ഐ.ടി.ബി പൊലീസിൽ 479 ഒഴിവ്

ഇന്തോ-തിബത്തൻ ബോർഡർ പൊലീസിൽ ഹെഡ് കോൺസ്റ്റബ്ൾ, കോൺസ്റ്റബ്ൾ ഒഴിവുകളിലേക്ക് നിയമനം നടത്തുന്നു. 479 ഒഴിവുണ്ട്. ഹെഡ് കോൺസ്റ്റബ്ൾ (മോട്ടോർ മെക്കാനിക്), കോൺസ്റ്റബ്ൾ (മോട്ടോർ മെക്കാനിക്), ഹെഡ് കോൺസ്റ്റബ്ൾ (ടെലികമ്യൂണിക്കേഷൻ), കോൺസ്റ്റബ്ൾ (ടെലികമ്യൂണിക്കേഷൻ) തസ്തികകളിലാണ് ഒഴിവ്. ടെലി കമ്യൂണിക്കേഷൻ ഒഴിവുകളിൽ വനിതകൾക്കും അപേക്ഷിക്കാം.

ഓൺലൈൻ അപേക്ഷ നവംബർ 30 വരെ സ്വീകരിക്കും. കോൺസ്റ്റബ്ൾ എസ്.എസ്.എൽ.സിയും ഹെഡ് കോൺസ്റ്റബ്ൾ പ്ലസ്ടുവുമാണ് അടിസ്ഥാന വിദ്യാഭ്യാസ യോഗ്യത. കായികക്ഷമത നിർബന്ധമാണ്.

യോഗ്യത, പ്രായനിബന്ധന, പരിചയസമ്പത്ത്, അപേക്ഷിക്കേണ്ട വിധം, ശമ്പളനിരക്ക് തുടങ്ങിയ വിശദ വിവരങ്ങൾ www.recruitment.itbpolice.nic.in എന്ന വെബ്സൈറ്റിൽ ലഭിക്കും.