വിമാനത്താവള അതോറിറ്റിയിൽ 960 എക്സിക്യൂട്ടിവ് ഒഴിവ്

എയർപോർട്ട് അതോറിറ്റി ഓഫ് ഇന്ത്യ വിവിധ തസ്തികകളിൽ നിയമനത്തിന് അപേക്ഷ ക്ഷണിച്ചു. ജൂനിയർ എക്സിക്യൂട്ടിവ് തസ്തികയിൽ ഫസ്റ്റ് ക്ലാസ് എൻജിനീയറിങ് ബിരുദക്കാർക്കായി 596 ഒഴിവുകളുണ്ട് (സിവിൽ 62, ഇലക്ട്രിക്കൽ 84, ഇലക്ട്രോണിക്സ് 440, ആർക്കിടെക്ചർ 10). പ്രായം: 27. നിയമാനുസൃത ഇളവുണ്ട്. അപേക്ഷ ഫീസ് 300 രൂപ. എസ്.സി, എസ്.ടി, പി.ഡബ്ല്യൂ.ഡി, വനിതകൾ എന്നിവർക്ക് ഫീസില്ല.

മാനേജർ (ഒഫീഷ്യൽ ലാംഗ്വേജ് -രണ്ട്), ജൂനിയർ എക്സിക്യൂട്ടിവ് (എയർ ട്രാഫിക് കൺട്രോൾ -356), ജൂനിയർ എക്സിക്യൂട്ടിവ് (ഒഫീഷ്യൽ ലാംഗ്വേജ് -നാല്), സീനിയർ അസിസ്റ്റന്റ് (ഒഫീഷ്യൽ ലാംഗ്വേജ് -രണ്ട്) എന്നിങ്ങനെയും ഒഴിവുകളുണ്ട്. പ്രായം: 27. ശമ്പളം: 40,000 -1,40,000 രൂപ. അപേക്ഷ ഫീസ്: 1000 രൂപ. വിജ്ഞാപനം www.aai.aero/career ലിങ്കിൽ. ജനുവരി 21വരെ അപേക്ഷിക്കാം.