പ​രീ​ക്ഷ​ക്കും ജോ​ലി​ക്കും അ​പേ​ക്ഷി​ക്കു​മ്പോ​ൾ സർട്ടിഫിക്കറ്റുകൾ വേണ്ട; പട്ടികയിൽ ഉൾപ്പെടുമ്പോൾ ഹാജരാക്കണം

തി​രു​വ​ന​ന്ത​പു​രം: പ​രീ​ക്ഷ​ക​ൾ​ക്കും ജോ​ലി​ക്കും അ​പേ​ക്ഷി​ക്കു​മ്പോ​ൾ പി.​എ​സ്‌.​സി​യോ മ​റ്റു വ​കു​പ്പു​ക​ളോ അ​പേ​ക്ഷ​ക​രോ​ട്​ സ​ർ​ട്ടി​ഫി​ക്ക​റ്റ് ആ​വ​ശ്യ​പ്പെ​ടേ​ണ്ടെ​ന്ന്​ തീ​രു​മാ​നം. മു​ൻ മു​ഖ്യ​മ​ന്ത്രി വി.​എ​സ്. അ​ച്യു​താ​ന​ന്ദ​ൻ അ​ധ്യ​ക്ഷ​നാ​യി​രി​ക്കെ, ഭ​ര​ണ​പ​രി​ഷ്കാ​ര ക​മീ​ഷ​ൻ സ​മ​ർ​പ്പി​ച്ച അ​ഞ്ചാം റി​പ്പോ​ർ​ട്ടി​ലെ നി​ർ​ദേ​ശ​ങ്ങ​ൾ​ക്ക്​ മ​ന്ത്രി​സ​ഭ​യോ​ഗം അം​ഗീ​കാ​രം ന​ൽ​കി. ഇ​തു​സം​ബ​ന്ധി​ച്ച ഉ​ത്ത​ര​വ്​ ഭ​ര​ണ​പ​രി​ഷ്​​കാ​ര വ​കു​പ്പ്​ ക​ഴി​ഞ്ഞ​ദി​വ​സം പു​റ​ത്തി​റ​ക്കി. പു​തി​യ തീ​രു​മാ​ന​മ​നു​സ​രി​ച്ച്​ ജോ​ലി​ക്കും പ​ഠ​ന​ത്തി​നും തെ​ര​ഞ്ഞെ​ടു​ക്കു​ക​യോ ചു​രു​ക്ക​പ്പ​ട്ടി​ക​യി​ൽ ഉ​ൾ​പ്പെ​ടു​ക​യോ ചെ​യ്യു​മ്പോ​ൾ മാ​ത്രം അ​പേ​ക്ഷ​ക​നോ​ട്​ സ​ർ​ട്ടി​ഫി​ക്ക​റ്റ് ചോ​ദി​ച്ചാ​ൽ മ​തി. ആ​വ​ശ്യ​മെ​ങ്കി​ൽ അ​പേ​ക്ഷ സ​മ​ർ​പ്പി​ക്കു​േ​മ്പാ​ൾ അ​പേ​ക്ഷ​ക​ന്​ സ്വ​യം ത​യാ​റാ​ക്കി​യ സ​ത്യ​വാ​ങ്മൂ​ലം ന​ൽ​കാം.

പ​ല ആ​വ​ശ്യ​ങ്ങ​ൾ​ക്കു​വേ​ണ്ടി ഒാ​രോ വ​കു​പ്പും പൊ​തു​ജ​ന​ങ്ങ​ൾ‌​ക്ക് ന​ൽ​കു​ന്ന സ​ർ​ട്ടി​ഫി​ക്ക​റ്റു​ക​ളു​ടെ എ​ണ്ണം ചു​രു​ക്ക​ണ​​മെ​ന്നും തീ​രു​മാ​നി​ച്ചി​ട്ടു​ണ്ട്. ഇ​തി​ന്​ മു​ന്നോ​ടി​യാ​യി ഒാ​രോ വ​കു​പ്പും ഇ​പ്പോ​ൾ ന​ൽ​കി​വ​രു​ന്ന സ​ർ​ട്ടി​ഫി​ക്ക​റ്റു​ക​ളു​ടെ പ​ട്ടി​ക ആ​ദ്യം ത​യാ​റാ​ക്ക​ണം. തു​ട​ർ​ന്ന്, സ​ർ​ട്ടി​ഫി​ക്ക​റ്റ് വി​ത​ര​ണം ചെ​യ്യു​ന്ന വ​കു​പ്പും അ​വ സ്വീ​ക​രി​ക്കു​ന്ന വ​കു​പ്പു​ക​ളും ത​മ്മി​ൽ ആ​ശ​യ​വി​നി​മ​യം ന​ട​ത്തി ഒ​ഴി​വാ​ക്കാ​വു​ന്ന​വ​യു​ടെ പ​ട്ടി​ക ത​യാ​റാ​ക്ക​ണം. സ​ർ​ട്ടി​ഫി​ക്ക​റ്റു​ക​ൾ ഡി​ജി​ലോ​ക്ക​റി​ൽ സൂ​ക്ഷി​ക്കാ​ൻ ക​ഴി​യും​വി​ധ​മാ​ണ്​ ഇ​നി ന​ൽ​കേ​ണ്ട​ത്​.

