205 അധ്യാപക ഒഴിവുകൾ; അറ്റോമിക് എനർജി എജുക്കേഷൻ സൊസൈറ്റിയിൽ അപേക്ഷ ക്ഷണിച്ചു

അറ്റോമിക് എനർജി എജുക്കേഷൻ സൊസൈറ്റിയുടെ (എ.ഇ.ഇ.എസ്/AEES) 30 സ്കൂൾ/ജൂനിയർ കോളജുകളിലേക്ക് അധ്യാപകർക്കായി അപേക്ഷ ക്ഷണിച്ചു. തമിഴ്നാട്, കർണാടക, തെലങ്കാന ഉൾപ്പെടെ വിവിധ സംസ്ഥാനങ്ങളിലായി വിവിധ തസ്തികകളിൽ 205 ഒഴിവുകളുണ്ട്. അണുശക്തി നഗർ (മുംബൈ), താരാപുർ, കൈഗ, കൂടങ്കുളം (തിരുനെൽവേലി), കൽപാക്കം/അണുപുരം, മൈസൂരു, ഹൈദരാബാദ്, ഇന്ദോർ മുതലായ സ്ഥലങ്ങളിലാണ് നിയമനം. തസ്തികകൾ, വിഷയങ്ങൾ, ഒഴിവുകൾ ചുവടെ.

പോസ്റ്റ് ഗ്രാജ്വേറ്റ് ടീച്ചർ (ഇംഗ്ലീഷ്, ഹിന്ദി, മാത്തമാറ്റിക്സ്, ഫിസിക്സ്, കെമിസ്ട്രി, കമ്പ്യൂട്ടർ സയൻസ്, ബയോളജി)-15.

ട്രെയിൻഡ് ഗ്രാജ്വേറ്റ് ടീച്ചർ (ഇംഗ്ലീഷ്, സോഷ്യൽ സയൻസ്, ഹിന്ദി/സംസ്കൃതം, മാത്തമാറ്റിക്സ്/ഫിസിക്സ്, കെമിസ്ട്രി/ബയോളജി, കമ്പ്യൂട്ടർ സയൻസ്), പി.ഇ.ടി (മെയിൽ/ഫീമെയിൽ), ആർട്ട്, മറാത്തി 101.

ലൈബ്രേറിയൻ 6, പ്രൈമറി ടീച്ചർ 70, പ്രൈമറി ടീച്ചർ (മ്യൂസിക്) 5, പ്രിപ്പറേറ്ററി ടീച്ചർ 6.വിജ്ഞാപനം www.aees.gov.inൽ. അപേക്ഷ ഫീസ് 750 രൂപ. വനിതകൾ,SC/ST/PWBD/വിമുക്ത ഭടന്മാർ എന്നിവർക്ക് ഫീസില്ല.

അപേക്ഷ ഓൺലൈനായി ജൂൺ 12 വരെ.