Begin typing your search above and press return to search.
exit_to_app
exit_to_app
Infosys to hire 35,000 freshers in FY22
cancel
Homechevron_rightEducationchevron_rightCareer Newschevron_right35,000 ബിരുദധാരികളെ...

35,000 ബിരുദധാരികളെ തേടി ഇൻഫോസിസ്​; രാജ്യത്തെ പ്രമുഖ ഐ.ടി കമ്പനിയുടെ ഭാഗമാകാം

text_fields
bookmark_border

ബംഗളൂരു: രാജ്യത്തെ പ്രമുഖ സോഫ്​റ്റ്​വെയർ കമ്പനിയായ ഇൻഫോസിസ്​ ബിരുദധാരികളെ തേടുന്നു. ആഗോളതലത്തിൽ 35,000 ബിരുദധാരികളെ നിയമിക്കാനാണ്​ തീരുമാനം.

പഠിച്ചിറങ്ങുന്ന ബിരുദധാരികൾക്കായിരിക്കും അവസരം. ആഗോളതലത്തിലെ ബിരുദധാരികൾക്ക്​ ഇൻഫോസിസിന്‍റെ ഭാഗമാകാൻ അവസരം ലഭിക്കും.

കോവിഡ്​ ലോക്​ഡൗണിൽ അസൂയാവഹമായ വളർച്ച കൈവരിച്ച കമ്പനികളിലൊന്നായിരുന്നു ഇൻഫോസിസ്​. മാർച്ച്​​ പാദത്തിൽ 2.59 ലക്ഷമായിരുന്നു തൊഴിലാളികളുടെ എണ്ണമെങ്കിൽ, ജൂൺ പാദത്തിന്‍റെ അവസാനത്തിൽ തൊഴിലാളികളുടെ എണ്ണം 2.67ലക്ഷമായി വർധിച്ചിരുന്നു.

'കമ്പനിക്കാവശ്യമായ ഡിജിറ്റൽ പ്രതിഭകളുടെ ആവശ്യം നിറവേറ്റുന്നതിന്​ 2022ൽ 35,000 ബിരുദധാരികളെ കണ്ടെത്തും' -ഇൻഫോസിസ്​ ഓപ്പറേറ്റിങ്​ ഓഫിസർ പ്രവീൺ റാവു പറഞ്ഞു.

ജൂൺ പാദത്തിൽ 13.9 ശതമാനം പേരാണ്​ ഐ.ടി മേഖലയിൽനിന്ന്​ കൊഴിഞ്ഞുപോയത്​. മാർച്ചിൽ ഇത്​ 10.9ശതമാനമായിരുന്നു.

അതേസമയം, ഐ.ടി മേഖലയിൽ ഇൻഫോസിസ്​ വൻ​ കുതിച്ചുചാട്ടം കൈവരിച്ച കാലഘട്ടമായിരുന്നു കടന്നുപോയത്​. ജൂണിൽ അവസാനിച്ച പാദത്തിൽ അറ്റാദായത്തിൽ 22.7 ശതമാനം വർധന രേഖപ്പെടുത്തിയിരുന്നു. 5195 കോടി രൂപയുടെ വർധനയാണ്​ രേഖപ്പെടുത്തിയത്​. ആഗോളകമ്പനികൾ ഇന്ത്യൻ ഐ.ടി കമ്പനികളിൽ നടത്തുന്ന നിക്ഷേപമാണ്​ വളർച്ചക്ക്​ പ്രധാന കാരണം.

Show Full Article
TAGS:Infosys IT company 
News Summary - Infosys to hire 35,000 freshers in FY22
Next Story