വോട്ട് രേഖപ്പെടുത്തി സിനിമ താരങ്ങൾ

ആലുവ: തിരക്കിനിടയിലും ഷൂട്ടിങ് ലൊക്കേഷനിൽ നിന്നെത്തി വോട്ട് രേഖപ്പെടുത്തി സിനിമാ താരങ്ങൾ. നടൻ ദിലീപ് ആലുവ കടത്തുകടവ് സാംസ്കാരിക കേന്ദ്രത്തിൽ വോട്ട് ചെയ്തു. ഭാര്യയും നടിയുമായ കാവ്യ മാധവൻ ദിലീപിനൊപ്പമുണ്ടായിരുന്നില്ല.

ശ്രീലങ്കയിലെ ഷൂട്ടിങ് ലൊക്കേഷനിൽ നിന്നാണ് നടി അന്ന രേഷ്മ രാജൻ വോട്ട് ചെയ്യാനെത്തിയത്. ആലുവ ഇസ്‌ലാമിക് ഹയർ സെക്കൻഡറി സ്കൂളിലെ ബൂത്തിലാണ് വോട്ട് ചെയ്തത്.

നടൻ ടിനി ടോം ആലുവ തായിക്കാട്ടുകര എസ്.പി.ഡബ്ല്യു എൽ.പി.എസിൽ രാവിലെ വോട്ട് രേഖപ്പെടുത്തി. ആലപ്പുഴയിലെ സിനിമ ചിത്രീകരണ സ്ഥലത്തു നിന്നുമാണ് നടൻ വോട്ട് ചെയ്യാനെത്തിയത്.