കേന്ദ്ര സായുധ സേനകളിൽ മെഡിക്കൽ ഓഫിസർ, സ്പെഷലിസ്റ്റ്: അപേക്ഷ ക്ഷണിച്ചു

ബി.എസ്.എഫ്, സി.ആർ.പി.എഫ്, ഐ.ടി.ബി.പി, എസ്.എസ്.ബി, അസം റൈഫിൾസ് അടങ്ങിയ സെൻട്രൽ ആംഡ് പൊലീസ് ഫോഴ്സിലേക്ക് മെഡിക്കൽ ഓഫിസർ, സ്പെഷലിസ്റ്റ് തസ്തികകളിൽ റിക്രൂട്ട്മെന്റിന് അപേക്ഷ ക്ഷണിച്ചു. 297 ഒഴിവുകളുണ്ട്. തസ്തിക തിരിച്ചുള്ള ഒഴിവുകൾ ചുവടെ.

* സൂപ്പർ സ്പെഷലിസ്റ്റ് മെഡിക്കൽ ഓഫിസേഴ്സ് (സെക്കൻഡ് ഇൻ കമാൻഡന്റ്). ഒഴിവുകൾ -5 (ജനറൽ-4, ഒ.ബി.സി -1).

* സ്പെഷലിസ്റ്റ് മെഡിക്കൽ ഓഫിസേഴ്സ് (ഡെപ്യൂട്ടി കമാൻഡന്റ്). ഒഴിവുകൾ-185 (ജനറൽ-83, ഒ.ബി.സി-48, ഇ.ഡബ്ല്യു.എസ് -19, എസ്.സി-24, എസ്.ടി-11).

* മെഡിക്കൽ ഓഫിസേഴ്സ് (അസിസ്റ്റന്റ് കമാൻഡന്റ്). ഒഴിവുകൾ -107 (ജനറൽ-27, ഒ.ബി.സി-19, ഇ.ഡബ്ല്യു.എസ്-1, എസ്.സി-48, എസ്.ടി-7).

യോഗ്യത, സെലക്ഷൻ നടപടികൾ ഉൾപ്പെടെ വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.recruitment.itbpolice.nic.in ൽ ലഭിക്കും. ഫെബ്രുവരി 15 മുതൽ മാർച്ച് 16 വരെ നിർദേശാനുസരണം ഓൺലൈനായി അപേക്ഷിക്കാം. അപേക്ഷഫീസ് 400 രൂപ. SC/ST/വനിതകൾ/വിമുക്തഭടന്മാർക്ക് ഫീസില്ല. മെഡിക്കൽ ഓഫിസർ തസ്തികയിൽ 10 ശതമാനം ഒഴിവുകൾ വിമുക്തഭടന്മാർക്കായി സംവരണം ചെയ്തിട്ടുണ്ട്.