വിജയ ബാങ്കില്‍ പ്രബേഷനറി മാനേജര്‍

വിജയ ബാങ്ക് പ്രബേഷനറി (ചാര്‍ട്ടേഡ് അക്കൗണ്ടന്‍റ്) നിയമനത്തിന് അപേക്ഷ ക്ഷണിച്ചു. 27 ഒഴിവുകളുണ്ട്. www.vijayabank.com വെബ്സൈറ്റിലൂടെ ഓണ്‍ലൈനായാണ് അപേക്ഷിക്കേണ്ടത്. അവസാന തീയതി ഏപ്രില്‍ 29. അപേക്ഷയുടെ പ്രിന്‍റൗട്ട് സമര്‍പ്പിക്കാനുള്ള അവസാന തീയതി മേയ് ഒമ്പത്. 
യോഗ്യത: ചാര്‍ട്ടേഡ് അക്കൗണ്ടന്‍റ് ബിരുദം (2015 മാര്‍ച്ച് ഒന്നിന് മുമ്പ് അവസാനവര്‍ഷ പരീക്ഷയെഴുതിയവര്‍). മുന്‍പരിചയം ആവശ്യമില്ളെങ്കിലും ബാങ്ക്/സാമ്പത്തിക സ്ഥാപനങ്ങളില്‍ പ്രവൃത്തിപരിചയമുള്ളവര്‍ക്ക് മുന്‍ഗണന. പ്രായം: 20-35 വയസ്സ്. അര്‍ഹരായവര്‍ക്ക് നിയമാനുസൃത വയസ്സിളവ് ലഭിക്കും. അപേക്ഷാഫീസ്: 350 രൂപ. പട്ടികജാതി, പട്ടികവര്‍ഗ, വികലാംഗ ഉദ്യോഗാര്‍ഥികള്‍ക്ക് 50 രൂപ. ഏപ്രില്‍ 29 വരെ ഫീസടക്കാം. 
ഓണ്‍ലൈന്‍ പരീക്ഷയുടെ അടിസ്ഥാനത്തിലാകും തെരഞ്ഞെടുപ്പ്. ആവശ്യമെങ്കില്‍ ഗ്രൂപ് ചര്‍ച്ച, അഭിമുഖം എന്നിവ നടത്തിയേക്കും. വിശദവിവരങ്ങള്‍ക്ക് ബാങ്ക് വെബ്സൈറ്റ് സന്ദര്‍ശിക്കുക.