ഗെയിൽ ഇന്ത്യയിൽ എക്സിക്യൂട്ടിവ് ട്രെയിനി

കേന്ദ്ര പൊതുമേഖല സ്ഥാപനമായ ഗെയിൽ ഇന്ത്യ എക്സിക്യൂട്ടിവ് ട്രെയിനികളെ തേടുന്നു. ഒഴിവുകൾ 48 (ഇൻസ്ട്രുമെന്റേഷൻ 18, മെക്കാനിക്കൽ 15, ഇലക്ട്രിക്കൽ 15). യോഗ്യത: 65 ശതമാനം മാർക്കോടെ ബി.ഇ/ബി.ടെക് (ഇൻസ്ട്രുമെന്റേഷൻ/ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ/ ഇലക്ട്രിക്കൽ ഇൻസ്ട്രുമെന്റേഷൻ/ ഇലക്ട്രോണിക്സ്/ഇലക്ട്രിക്കൽ ആൻഡ് ഇലക്ട്രോണിക്സ്/മെക്കാനിക്കൽ/പ്രൊഡക്ഷൻ/പ്രൊഡക്ഷൻ ആൻഡ് ഇൻഡസ്ട്രിയൽ/മാനുഫാക്ചറിങ്/മെക്കാനിക്കൽ ആൻഡ് ഓട്ടോമേഷൻ). SC/ST/PWD വിഭാഗങ്ങൾക്ക് 60 ശതമാനം മാർക്ക് മതി. ഗേറ്റ് 2022 സ്കോർ നേടിയിരിക്കണം.

പഞ്ചവത്സര ഇന്റഗ്രേറ്റഡ് എം.ഇ/എം.ടെക് യോഗ്യത നേടിയവരെയും പരിഗണിക്കും. ഫൈനൽ യോഗ്യതാപരീക്ഷയെഴുതുന്നവർക്കും അപേക്ഷിക്കാം. 2020 വർഷമോ അതിനുമുമ്പോ യോഗ്യത നേടിയവർക്ക് അപേക്ഷിക്കാൻ അർഹതയില്ല. പ്രായപരിധി 16.3.2022ൽ 26 വയസ്സ്. എസ്.സി/എസ്.ടി വിഭാഗങ്ങൾക്ക് അഞ്ചു വർഷവും ഒ.ബി.സി നോൺ ക്രീമിലെയർ വിഭാഗങ്ങൾക്ക് മൂന്നു വർഷവും ഭിന്നശേഷിക്കാർക്ക് 10 വർഷവും പ്രായപരിധിയിൽ ഇളവുണ്ട്. വിമുക്തഭടന്മാർക്കും മറ്റും ചട്ടപ്രകാരം ഇളവ്. വിജ്ഞാപനം https://gailonline.comൽ കരിയേഴ്സ് ലിങ്കിൽ അപേക്ഷ ഓൺലൈനായി മാർച്ച് 16നകം. ഗേറ്റ് 2022 രജിസ്ട്രേഷൻ നമ്പർ അപേക്ഷയിൽ കാണിച്ചിരിക്കണം.