നിംഹാൻസിൽ 266 നഴ്​സിങ്​ ഓഫിസർ

ബംഗളൂരുവിലെ നാഷനൽ ഇൻസ്​റ്റിറ്റ്യൂട്ട്​ ഓഫ്​ മെൻറൽ ഹെൽത്ത്​ ആൻഡ്​ ന്യൂറോ സയൻസസ്​ (നിംഹാൻസ്​) 266 നഴ്​സിങ്​ ഓഫിസർമാരെ റിക്രൂട്ട്​ ചെയ്യുന്നു. (ജനറൽ 82, ഒ.ബി.സി-66, എസ്​.സി -63, എസ്​.ടി-30, ഇ.ഡബ്ല്യു.എസ്​-25). നാലു ശതമാനം ഒഴിവുകൾ ഭിന്നശേഷിക്കാർക്കാണ്​.

അംഗീകൃത ബി.എസ്​സി നഴ്​സിങ്​/പോസ്​റ്റ്​ബേസിക്​ നഴ്​സിങ്​/ബി.എസ്​സി നഴ്​സിങ്​ (ഓണേഴ്​സ്​) യോഗ്യതയുള്ളവർക്ക്​ അപേക്ഷിക്കാം. നഴ്​സിങ്​ കൗൺസിൽ രജിസ്​ട്രേഷൻ ഉണ്ടായിരിക്കണം. പ്രായപരിധി 35​.

തിരഞ്ഞെടുക്കപ്പെടുന്ന​വരെ 44,900-1,42,400 രൂപ ശമ്പളനിരക്കിൽ നിയമിക്കും. ഇതോടൊപ്പം അപേക്ഷകൾ ക്ഷണിച്ചിട്ടുള്ള മറ്റ്​ തസ്​തികകൾ ചുവ​െട​:

കമ്പ്യൂട്ടർ പ്രോഗ്രാമർ -ഒഴിവുകൾ ഒന്ന്​ (എസ്​.സി), ശമ്പളനിരക്ക്​ 35,400-1,12,400 രൂപ, ജൂനിയർ സയൻറിഫിക്​ ഓഫിസർ (സബ്​ സ്​പെഷാലിറ്റി ബ്ലോക്ക്​), ഒഴിവുകൾ ഒന്ന്​ (ജനറൽ), ശമ്പളനിരക്ക്​: 44,900-1,42,400 രൂപ. സ്​പീച്ച്​ തെറപ്പിസ്​റ്റ്​ ആൻഡ്​ ഓഡിയോളജിസ്​റ്റ്​. ഒഴിവുകൾ-3 (എസ്​.ടി-1, ഒ.ബി.സി-1, ജനറൽ-1). ശമ്പളനിരക്ക്​ 35,400-1,12,400 രൂപ. സീനിയർ സയൻറിഫിക്​ അസിസ്​റ്റൻറ്​ (ഹ്യൂമൻ ജനിറ്റിക്​സ്​) ഒഴിവ്​​ ഒന്ന്​ (ജനറൽ), ശമ്പളനിരക്ക്​ 35,400-1,12,400 രൂപ.

ടീച്ചർ​ ഫോർ എം.ആർ ചിൽഡ്രൻ (ക്ലിനിക്കൽ സൈക്കോളജി), ഒഴിവ്​ -ഒന്ന്​, ശമ്പളനിരക്ക്​ 35,400-1,12,400 രൂപ. അസിസ്​റ്റൻറ്​ ഡയറ്റീഷ്യൻ. ഒഴിവുകൾ ഒന്ന്​, ശമ്പളനിരക്ക്​ 35,400-1,12,400 രൂപ. ഈ തസ്​തികകൾക്കുള്ള അപേക്ഷഫീസ്​ 1180 രൂപ (എസ്​.സി/എസ്​.ടി വിഭാഗങ്ങൾക്ക്​ 885 രൂപ).

സീനിയർ സയൻറിഫിക്​ ഓഫിസർ (ന്യൂറോ മസ്​കുലർ)-ഒഴിവുകൾ ഒന്ന്​ (ജനറൽ), ശമ്പളനിരക്ക്​ 67,700-2,08,700 രൂപ.

അപേക്ഷഫീസ്​ 2360 രൂപ (എസ്​.സി/എസ്​.ടി വിഭാഗത്തിന്​ 1180 രൂപ മതി).

അപേക്ഷഫോറവും വിജ്ഞാപനവും www.nimhans.ac.inൽനിന്നും ഡൗൺ​ലോഡ്​ ചെയ്യാം.

പൂരിപ്പിച്ച അപേക്ഷ ബന്ധപ്പെട്ട സർട്ടിഫിക്കറ്റ്​​/രേഖകളുടെ സാക്ഷ്യപ്പെടുത്തിയ ശരിപ്പകർപ്പുകൾ സഹിതം The Director, NIMHANS, PB No. 2900, Hosur Road, Bengaluru 560029ൽ ജൂൺ 28 വൈകീട്ട് 4.30നകം ലഭിക്കണം.