വി​വി​ധ വ​കു​പ്പു​ക​ളു​ടെ സ​ർ​ട്ടി​ഫി​ക്ക​റ്റ് വി​ത​ര​ണ സം​വി​ധാ​ന​വും പി.​എ​സ്‌.​സി ഉ​ൾ​പ്പെ​ടെ വി​വി​ധ നി​യ​മ​ന ഏ​ജ​ൻ​സി​ക​ളു​മാ​യും ബോ​ർ​ഡു​ക​ളു​മാ​യും ബ​ന്ധി​പ്പി​ച്ചാ​ൽ സ​ർ​ട്ടി​ഫി​ക്ക​റ്റു​ക​ളു​ടെ ആ​ധി​കാ​രി​ക​ത നേ​രി​ട്ട് ഉ​റ​പ്പു​വ​രു​ത്താ​നാ​കും. വ​കു​പ്പു​ക​ളെ ഏ​കോ​പി​പ്പി​ച്ച് ഇൗ ​പ​രി​ഷ്കാ​രം ന​ട​പ്പാ​ക്കാ​ൻ പൊ​തു​ഭ​ര​ണ വ​കു​പ്പി​നെ ചു​മ​ത​ല​പ്പെ​ടു​ത്തി. പൊ​ലീ​സ് സ്​​റ്റേ​ഷ​നു​ക​ളി​ൽ മു​തി​ർ​ന്ന ഉ​ദ്യോ​ഗ​സ്ഥ​നെ പ​ബ്ലി​ക് റി​ലേ​ഷ​ൻ​സ് ഒാ​ഫി​സ​റാ​യി (പി.​ആ​ർ.​ഒ) നി​യ​മി​ക്കാ​നും തീ​രു​മാ​ന​മാ​യി. ഇൗ ​ഉ​ദ്യോ​ഗ​സ്ഥ​നാ​വ​ശ്യ​മാ​യ സൗ​ക​ര്യ​ങ്ങ​ളൊ​രു​ക്കാ​നും ആ​ഭ്യ​ന്ത​ര വ​കു​പ്പി​നോ​ട്​ നി​ർ​ദേ​ശി​ച്ചി​ട്ടു​ണ്ട്.

ഇ​പ്ര​കാ​രം നി​യ​മി​ക്ക​പ്പെ​ടു​ന്ന​യാ​ളെ മ​റ്റ്​ ചു​മ​ത​ല​ക​ളി​ൽ​നി​ന്ന് ഒ​ഴി​വാ​ക്കും. പി.​ആ​ർ.​ഒ അ​വ​ധി​യാ​യാ​ൽ പ​ക​ര​ക്കാ​ര​നാ​കാ​ൻ സ്​​റ്റേ​ഷ​നി​ലെ എ​ല്ലാ പൊ​ലീ​സു​കാ​ർ​ക്കും പ​രി​ശീ​ല​നം ന​ൽ​ക​ണം. പൊ​തു​ജ​ന​ങ്ങ​ൾ​ക്ക് ഒാ​ൺ​ലൈ​ൻ സേ​വ​ന​ങ്ങ​ൾ ഉ​റ​പ്പാ​ക്കു​ന്ന​തി​ന്​ എ​ല്ലാ സ്​​റ്റേ​ഷ​നു​ക​ളി​ലും ഐ.​ടി വി​ഷ​യ​ങ്ങ​ളി​ൽ പ​രി​ച​യ​സ​മ്പ​ന്ന​നാ​യ ഒ​രു​ദ്യോ​ഗ​സ്ഥ​നെ നി​യോ​ഗി​ക്ക​ണം.