കേന്ദ്ര സായുധ പൊലീസ്​ സേനകളിൽ 25,271 കോൺസ്​റ്റബിൾ

സ്​റ്റാഫ്​ സെലക്​ഷൻ കമീഷൻ (എസ്​.എസ്​.സി) കേന്ദ്ര സായുധ പൊലീസ്​ സേനകളിലേക്കും മറ്റും കോൺസ്​റ്റബിൾ (ജി.ഡി), അസം റൈഫിൾസിലേക്ക്​ റൈഫിൾമാൻ (ജി.ഡി) തസ്​തികകളിൽ കാൽലക്ഷത്തിലേറെ ഒഴിവുകളിൽ മെഗാ റിക്രൂട്ട്​മെൻറിനായി അപേക്ഷ ക്ഷണിച്ചു.

ഔദ്യോഗിക വിജ്​ഞാപനം https://ssc.nic.inൽനിന്ന്​ ഡൗൺലോഡ്​ ചെയ്യാം. എസ്​.എസ്​.എൽ.സി/തത്തുല്യ ബോർഡ്​ പരീക്ഷ പാസായവർക്ക്​ അപേക്ഷിക്കാം. പ്രായം 18-23​. 1.8.2021 വെച്ചാണ്​ പ്രായപരിധി നിശ്ചയിച്ചിട്ടുള്ളത്​. 1998 ആഗസ്​റ്റ്​ രണ്ടിന്​ മു​േമ്പാ 2003 ആഗസ്​റ്റ്​ ഒന്നിന്​ ശേഷമോ ജനിച്ചവരാകരുത്​. എസ്​.സി/എസ്​.ടി വിഭാഗത്തിന്​ അഞ്ചു വർഷവും ഒ.ബി.സി വിഭാഗത്തിന്​ മൂന്നു വർഷവും മറ്റ്​ സംവരണ വിഭാഗങ്ങൾക്ക്​ ചട്ടപ്രകാരവും പ്രായപരിധിയിൽ ഇളവുണ്ട്​.

എൻ.സി.സി-സി, ബി, എ സർട്ടിഫിക്കറ്റുള്ളവർക്ക്​ തെരഞ്ഞെടുപ്പിന്​ ബോണസ്​ മാർക്ക്​ ലഭിക്കും. മെഡിക്കൽ, ഫിസിക്കൽ ഫിറ്റ്​നസ്​ ഉണ്ടായിരിക്കണം. കായികക്ഷമത ഉള്ളവരാകണം. വൈകല്യങ്ങൾ പാടില്ല.വിവിധ സേനാവിഭാഗങ്ങളിൽ ലഭ്യമായ ഒഴിവുകൾ ചുവടെ: ബി.എസ്​.എഫ്​-പുരുഷന്മാർ-6413, സ്​ത്രീകൾ-1132 (ആകെ 7545); സി.ഐ.എസ്​.എഫ്​-7610-854 (8464); സി.ആർ.പി.എഫ്​-NIL; SSB - 3806, (3806); ITBP-1216-215 (1431); അസം റൈഫിൾസ്​ (റൈഫിൾമാൻ ജിഡി) 3185 - 600 (3785); NIA-NIL, SSF-194-46 (240). പുരുഷന്മാർക്ക്​ ആകെ 22,424 ഒഴിവുകളും സ്​ത്രീകൾക്ക്​ 2847 ഒഴിവുകളും ലഭ്യമാണ്​. കോൺസ്​റ്റബിൾസ്​ ജിഡി, റൈഫിൾമാൻ ജിഡി തസ്​തികകളിലായി ആകെ 25,271 ഒഴിവുകളുണ്ട്​.

കേരളം, കർണാടകം, ലക്ഷദ്വീപ്​ നിവാസികൾ SSC യുടെ കർണാടക മേഖലാ ഓഫിസി​െൻറ പരിധിയിലാണ്​ (www.ssckkr.kar.nic.in). അപേക്ഷ ഓൺലൈനായി https://ssc.nic.inൽ നിർദേശാനുസരണം സമർപ്പിക്കണം. അപേക്ഷാഫീസ്​ 100 രൂപ. വനിതകൾ, എസ്​.സി/എസ്​.ടി/വിമുക്​ത ഭടന്മാർ എന്നീ വിഭാഗങ്ങൾക്ക്​ ഫീസില്ല. ഫീസ്​ ഓൺലൈനായി സെപ്​റ്റംബർ രണ്ടുവരെ സ്വീകരിക്കും.

കമ്പ്യൂട്ടർ അധിഷ്​ഠിത പരീക്ഷ, കായികക്ഷമതാ പരീക്ഷ എന്നിവയുടെ അടിസ്​ഥാനത്തിലാണ്​ തിരഞ്ഞെടുപ്പ്​. പുരുഷന്മാർക്ക്​ 170 സെ.മീറ്ററിൽ കുറയാതെയും വനിതകൾക്ക്​ 157 സെ.മീറ്ററിൽ കുറയാതെയും ഉയരവും അതിനനുസൃതമായ ഭാരവും ഉണ്ടാകണം.

കമ്പ്യൂട്ടർ അധിഷ്​ഠിത പരീക്ഷക്ക്​ കേരളത്തിൽ എറണാകുളം, കണ്ണൂർ, കൊല്ലം,​ കോട്ടയം, കോഴിക്കോട്​, തൃശൂർ, തിരുവനന്തപുരം പരീക്ഷാകേന്ദ്രങ്ങളാണ്​. പരീക്ഷയുടെ വിശദാംശങ്ങൾ വിജ്​ഞാപനത്തിലുണ്ട്​.