അനന്ത സാധ്യതകളുമായി ആർക്കിയോളജി പഠനം
text_fieldsചരിത്രം, ഭൂമിശാസ്ത്രം, സാഹിത്യം എന്നീ പഠനമേഖലകളുടെ സംയോജിത പഠനരൂപമാണ് ആർക്കിയോളജി. ചരിത്രത്തിൽ ആഴത്തിൽ ശ്രദ്ധ കൊടുക്കുന്നതിനുള്ള മാനസികതയാറെടുപ്പിനൊപ്പം അനുബന്ധപഠനരംഗങ്ങളായ ഭൂമിശാസ്ത്രം, നരവംശശാസ്ത്രം എന്നിവ കൂടാതെ സാഹിത്യവും കലയും എല്ലാം ആർക്കിയോളജിസ്റ്റിെൻറ പഠനസിലബസിൽ ഉൾപ്പെടുന്നുണ്ട്.
എന്താണ് ആർക്കിയോളജി?
പുരാവസ്തുക്കൾ (പഴയ നാണയങ്ങൾ, മൺപാത്രങ്ങൾ, ശിൽപങ്ങൾ, പണിയായുധങ്ങൾ, മറ്റ് അനുബന്ധവസ്തുക്കൾ) തുടങ്ങിയവ സൂക്ഷ്മമായി കണ്ടെത്തി, ശേഖരിച്ച് ശാസ്ത്രീയമായി വിശകലനം നടത്തി, ലഭ്യമാകുന്ന അറിവിെൻറ അടിസ്ഥാനത്തിൽ ഭൂതകാലത്തെപ്പറ്റി വിജ്ഞാനം നേടുകയാണ് ആർക്കിയോളജിസ്റ്റ് ചെയ്യുന്നത്. മുകളിൽ പറഞ്ഞത് പൊതുവായ ചരിത്ര പഠനത്തിൽ ആർക്കിയോളജിസ്റ്റ് ചെയ്യുന്ന കാര്യമാണെങ്കിൽ ഇൗ പഠനരംഗത്ത് ആർക്കിയോളജിസ്റ്റ് കൊടുക്കുന്ന ‘സ്പെഷലൈസേഷെൻറ’ അടിസ്ഥാനത്തിൽ ആർക്കിയോളജി പഠനത്തിൽ പ്രധാനപ്പെട്ട ചില ഉപ വിഭാഗങ്ങളും രൂപപ്പെട്ടിട്ടുണ്ട്. ഇവയിൽ പ്രധാനപ്പെട്ടവയാണ്:
•ന്യൂമിസ്മാറ്റിക്സ് -നാണയങ്ങളെപ്പറ്റിയുള്ള പഠനം
•എപ്പിഗ്രാഫി - പ്രാചീനമനുഷ്യരുടെ ശിലാലിഖിതങ്ങളെക്കുറിച്ചുള്ള പ്രത്യേകിച്ച് താളിയോലകൾ, ശിൽപങ്ങൾ എന്നിവയിൽ കാണുന്ന ലിപികളെ കുറിച്ചുള്ള പഠനം.
ആർക്കിയോളജിസ്റ്റിെൻറ പ്രവർത്തനങ്ങൾ?
പുരാവസ്തുക്കൾ ശരിയായും ശാസ്ത്രീയമായും സൂക്ഷിക്കുന്നതിനുള്ള ഫലപ്രദമായ മാർഗങ്ങൾ കണ്ടെത്തി അവ ശാസ്ത്രീയമായി തന്നെ ഉപയോഗിക്കുക.
- ശാസ്ത്രീയമായി സൂക്ഷിച്ചിട്ടുള്ള പുരാവസ്തുക്കൾ കൃത്യമായി മ്യൂസിയങ്ങളിൽ പ്രദർശിപ്പിക്കുക.
ഇവിടങ്ങൾ സന്ദർശിക്കുന്നവർക്ക് ഇവയെ സംബന്ധിക്കുന്ന വിശദാംശങ്ങൾ നൽകുക.
മ്യൂസിയോളജിയുടെ ചുമതലയിൽ പ്രവർത്തിക്കുന്ന വ്യക്തി ‘ക്യുറേറ്റർ’ എന്നാണ് അറിയപ്പെടുന്നത്. വളരെ പ്രധാനവും ഉത്തരവാദിത്തവുമുള്ള ചുമതലയാണ് ക്യുറേറ്ററുടേത്. നല്ലൊരു ക്യുറേറ്ററാകാൻ നാച്ചുറൽ ഹിസ്റ്ററി, മെറ്റൽസ്, ടെറാക്കോട്ട, ടെക്സ്റ്റൈൽസ്, പെയിൻറിങ് തുടങ്ങിയ മേഖലയിൽ ആഴത്തിലുള്ള അറിവും പഠനവും ഉണ്ടാകണം.
