ആദ്യ മണിക്കൂറിൽ കനത്ത പോളിങ്

കൊച്ചി: തൃക്കാക്കര ​ഉപതെരഞ്ഞെടുപ്പിന്റെ ആദ്യ മണിക്കൂറുകളിൽ കനത്ത പോളിങ് രേഖപ്പെടുത്തി. മഴ മാറിനിന്ന ദിനത്തിൽ ആളുകൾ രാവിലെ തന്നെ ബൂത്തിലെത്തി. ഏഴുമണിയോടെ തന്നെ ഭൂരിഭാഗം ബൂത്തിലും പോളിങ് ആരംഭിച്ചു. എല്ലാ ബൂത്തിലും നീണ്ട വരികൾ കാണാമായിരുന്നു. പോളിങ് ആരംഭിച്ച് ഒരു മണിക്കൂർ പിന്നിട്ടപ്പോൾ തന്നെ 8.15 ശതമാനം വോട്ട് രേഖപ്പെടുത്തിയിട്ടുണ്ട്.

ഒരു ബൂത്തിൽ മാത്രമാണ് വോട്ടിങ് മെഷീൻ തകരാർ മൂലം പോളിങ് ​വൈകിയത്. അവിടെയും എട്ടുമണിയോടെ പോളിങ് ആരംഭിച്ചു.