ.ഡബ്ല്യു.എസ്​ 6). ഒമ്പത്​​ ഒഴിവുകളിൽ വിമുക്​തഭടന്മാർക്ക്​ നിയമനം ലഭിക്കും. ശമ്പളനിരക്ക്​ 25,500-81,100 രൂപ. യോഗ്യത: അംഗീകൃത സർവകലാശാല ബിരുദവും കമ്പ്യൂട്ടർ വർക്കിങ്​ നോളജും. പ്രായപരിധി 18-27 ​.

സ്​റ്റെനോഗ്രാഫർ, ഒഴിവുകൾ -4 (ജനറൽ 1, എസ്​.സി 1, എസ്​.ടി 1, ഒ.ബി.സി 1). ശമ്പളനിരക്ക്​ 25,500-81,100 രൂപ. യോഗ്യത- പ്ലസ്​ടു/തത്തുല്യ പരീക്ഷ പാസായിരിക്കണം. സ്കിൽ ടെസ്റ്റ്​- 10 മിനിറ്റ്​​ (മിനിറ്റിൽ 80 വാക്ക്​ വേഗതയുണ്ടാകണം). ട്രാൻസ്ക്രിപ്​ഷൻ (കമ്പ്യൂട്ടറിൽ മാത്രം): 50 മിനിറ്റ്​ (ഇംഗ്ലീഷ്​), 65 മിനിറ്റ്​ (ഹിന്ദി). പ്രായപരിധി 18-27.

മൾട്ടി ടാസ്കിങ്​ സ്റ്റാഫ്​ (എം.ടി.എസ്​) ഒഴിവുകൾ -60 (ജനറൽ 25, എസ്​.സി 7, ഒ.ബി.സി 22, ഇ.ഡബ്ല്യു.എസ്​ 6). വിമുക്​തഭടന്മാർക്ക്​ 5 ഒഴിവുകളിൽ നിയമനം ലഭിക്കും. ശമ്പളനിരക്ക്​ 18,000-56,900 രൂപ.​ യോഗ്യത- മെട്രിക്കുലേഷൻ/എസ്​.എസ്​.എൽ.സി/തത്തുല്യ പരീക്ഷ പാസായിരിക്കണം. പ്രായപരിധി 18-25​.

എസ്​.സി/എസ്​.ടി/ഒ.ബി.സി/പി.ഡബ്ല്യു.ഡി/ വിമുക്​തഭടന്മാർ/ഇ.എസ്​.ഐ​ കോർപറേഷൻ ജീവനക്കാർ/ സർക്കാർ ജീവനക്കാർ എന്നീ വിഭാഗങ്ങളിൽപെടുന്ന അപേക്ഷകർക്ക്​ പ്രായപരിധിയിൽ ഇളവു​ ലഭിക്കും. വിജ്​ഞാപനം www.esic.nic.inൽ​. അപേക്ഷ ഓൺലൈനായി ജനുവരി 15 മുതൽ ഫെബ്രുവരി 15വരെ.