വർക്കിങ് പ്രഫഷനലുകൾക്ക് എം.ടെക് പ്രവേശനം
text_fieldsഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (ഐ.െഎ.ഐ.ടി) കോട്ടയം (വളവൂർ, പാലാ) ഇക്കൊല്ലം വർക്കിങ് പ്രഫഷനലുകൾക്കായി തിരുവനന്തപുരം ഓഫ് കാമ്പസിൽ നടത്തുന്ന എം.ടെക്-ആർട്ടിഫിഷ്യൽ ഇൻറലിജൻസ് ആൻഡ് ഡേറ്റ സയൻസ്; സൈബർ സെക്യൂരിറ്റി പ്രോഗ്രാമുകളിലേക്കുള്ള പ്രവേശനത്തിന് അപേക്ഷകൾ ക്ഷണിച്ചു. കോഴ്സ് മൂന്നു വർഷമാണെങ്കിലും അഞ്ചു വർഷം വരെ നീളാം. വീക്കെൻഡ്/അവധിദിവസങ്ങളിലാണ് ക്ലാസുകൾ.
യോഗ്യത: ഏതെങ്കിലും ഡിസിപ്ലിനിൽ ബി.ഇ/ബി.ടെക് അല്ലെങ്കിൽ എം.സി.എ/എം.എസ്സി/എം.എസ് (കമ്പ്യൂട്ടർ സയൻസ്/ഐ.ടി/മാത്തമാറ്റിക്സ്/ഫിസിക്സ്/സ്റ്റാറ്റിസ്റ്റിക്സ്) ഇൻഡസ്ട്രി/റിസർച് ആൻഡ് െഡവലപ്മെൻറ്/അക്കാദമിക് മേഖലയിൽ ഒരുവർഷത്തിൽ കുറയാതെ പ്രഫഷനൽ എക്സ്പീരിയൻസ് ഉണ്ടായിരിക്കണം.
യോഗ്യതപരീക്ഷ മൊത്തം 60 ശതമാനം മാർക്കിൽ കുറയാതെ വിജയിച്ചിരിക്കണം. ഔദ്യോഗിക വിജ്ഞാപനം www.iiitkottayam.ac.inൽനിന്നും ഡൗൺലോഡ് ചെയ്യാം. അപേക്ഷ നിർദേശാനുസരണം ഓൺലൈനായി https://Mtechwp.iiitkottayam.ac.inൽ ഇപ്പോൾ സമർപ്പിക്കാം. ജൂലൈ 18 വരെ അപേക്ഷകൾ സ്വീകരിക്കും. കേന്ദ്ര വിദ്യാഭ്യാസ മന്ത്രാലയത്തിനു കീഴിലുള്ള സ്ഥാപനമാണിത്. സംശയനിവാരണത്തിന് pgacademics@iiitkottayam.ac.in എന്ന ഇ-മെയിലിലും 0482-2202161/2202135 ഫോൺനമ്പറിലും ബന്ധപ്പെടാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.