Begin typing your search above and press return to search.
exit_to_app
exit_to_app
മനസ്സറിയുന്ന മുതുകാട്...
cancel

കുട്ടികൾക്കായി പ്രഫഷനൽ മാജിക്കിൽനിന്ന്​ വിടവാങ്ങിയയാളാണ്​ ഗോപിനാഥ്​ മുതുകാട്​. മായാജാല പ്രകടനംകൊണ്ട്​ എന്നും കേരളത്തെ വിസ്മയിപ്പിച്ച ഈ മഹാപ്രതിഭ എജുകഫേയിലേക്കെത്തുന്നത്​ കുട്ടികൾക്കും രക്ഷിതാക്കൾക്കും അധ്യാപകർക്കും ഒരുപോലെ പുതുപാഠങ്ങളും പ്രചോദനവും പകർന്നുനൽകാനാണ്​.

ഭിന്നശേഷി കുട്ടികളുടെ സംരക്ഷണം ലക്ഷ്യമിട്ടുള്ള അക്കാദമിയിലേക്ക്​ ശ്രദ്ധ കേന്ദ്രീകരിക്കാൻ വേണ്ടിയാണ്​ പ്രതിഫലം വാങ്ങിയുള്ള ജാലവിദ്യ​ മുതുകാട്​ ഉപേക്ഷിച്ചത്​. കുട്ടികളുടെ നന്മക്കും ക്ഷേമത്തിനും വളർച്ചക്കുമായി ഒരുപാട്​ സ്വപ്നങ്ങളും പേറിനടക്കുന്നയാളാണ്​. മനസ്സിന്‍റെ മായാജാലത്തിലൂടെ അവരെ അടുത്തറിയാനുള്ള കഴിവ്​ മുതുകാടിനുണ്ട്​. അനുഭവത്തിൽനിന്നും പകർന്നു കിട്ടിയ ജീവിതപാഠങ്ങൾ പുതുതലമുറയിലേക്ക്​ കൈമാറാൻ ഒരിക്കലും മടിച്ചിട്ടില്ല. മാന്ത്രികമായ വാക്കുകളിലൂടെ കുട്ടികളുടെ മനസ്സിന്‍റെ ആഗ്രഹങ്ങളും പ്രതീക്ഷകളും പങ്കുവെക്കുമ്പോൾ, അത്​ രക്ഷിതാക്കൾക്കുള്ള മാർഗനി​ർദേശങ്ങൾ കൂടിയാകും. കുട്ടികളുടെ ക്ഷേമ പ്രവർത്തനങ്ങൾ മുൻനിർത്തി മുതുകാടിനെ യുനിസെഫിന്‍റെ ​'സെലിബ്രിറ്റി സപ്പോർട്ടറായി' പ്രഖ്യാപിച്ചിരുന്നു. ആദ്യമായാണ്​ ഒരു മലയാളി ഈ നേട്ടത്തിലേക്ക്​ എത്തിയത്​.

മാജിക്കിലൂടെ വിദ്യാർഥികൾക്കിടയിൽ നിരവധി അവബോധ പ്രവർത്തനങ്ങൾ നടത്തി. ആത്മകഥ ഉൾപ്പെടെ ഒരുപിടി പുസ്തകങ്ങളുടെ രചയിതാവ്​ കൂടിയാണ്. കുട്ടികൾക്ക്‌ വിനോദത്തോടൊപ്പം വിജ്ഞാനവും പകർന്നു നൽകാൻ തിരുവനന്തപുരത്ത് മാജിക് പ്ലാനറ്റ് ആരംഭിച്ചതും മുതുകാടാണ്​. കഴക്കൂട്ടത്ത്‌ കിൻഫ്ര ഫിലിം ആൻഡ്‌ വിഡിയോ പാർക്കിലാണ് ഈ സ്ഥാപനം. കേരളത്തിലെ ആദ്യ മാജിക്‌ അക്കാദമി തിരുവനന്തപുരത്ത്‌ തുടങ്ങിയ മുതുകാട്​ ഭിന്നശേഷി കുട്ടികൾക്കായി ലോകോത്തര സ്ഥാപനം നിർമിക്കാനുള്ള ഒരുക്കത്തിലാണ്​. നിരവധി ടി.വി ഷോകളുടെ അവതാരകനാണ്​. മജീഷ്യൻമാരുടെ ഓസ്കർ എന്നറിയപ്പെടുന്ന മെർലിൻ അവാർഡും അദ്ദേഹത്തെ തേടിയെത്തിയിരുന്നു. 2019ൽ സാൻ ഫ്രാൻസിസ്​കോ യൂനിവേഴ്​സിറ്റി 21ാം നൂറ്റാണ്ടിലെ ലീഡറായി മുതുകാടിനെ തെരഞ്ഞെടുത്തു.

'Moulding minds magically' എന്ന വിഷയത്തിലാണ്​ അദ്ദേഹം എജുകഫേയിൽ കുട്ടികളോട്​ സംവദിക്കുക.

Show Full Article
TAGS:Edu Cafe Season 7 
News Summary - gopinath muthukad at Edu Cafe Season 7
Next Story