ഡ്രോൺ പൈലറ്റാകാം; എം.ജി അപേക്ഷ ക്ഷണിച്ചു

കോ​ട്ട​യം: എം.​ജി സ​ർ​വ​ക​ലാ​ശാ​ല ന​ട​ത്തു​ന്ന കേ​ന്ദ്ര വ്യോ​മ​യാ​ന മ​ന്ത്രാ​ല​യ​ത്തി​ന്‍റെ അം​ഗീ​കാ​ര​മു​ള്ള സ്മോ​ൾ കാ​റ്റ​ഗ​റി ഡ്രോ​ൺ പൈ​ല​റ്റ് പ​രി​ശീ​ല​ന​ത്തി​ന് ഇ​പ്പോ​ൾ അ​പേ​ക്ഷി​ക്കാം. സ​ർ​വ​ക​ലാ​ശാ​ല​യി​ലെ സ്‌​കൂ​ൾ ഓ​ഫ് എ​ൻ​വ​യ​ൺ​മെൻറ​ൽ സ​യ​ൻ​സ​സി​ന്​ കീ​ഴി​ൽ പ്ര​വ​ർ​ത്തി​ക്കു​ന്ന ഡോ. ​ആ​ർ. സ​തീ​ഷ് സെൻറ​ർ ഫോ​ർ റി​മോ​ട്ട് സെ​ൻ​സി​ങ്​ ആ​ൻ​ഡ്​ ജി.​ഐ.​എ​സാ​ണ് ഏ​ഷ്യ സോ​ഫ്റ്റ് ലാ​ബി​ന്‍റെ സാ​ങ്കേ​തി​ക സ​ഹ​ക​ര​ണ​ത്തോ​ടെ ഒ​രാ​ഴ്ച​ത്തെ കോ​ഴ്സ് ന​ട​ത്തു​ന്ന​ത്. ആ​ദ്യ ബാ​ച്ച് ഏ​പ്രി​ലി​ൽ ആ​രം​ഭി​ക്കും.

ഡ്രോ​ൺ സാ​ങ്കേ​തി​ക​വി​ദ്യ​യു​ടെ തി​യ​റി​യും പ്രാ​യോ​ഗി​ക പ​രി​ശീ​ല​ന​വും ഉ​ൾ​പ്പെ​ടു​ന്ന​താ​ണ് കോ​ഴ്‌​സ്. ഡ്രോ​ൺ പ​റ​ത്തു​ന്ന​തി​നു​പു​റ​മെ അ​സം​ബ്ലി​ങ്, അ​റ്റ​കു​റ്റ​പ്പ​ണി എ​ന്നി​വ​യും ഡ്രോ​ൺ ഉ​പ​യോ​ഗി​ക്കു​ന്ന​തു​മാ​യി ബ​ന്ധ​പ്പെ​ട്ട നി​യ​മ​ങ്ങ​ളും നി​ബ​ന്ധ​ന​ക​ളും മ​ന​സ്സി​ലാ​ക്കാ​നും അ​വ​സ​ര​മു​ണ്ട്. പ​രി​ശീ​ല​നം വി​ജ​യ​ക​ര​മാ​യി പൂ​ർ​ത്തീ​ക​രി​ക്കു​ന്ന​വ​ർ​ക്ക് അം​ഗീ​കൃ​ത റി​മോ​ട്ട് പൈ​ല​റ്റ് ലൈ​സ​ൻ​സ് ല​ഭി​ക്കും. വ്യ​വ​സാ​യം, കൃ​ഷി, സ​ർ​വേ, ദു​ര​ന്ത​നി​വാ​ര​ണം തു​ട​ങ്ങി വി​വി​ധ മേ​ഖ​ല​ക​ളി​ൽ ഇ​പ്പോ​ൾ ഡ്രോ​ണു​ക​ൾ ഉ​പ​യോ​ഗി​ക്കു​ന്നു​ണ്ട്.

പ​തി​നെ​ട്ടി​നും അ​റു​പ​തി​നും ഇ​ട​യി​ൽ പ്രാ​യ​മു​ള്ള പ​ത്താം ക്ലാ​സ് വി​ജ​യി​ച്ച​വ​ർ​ക്ക് അ​പേ​ക്ഷി​ക്കാം. അ​പേ​ക്ഷ​ഫോ​റ​വും കൂ​ടു​ത​ൽ വി​വ​ര​ങ്ങ​ളും https://ses.mgu.ac.in, https://asiasoftlab.in എ​ന്നീ ലി​ങ്കു​ക​ളി​ൽ ല​ഭി​ക്കും. ഫോ​ൺ: 7012147575.