തൊഴിലവസരങ്ങൾ?
പ്രധാനമായും ആർക്കിയോളജിസ്റ്റിന് ലഭിക്കുന്ന തൊഴിൽ സർക്കാർ മേഖലയിലാണ്. കേന്ദ്രസർക്കാറിെൻറ നേരിട്ടുള്ള നിയന്ത്രണത്തിലുള്ള ആർക്കിയോളജിക്കൽ സർവേ ഒാഫ് ഇന്ത്യ, നാഷനൽ ആർകൈവ്സ് ഒാഫ് ഇന്ത്യ, ഇന്ത്യൻ കൗൺസിൽ ഒാഫ് ഹിസ്റ്റോറിക്കൽ റിസർച് എന്നിവക്ക് പുറമെ വിവിധ സംസ്ഥാന സർക്കാറുകളുടെ കീഴിലുള്ള പുരാവസ്തുവകുപ്പ്, മ്യൂസിയങ്ങൾ, ഗവേഷണസ്ഥാപനങ്ങൾ എന്നിവിടങ്ങളിൽ ആർക്കിയോളജിസ്റ്റായി ജോലി ലഭിക്കാം. കൂടാതെ അധ്യാപനരംഗത്തും ടൂറിസംരംഗത്തും അവസരമുണ്ട്. ടൂറിസം മേഖലയിൽ ‘ഹെറിറ്റേജ് മാനേജർ’ മുതലായ തസ്തികകളിൽ തൊഴിലവസരമുണ്ട്.
എവിടെയെല്ലാം പഠനം നടത്താം?
ഏതെങ്കിലും വിഷയത്തിൽ ബിരുദം നേടിയിട്ടുള്ളവർക്ക് ആർക്കിയോളജിയിൽ എം.എ പഠനം നടത്താം. ആർക്കിയോളജി െഎച്ഛികവിഷയമായി ബിരുദാനന്തര ബിരുദം നൽകുന്ന വിദ്യാഭ്യാസസ്ഥാപനങ്ങൾ കൂടാതെ ഹിസ്റ്ററി െഎച്ഛിക വിഷയമായുള്ള ബിരുദപഠനത്തോടൊപ്പം ആർക്കിയോളജി, മ്യൂസിയോളജി എന്നീ വിഷയങ്ങൾ അനുബന്ധവിഷയങ്ങളായി പഠനം നടത്താൻ കഴിയുംവിധം രാജ്യത്തെ ചില സർവകലാശാലകൾ ബിരുദതലത്തിൽ സ്കീമും സിലബസും തയാറാക്കിയിട്ടുണ്ട്.ആർക്കിയോളജിയും അനുബന്ധവിഷയങ്ങളുടെയും പഠനവുമായി ബന്ധപ്പെട്ട രാജ്യത്തെ ഏറ്റവും പ്രധാനപ്പെട്ട സ്ഥാപനമാണ് ഡൽഹി നാഷനൽ മ്യൂസിയത്തിന് കീഴിൽ പ്രവർത്തിക്കുന്ന മ്യൂസിയം സർവകലാശാല. ഇൗ സ്ഥാപനം ആർക്കിയോളജിയിലും അനുബന്ധ പഠനവിഷയങ്ങളിലും സർട്ടിഫിക്കറ്റ് കോഴ്സുകൾ മുതൽ ബിരുദ, ബിരുദാനന്തര കോഴ്സുകൾവരെ നടത്തുന്നുണ്ട്. കൂടുതൽ വിവരങ്ങൾക്ക് www.nationalmuseumindia.gov.in സന്ദർശിക്കുക.
ഇവിടെ പഠിക്കാം
•University of Calcutta, College Straf Calcutta 700073
•Kurushetra University, Kurukshetra 132119
•MS University of Baroda, Gujarat 3900002
•Andra University, Visakhapatnam 53003
•University of Mysore -570005
•University of Madras, Chennai -600005
•Madurai Kamaraj Uty Madurai 652021
കൂടാതെ കേരള സർവകലാശാലയുടെ Department of Archaeology ആർക്കിയോളജിയിൽ ‘Master of Arts' Master of Phylosophy and `Doctor of Philosophy' എന്നീ കോഴ്സുകൾ നടത്തുന്നു. കൂടുതൽ വിവരങ്ങൾക്ക് www.keralauniversity.ac.in
കേരളസർക്കാറിെൻറ Department Cultural Affairsന് കീഴിൽ സ്വയംഭരണ സ്വഭാവത്തോടെ പ്രവർത്തിക്കുന്ന Centre for Heritage Studies തൃപ്പൂണിത്തുറ, പി.ജി ഡിപ്ലോമ ഇൻ ആർക്കിയോളജി, മ്യൂസിയോളജി കോഴ്സ് നടത്തുന്നുണ്ട്. വിശദവിവരങ്ങൾക്ക് www.centreforheritagestudies.com
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.