കാ​ലി​ക്ക​റ്റി​ലെ ഗ​വേ​ഷ​ക​രു​ടെ പ​ഠ​നം അ​ന്താ​രാ​ഷ്ട്ര ജേ​ണ​ലി​ല്‍

തേ​ഞ്ഞി​പ്പ​ലം: വി​ഷാം​ശ​മു​ള്ള ഘ​ന​ലോ​ഹ​ങ്ങ​ളെ വ​ലി​ച്ചെ​ടു​ക്കാ​നും മ​ണ്ണി​നെ ശു​ദ്ധീ​ക​രി​ക്കാ​നു​മു​ള്ള ചു​ള്ളി​ക്ക​ണ്ട​ലി​ന്റെ (അ​ക്കാ​ന്ത​സ് ഇ​ലി​സി​ഫോ​ളി​സ്) ശേ​ഷി വ്യ​ക്ത​മാ​ക്കു​ന്ന ലേ​ഖ​നം അ​ന്താ​രാ​ഷ്ട്ര ശാ​സ്ത്ര​ജേ​ണ​ലി​ല്‍. കാ​ലി​ക്ക​റ്റ് സ​ര്‍വ​ക​ലാ​ശാ​ല​യി​ലെ ബോ​ട്ട​ണി പ​ഠ​ന​വി​ഭാ​ഗം മേ​ധാ​വി ഡോ. ​ജോ​സ് ടി. ​പു​ത്തൂ​രി​ന്റെ നേ​തൃ​ത്വ​ത്തി​ല്‍ ക​ട​ലു​ണ്ടി-​വ​ള്ളി​ക്കു​ന്ന് ക​മ്യൂ​ണി​റ്റി റി​സ​ര്‍വ് പ്ര​ദേ​ശ​ത്ത് മൂ​ന്ന്​ വ​ര്‍ഷ​മാ​യി ന​ട​ത്തി​യ പ​ഠ​ന​ഫ​ല​മാ​ണ് നെ​ത​ര്‍ല​ന്‍ഡ് ആ​സ്ഥാ​ന​മാ​യ ശാ​സ്ത്ര​പ്ര​സാ​ധ​ക​രാ​യ എ​ല്‍സേ​വ്യ​റി​ന്റെ 'എ​ന്‍വ​യ​ണ്‍മെ​ന്റ​ല്‍ പൊ​ലൂ​ഷ​ന്‍' ജേ​ണ​ലി​ന്റെ പു​തി​യ ല​ക്ക​ത്തി​ലൂ​ടെ പു​റ​ത്തു​വ​ന്ന​ത്. ഡോ. ​ജോ​സ് പു​ത്തൂ​രി​ന് പു​റ​മെ ശാ​സ്ത്ര സാ​ങ്കേ​തി​ക പ​രി​സ്ഥി​തി കൗ​ണ്‍സി​ലി​ലെ ഗ​വേ​ഷ​ണ ഫെ​ലോ ശ​ര​ത് ജി. ​നാ​യ​ര്‍, സ​ര്‍ സ​യ്യി​ദ് കോ​ള​ജി​ലെ അ​സി. പ്ര​ഫ. ഡോ. ​എ.​എം. ഷാ​ക്കി​റ എ​ന്നി​വ​ര്‍ ചേ​ര്‍ന്നാ​ണ് ലേ​ഖ​നം ത​യാ​റാ​ക്കി​യ​ത്. ശാ​സ്ത്ര സാ​ങ്കേ​തി​ക പ​രി​സ്ഥി​തി കൗ​ണ്‍സി​ലി​ന്റെ 25 ല​ക്ഷം രൂ​പ​യു​ടെ ഗ​വേ​ഷ​ണ പ​ദ്ധ​തി​യി​ല്‍ സൗ​ദി അ​റേ​ബ്യ​യി​ലെ കി​ങ് സൗ​ദി യൂ​നി​വേ​ഴ്‌​സി​റ്റി, യു.​കെ നാ​ൻ​ഡി​വി​ച്ചി​ലെ ഗ​വേ​ഷ​ണ കേ​ന്ദ്രം എ​ന്നി​വ​യും സ​ഹ​ക​രി​ച്ചു.

ന​ഗ​ര​പ്ര​ദേ​ശ​ങ്ങ​ളി​ല്‍നി​ന്ന് ഒ​ഴു​ക്കി​വി​ടു​ന്ന​തും കാ​ന്‍സ​ര്‍ പോ​ലു​ള്ള മാ​ര​ക രോ​ഗ​ങ്ങ​ള്‍ക്ക് കാ​ര​ണ​മാ​കു​ന്ന​തു​മാ​യ ആ​ര്‍സ​നി​ക്, കാ​ഡ്മി​യം പോ​ലു​ള്ള ഘ​ന​ലോ​ഹ​ങ്ങ​ളെ സ്വാം​ശീ​ക​രി​ക്കാ​ന്‍ ചു​ള്ളി​ക്ക​ണ്ട​ലി​ന് ക​ഴി​വു​ണ്ടെ​ന്നാ​ണ്​ പ​ഠ​ന​ത്തി​ല്‍ തെ​ളി​ഞ്ഞ​ത്.