സഹകരണ ബാങ്കുകളിൽ ജൂനിയർ ക്ലർക്ക്​/കാഷ്യർ,ഡേറ്റ എൻട്രി ഓപറേറ്റർ

സംസ്​ഥാനത്തെ വിവിധ സഹകരണ സംഘങ്ങളിൽ ഇനിപറയുന്ന തസ്​തികകളിൽ നേരിട്ടുള്ള നിയമനത്തിന്​ സഹകരണ സർവിസ്​ പരീക്ഷ ബോർഡ്​ നിശ്ചിത ഫോറത്തിൽ അപേക്ഷ ക്ഷണിച്ചു. കാറ്റഗറി നമ്പർ 4-8/2021 വരെയുള്ള തസ്​തികകളിലേക്കാണ്​ ഇപ്പോൾ അപേക്ഷ ക്ഷണിച്ചിട്ടുള്ളത്​. വിശദാംശങ്ങൾ ചുവടെ:

• അസിസ്​റ്റൻറ്​​​ സെക്രട്ടറി/മാനേജർ/ചീഫ്​ അക്കൗണ്ടൻറ് ​(കാറ്റഗറി നമ്പർ 4/2021). ഒഴിവുകൾ -7 (തിരുവനന്തപുരം-2, പത്തനംതിട്ട-1, കോട്ടയം-1, എറണാകുളം-1, തൃശൂർ-1, കോഴിക്കോട്​-1).

യോഗ്യത: മൊത്തം 50 ശതമാനം മാർക്കിൽ കുറയാതെ ബിരുദവും സഹകരണ ഹയർ ​ഡിപ്ലോമയും/ജൂനിയർ ഡിപ്ലോമ ഇൻ കോഓപറേഷനും അല്ലെങ്കിൽ ബി.എസ്​സി/എം.എസ്​സി- സഹകരണം ആൻഡ്​ ബാങ്കിങ്​) അല്ലെങ്കിൽ 50 ശതമാനം മാർക്കോടെ ബി.കോം (സഹകരണം).

• ജൂനിയർ ക്ലർക്ക്/കാഷ്യർ (കാറ്റഗറി നമ്പർ 5/2021). ഒഴിവുകൾ 225 (തിരുവനന്തപുരം-16, കൊല്ലം -8, പത്തനംതിട്ട -9, ആലപ്പുഴ-14 കോട്ടയം-18, ഇടുക്കി-8, എറണാകുളം-43, തൃശൂർ -21, പാലക്കാട്​-25, മലപ്പുറം-13, കോഴിക്കോട്​-13, വയനാട്​ -2, കണ്ണൂർ -30, കാസർകോട്​-5. യോഗ്യത: എസ്​.എസ്​.എൽ.സി/തത്തുല്യ യോഗ്യതയും ​ജെ.ഡി.സിയും അല്ലെങ്കിൽ ബി.കോം (ഓപറേഷൻ) അല്ലെങ്കിൽ ബിരുദവും സഹകരണ ഡിപ്ലോയും അല്ലെങ്കിൽ ബി.എസ്​സി (സഹകരണം ആൻഡ്​ ബാങ്കിങ്​).
• സിസ്​റ്റം അഡ്​മിനിസ്​ട്രേറ്റർ (കാറ്റഗറി നമ്പർ 6/2021), ഒഴിവുകൾ -6 (തിരുവനന്തപുരം-1, കൊല്ലം -1, കോട്ടയം-1, പാലക്കാട്​-1, കണ്ണൂർ -1). യോഗ്യത: ഫസ്​റ്റ്​ക്ലാസ്​ ബി.ടെക്​ (കമ്പ്യൂട്ടർ സയൻസ്​/ഐ.ടി/ഇ.സി/എം.സി.എ/എം.എസ്​സി കമ്പ്യൂട്ടർ സയൻസ്​/ഐ.ടി) റെഡ്​ഹാറ്റ്​ സർട്ടിഫിക്കേഷൻ അഭിലഷണീയം. മൂന്നു വർഷത്തെ പ്രവൃത്തിപരിചയമുണ്ടായിരിക്കണം.
• ഡേറ്റ എൻട്രി ഓപറേറ്റർ (കാറ്റഗറി നമ്പർ 7/2021). ഒഴിവുകൾ-9 (തിരുവനന്തപുരം-2, ആലപ്പുഴ-1, തൃശൂർ-4,​ കോഴിക്കോട്​-1, കണ്ണൂർ-1). യോഗ്യത: ബിരുദവും അംഗീകൃത ഡേറ്റ എൻട്രി സർട്ടിഫിക്കറ്റും ഒരുവർഷത്തെ പ്രവൃത്തിപരിചയവും.
• ടൈപിസ്​റ്റ്​ (കാറ്റഗറി 8/2021), ഒഴിവുകൾ ഒന്ന്​ (കോഴിക്കോട്​). യോഗ്യത: എസ്​.എസ്​.എൽ.സി/തത്തുല്യം. കെ.ജി.ടി.ഇ ഇംഗ്ലീഷ്​ ആൻഡ്​ മലയാളം ടൈപ്​റൈറ്റിങ്​ ​േലാവർ.

പ്രായപരിധി 18-40​. സംവരണ വിഭാഗങ്ങൾക്ക്​ ചട്ടപ്രകാരം പ്രായപരിധിയിൽ ഇളവുണ്ട്​. ഫീസ്​ 150 രൂപ. ഒന്നിലധികം ബാങ്ക്​/സംഘത്തിലേക്ക്​ 50 രൂപ അധികം നൽകണം. ഒറ്റ അപേക്ഷ മതി. നിശ്ചിത അപേക്ഷഫോറവും അപേക്ഷ സമർപ്പണത്തിനുള്ള നിർദേശങ്ങളും www.csebkerala.orgൽ ലഭ്യമാണ്​. അപേക്ഷ ബന്ധപ്പെട്ട ​േരഖകൾ സഹിതം സെക്രട്ടറി, സഹകരണ സർവിസ്​പരീക്ഷ ബോർഡ്​, ഓവർബ്രിഡ്​ജ്​, ജനറൽ പോസ്​റ്റ്​ ഓഫിസ്​, തിരുവനന്തപുരം1 എന്ന വിലാസത്തിൽ അയക്കുക.