കേ​ന്ദ്ര സർവകലാശാലയിൽ 'ലൈഫ്​ സ്​കിൽ' കോഴ്​സുകൾക്ക്​ അപേക്ഷിക്കാം

പെരിയ: കേരള കേന്ദ്ര സർവകലാശാലയിൽ പുതുതായി ആരംഭിച്ച ഇ.ശ്രീധരൻ സന്‍റർ ഫോർ ലൈഫ്​ സ്​കിൽ എഡ്യൂകേഷൻ നടത്തുന്ന ഡിപ്ലോമ, സർടിഫിക്കറ്റ്​ കോഴ്​സുകൾക്ക്​ ജനുവരി 10 ​വരെ അപേക്ഷിക്കാം. വ്യക്​തിത്വ വികസനം ലക്ഷ്യമാക്കുന്ന കോഴ്​സുകൾ സർവകലാശാലകളിൽ ആദ്യമാണ്​.

വിദ്യാഭ്യാസ രംഗത്തും കോർപറേറ്റ്​ മേഖലയിലും പൊതുരംഗത്തും പ്രവർത്തിക്കുന്നവർക്കും വിദ്യാർഥികൾക്കും ഏറെ പ്രയോജനം ചെയ്യുന്ന കോഴ്​സാണിത്​. ഒരു വർഷം നീണ്ടു നിൽക്കുന്ന ഈ കോഴ്​സിന്​ ഡിഗ്രിയാണ്​ യോഗ്യത. ആറു മാസം നീണ്ടുനിൽക്കുന്ന സർട്ടിഫിക്കറ്റ്​ കോഴ്​സുകൾക്ക്​ പ്ലസ്​ടുവാണ്​ യോഗ്യത.

80 സീറ്റുകളാണുള്ളത്​. ജനുവരി 22ന്​ ക്ലാസുകൾ ആരംഭിക്കും. ക്ലാസുകൾ ഓൺലൈൻ വഴിയായിരിക്കും. വിശദ വിവരങ്ങൾക്ക്​: www.cukerala.ac.in - അപേക്ഷ ഫോറം ലഭിക്കാൻ: https://docs.google.com/forms/d/e/1FAIpQLScTPH-RbaMyuUGYiTJ8mgvqRSEZ2X7goj4TkAHyImuH7oaDEw/viewform