ഇനി സ്ഥിരം ജോലി ഇല്ല

ന്യൂഡൽഹി: വ്യവസായ മേഖലയിൽ സ്ഥിരം ജോലി എന്ന ശരാശരി ഇന്ത്യാക്കാര​​​െൻറ സ്വപ്​നംപിഴുതെറിഞ്ഞ്​ കേന്ദ്ര സർക്കാർ എല്ലാ തൊഴിൽ മേഖലയിലും ‘നിശ്ചിതകാല തൊഴിൽ’ ഏർപ്പെടുത്തി. ​ഏത്​ ജീവനക്കാരനെയും നിശ്ചിത കാലത്തേക്ക്​ മാത്രം ജോലിക്ക്​ എടുക്കാനും അതുകഴിഞ്ഞ്​ പിരിച്ചുവിടാനും  തൊഴിൽ ഉടമക്ക് അധികാരം നൽകി ​1946ലെഇൻഡസ്​ട്രിയൽ എംപ്ലോയ്​മ​​െൻറ്​ (സ്​റ്റാൻഡിങ്​ ഒാർഡേഴ്​സ്​) കേന്ദ്ര ചട്ടങ്ങളിൽ ഭേദഗതി വരുത്തി കേന്ദ്ര സർക്കാർ പുതിയ വിജ്ഞാപനം പുറപ്പെടുവിച്ചു. ചട്ട ഭേദഗതി പ്രകാരം വ്യവസായ മേഖലയിലെ എല്ലാ ജോലികളിലും സ്ഥിരംജോലി എന്ന സംവിധാനം അവസാനിക്കും. അവയെല്ലാം നിശ്ചിതകാലത്തേക്ക്​ മാത്രമുള്ള കരാർ ജോലിയായി നിജപ്പെടും. 

വെറും രണ്ടാഴ്​ചത്തെ നോട്ടീസ്​ കാലയളവ്​ നൽകി തൊഴിലുടമക്ക്​ ഏകപക്ഷീയമായി നിശ്ചിതകാലത്തേക്ക്​ തൊഴിൽ കരാർ റദ്ദാക്കാം. തൊഴിലാളി യൂനിയനുകളുമായി ചർച്ചയോ കൂടിയാലാചനയോ നടത്താതെയും പാർലമ​​െൻറിൽ കൊണ്ടുവരാതെയും എക്​സിക്യൂട്ടിവ്​ ഉത്തരവിലൂടെയാണ്​ പുതിയ തീരുമാനം പ്രഖ്യാപിച്ചത്​. തൊഴിൽ സംബന്ധിച്ച പാർലമ​​െൻറി​​​െൻറ സ്​റ്റാൻഡിങ്​​ കമ്മിറ്റിയെയും മറികടന്നാണ്​ നടപടി​.  പാർലമ​​െൻറ്​ ചേരുന്ന സമയത്ത്​ സഭയിൽ അവതരിപ്പിച്ച്​ ചർച്ച ചെയ്യണമെന്ന നടപടിക്രമവും കേന്ദ്ര സർക്കാർ ലംഘിച്ചു.

വ്യവസായ ലോബിയിൽനിന്നുള്ള സമ്മർദത്തെ  തുടർന്നാണ്​ ഭേദഗതി ധൃതിപിടിച്ച്​ കൊണ്ടുവന്നതെന്ന ആക്ഷേപം ശക്തമാണ്​. ഏ​െതാരു തൊഴിലുടമക്കും തൊഴിലാളികളെ ഒറ്റയടിക്ക്​ ഒഴിവാക്കി യന്ത്രവത്​കരണം നടത്താനും തൊഴിൽശാല പെ​െട്ടന്ന്​ അടച്ചു​പൂട്ടാനും പുതിയ വിജ്ഞാപനത്തിലൂടെ സാധിക്കും.  പരിചയസമ്പന്നരായ തൊഴിലാളികളുടെ സേവനം നഷ്​ടപ്പെടുന്നതിലേക്ക്​ നയിക്കുന്ന ഭേദഗതി വ്യവസായ സ്ഥാപനങ്ങളിൽ അപകടം വർധിക്കാനുള്ള സാധ്യത വർധിപ്പിക്കുന്നു. 

ബി.ജെ.പി സർക്കാറി​​​െൻറ തീരുമാനത്തിനെതിരെ ആർ.എസ്.എസ്​ നിയന്ത്രണത്തിലുള്ള ബി.എം.എസ്​ അഖിലേന്ത്യ നേതൃത്വം രംഗത്തുവന്നു. വിവാദ വിജ്ഞാപനം പിൻവലിക്കണമെന്ന്​ ബി.എം.എസ്​ അഖിലേന്ത്യ പ്രസിഡൻറ്​ സി.കെ. സജി നാരായണൻ ആവശ്യപ്പെട്ടു.