നാഷനല്‍ ഹൈവേ അതോറിറ്റി ഓഫ് ഇന്ത്യയില്‍ മാനേജര്‍

100 ഒഴിവുകളാണുള്ളത് •അവസാന തീയതി സെപ്റ്റംബര്‍ 18

നാഷനല്‍ ഹൈവേ അതോറിറ്റി ഓഫ് ഇന്ത്യയില്‍ മാനേജര്‍ (ടെക്) തസ്തികയിലേക്ക് അപേക്ഷ ക്ഷണിച്ചു.
 100 ഒഴിവുകളാണുള്ളത്. എഴുത്തുപരീക്ഷയിലൂടെ നേരിട്ടുള്ള നിയമനമാണ് നടക്കുക.
യോഗ്യത: അംഗീകൃത സ്ഥാപനത്തില്‍നിന്നോ സര്‍വകലാശാലയില്‍നിന്നോ ലഭിച്ച സിവില്‍ എന്‍ജിനീയറിങ് ബിരുദമാണ് യോഗ്യത. ഹൈവേ എന്‍ജിനീയറിങ്ങുമായി ബന്ധപ്പെട്ട് ബിരുദാനന്തര ബിരുദമോ എം.ബി.എയോ ഉള്ളവര്‍ക്ക് മുന്‍ഗണന.
പ്രവൃത്തിപരിചയം: സര്‍ക്കാര്‍, കേന്ദ്രസര്‍ക്കാര്‍ സ്ഥാപനത്തില്‍ 8000-13,500 ശമ്പള സ്കെയിലില്‍ തുല്യമായ തസ്തികയില്‍ മൂന്നു വര്‍ഷം പ്രവര്‍ത്തിച്ചിരിക്കണം.
അപേക്ഷിക്കേണ്ട വിധം: www.nhai.org വെബ്സൈറ്റില്‍ ലഭിക്കുന്ന നിശ്ചിത മാതൃകയിലുള്ള അപേക്ഷാഫോറം പൂരിപ്പിച്ച് യോഗ്യത, പ്രവര്‍ത്തി പരിചയം തെളിയിക്കുന്ന സര്‍ട്ടിഫിക്കറ്റുകള്‍ സഹിതം എം.കെ. സിന്‍ഹ, ഡെപ്യൂട്ടി ജനറല്‍ മാനേജര്‍ (എച്ച്.ആര്‍/ അഡ്മിന്‍-2), നാഷനല്‍ ഹൈവേ അതോറിറ്റി ഓഫ് ഇന്ത്യ, ജി-5&6, സെക്ടര്‍-10, ദ്വാരക, ന്യൂഡല്‍ഹി-110075 എന്ന വിലാസത്തില്‍ അയക്കണം.
 അവസാന തീയതി സെപ്റ്റംബര്‍ 18. യോഗ്യത സംബന്ധിച്ച വിശദവിവരങ്ങള്‍ വെബ്സൈറ്റില്‍ ലഭിക്കും.