പ്രാ​ദേ​ശി​ക കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം; ഇ.​എം.​ഇ.​എ.എച്ച്.എസ്.എസ് വി​ദ്യാ​ര്‍ഥി​ക​ള്‍ക്ക് ദേ​ശീ​യ അം​ഗീ​കാ​രം

കൊ​ണ്ടോ​ട്ടി: പ്രാ​ദേ​ശി​ക കാ​ലാ​വ​സ്ഥ വ്യ​തി​യാ​നം സം​ബ​ന്ധി​ച്ച വി​വ​ര​ങ്ങ​ള്‍ ശേ​ഖ​രി​ക്കാ​ന്‍ കൊ​ണ്ടോ​ട്ടി ഇ.​എം.​ഇ.​എ ഹ​യ​ര്‍ സെ​ക്ക​ന്‍ഡ​റി സ്കൂ​ളി​ല്‍ വി​ദ്യാ​ര്‍ഥി​ക​ളും അ​ധ്യാ​പ​ക​രും ചേ​ര്‍ന്നൊ​രു​ക്കി​യ നി​രീ​ക്ഷ​ണ കേ​ന്ദ്ര​ത്തി​ന് ദേ​ശീ​യ അം​ഗീ​കാ​രം. ഇ​ന്ത്യ​ന്‍ മെ​റ്റീ​രി​യോ​ള​ജി​ക്ക​ല്‍ സൊ​സൈ​റ്റി​യു​ടെ ആ​ഭി​മു​ഖ്യ​ത്തി​ല്‍ ഭോ​പാ​ലി​ല്‍ ന​ട​ന്ന കാ​ലാ​വ​സ്ഥ വ്യ​തി​യാ​ന​വു​മാ​യി ബ​ന്ധ​പ്പെ​ട്ട 'ട്രോ​പ്‌​മെ​റ്റ് 2022' ദേ​ശീ​യ സെ​മി​നാ​റി​ല്‍ വി​ദ്യാ​ല​യ​ത്തി​ലെ കു​ട്ടി​ക​ള്‍ അ​വ​ത​രി​പ്പി​ച്ച പ്ര​ബ​ന്ധം മി​ക​ച്ച പ്ര​ബ​ന്ധ​മാ​യി തെ​ര​ഞ്ഞെ​ടു​ത്തു.

സ്കൂ​ളി​ല്‍ സ്ഥാ​പി​ച്ച കാ​ലാ​വ​സ്ഥ നി​രീ​ക്ഷ​ണ കേ​ന്ദ്ര​ത്തി​ല്‍ നി​ന്നു ല​ഭി​ച്ച മൂ​ന്ന് മാ​സ​ത്തെ വി​വ​ര​ങ്ങ​ള്‍ വി​ശ​ക​ല​നം ചെ​യ്താ​യി​രു​ന്നു പ്ര​ബ​ന്ധം ത​യാ​റാ​ക്കി​യ​ത്. സ്കൂ​ളി​ല്‍ ചെ​ല​വ് ചു​രു​ങ്ങി​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം സ്ഥാ​പി​ച്ച് അ​തി​ലെ വി​വ​ര​ങ്ങ​ള്‍ കോ​ഴി​ക്കോ​ട് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ കാ​ലാ​വ​സ്ഥ നി​രീ​ക്ഷ​ണ കേ​ന്ദ്ര​ത്തി​ലെ വി​വ​ര​ങ്ങ​ളു​മാ​യി താ​ര​ത​മ്യം ചെ​യ്തു​ള്ള പ​ഠ​നം വി​ജ​യ​ത്തി​ലെ​ത്തി. സ്കൂ​ള്‍ പ​രി​സ​ര​ത്തെ മൂ​ന്ന് കി​ലോ​മീ​റ്റ​ര്‍ ചു​റ്റ​ള​വി​ലെ കാ​ലാ​വ​സ്ഥ വ്യ​തി​യാ​നം മ​ന​സ്സി​ലാ​ക്കാ​നും മു​ന്‍കൂ​ട്ടി പ്ര​വ​ചി​ക്കാ​നും സാ​ധി​ക്കു​ന്ന​താ​ണ് സം​വി​ധാ​നം.

വി​ദ്യാ​ര്‍ഥി​ക​ളാ​യ ടി. ​ഫി​ദ, ജ​സ ഖാ​ലി​ദ എ​ന്നി​വ​രാ​ണ് പ്ര​ബ​ന്ധം അ​വ​ത​രി​പ്പി​ച്ച​ത്. അ​രീ​ക്കോ​ട് കേ​ന്ദ്ര​മാ​യി പ്ര​വ​ര്‍ത്തി​ക്കു​ന്ന ക്ല​യിം ബോ​ട്ട് ഇ​ന്നൊ​വേ​ഷ​നു​മാ​യി ചേ​ര്‍ന്നാ​ണ് പ​ദ്ധ​തി ത​യാ​റാ​ക്കി​യ​ത്.