Begin typing your search above and press return to search.
proflie-avatar
Login
exit_to_app
exit_to_app
Homechevron_rightCareer & Educationchevron_rightAchievementschevron_rightഎൻ.ഐ.ആർ.എഫ്​...

എൻ.ഐ.ആർ.എഫ്​ റാങ്കിങ്​: മദ്രാസ്​ ​ഐ.ഐ.ടി രാജ്യത്തെ മികച്ച സ്ഥാപനം

text_fields
bookmark_border
NIRF-Ranking-IIT-Madras
cancel

ന്യൂഡൽഹി: രാജ്യത്തെ മികച്ച ഉന്നത വിദ്യാഭ്യാസ സ്ഥാപനങ്ങളെയും സർവകലാശാലകളെയും കണ്ടെത്തുന്നതിനായി മാനവ വിഭവശ േഷി മന്ത്രാലയം സംഘടിപ്പിക്കുന്ന 2019ലെ നാഷണൽ ഇൻസ്​റ്റിറ്റ്യൂഷണൽ ഫ്രെയിം വർക്ക്​ (എൻ.ഐ.ആർ.എഫ്)​ റാങ്കിങ്​ രാഷ്​ട് രപതി രാംനാഥ്​ കോവിന്ദ്​ പ്രഖ്യാപിച്ചു. മദ്രാസ്​ ​ഐ.ഐ.ടിയെ രാജ്യത്തെ മികച്ച സ്ഥാപനമായി തെരഞ്ഞെടുത്തു.

ഓവറ ോൾ, സർവകലാശാലകൾ, എഞ്ചിനീയറിങ്​, കോളജുകൾ, മാനേജ്​മ​െൻറ്​, ഫാർമസി, മെഡിക്കൽ, വാസ്​തുവിദ്യ, നിയമം തുടങ്ങി ഒമ്പത്​വിഭാഗങ്ങളിലായാണ്​ റാങ്കിങ് പ്രഖ്യാപിച്ചിരിക്കുന്നത്​.​ അധ്യാപനം, പഠനവും വിഭവങ്ങളും, ബിരുദം, ഗവേഷണ പ്രവർത്തനങ്ങൾ തുടങ്ങിയ സൂചകങ്ങളെ അടിസ്ഥാനമാക്കിയാണ്​ റാങ്കിങ്​ നടത്തിയത്​.

സർവകലാശാല വിഭാഗത്തിൽ ഇന്ത്യൻ ഇൻസ്​റ്റിറ്റ്യൂട്ട്​ ഓഫ്​ സയൻസ്​ ബാംഗ്ലൂർ ആണ്​ ഒന്നാം സ്ഥാനത്തുള്ളത്​. ഡൽഹിയിലെ ജവഹർലാൽ നെഹ്​റു സർവകലാശാലയാണ്​ രണ്ടാമത്തെ മികച്ച സർവകലാശാല. വരാണസിയിലെ ബനാറസ്​ ഹിന്ദു സർവകലാശാലക്കാണ്​ മൂന്നാം സ്ഥാനം.

ഹൈദരാബാദ്​ സർവകലാശാല, കൽക്കട്ട സർവകലാശാല, കൊൽക്കത്തയിലെ ജദാവ്​പൂർ സർവകലാശാല, ചെന്നൈയിലെ അണ്ണാ സർവകലാശാല, കോയമ്പത്തൂരിലെ അമൃത വിശ്വപീഠം, മണിപ്പാൽ അക്കാദമി ഓഫ്​ ഹയർ എഡ്യുക്കേഷൻ, സാവിത്രി ഭായ്​ ഫൂലെ പൂണെ സർവകലാശാല എന്നിവയാണ് നാല്​ മുതൽ പത്ത്​ വരെ സ്ഥാനങ്ങളിലായി​ തൊട്ടു പുറകിലുള്ളത്​.

നിയമ സർവകലാശാല വിഭാഗത്തിൽ നാഷണൽ ലോ സ്കൂൾ (എൻ.എൽ.എസ്)​ ബംഗളൂരുവാണ്​ മികച്ച സ്ഥാപനം. വാസ്​തു വിദ്യാവിഭാഗത്തിൽ ഐ.ഐ.ടി ഖരക്​പൂർ, ഐ.ഐ.ടി റൂർക്കീ എന്നിവ ഒന്നും രണ്ടും സ്ഥാനം അലങ്കരിച്ചു. എഞ്ചിനീയറിങ്​ വിഭാഗത്തിൽ മദ്രാസ്​ ​ഐ.ഐ.ടിയാണ്​ ഒന്നാം സ്ഥാനത്ത്​. ഐ.ഐ.ടി ഡൽഹി, ഐ.ഐ.ടി ബോംബെ എന്നിവയാണ്​ രണ്ടും മൂന്നും സ്ഥാനത്ത്​. പത്ത്​ സ്ഥാനങ്ങളിൽ ആദ്യ ഏഴ്​ സ്ഥാനങ്ങളും ​ഐ.ഐ.ടികൾക്കാണ്​.

ന്യുഡൽഹിയിലെ ആൾ ഇന്ത്യ ഇൻസ്​റ്റിറ്റ്യൂട്ട്​ ഓഫ്​ മെഡിക്കൽ സയൻസ്​ ആണ്​ മികച്ച ആരോഗ്യ സ്ഥാപനം. പി.ജി.ഐ.എം.ഇ.ആർ ചണ്ഡിഗഢ്​ ആണ്​ രണ്ടാം സ്ഥാനത്ത്​. കോളജ്​ വിഭാഗത്തിൽ മിരാൻറ ഹൗസ്​ ആണ്​ മികച്ചത്​. ഹിന്ദു കോളജ്​ ആണ്​ രണ്ടാമത്​​. ഫാർമസി വിഭാഗത്തിൽ ജാമിയ ഹംദാർദ്​ ഒന്നാം സ്ഥാനത്തും പഞ്ചാബ്​ സർവകലാശാല രണ്ടാം സ്ഥാനത്തുമാണ്​. ഐ.ഐ.എം ബാംഗ്ലൂർ ആണ്​ മാനേജ്​മ​​െൻറ്​ വിഭാഗത്തിലെ റാങ്കിങിൽ ഒന്നാമത്​. ഐ.ഐ.എം അഹമ്മദാബാദ്​ ആണ്​ രണ്ടാം സ്ഥാനത്ത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:IIT-Madrasmalayalam newsCareer and Education NewsNIRF rankingbest institute
News Summary - NIRF ranking: IIT-Madras is best institute -career and education news
Next Story