You are here

ആധാറും പാനും തമ്മിൽ ബന്ധിപ്പിക്കാനുള്ള സമയം ആറ്​ മാസം നീട്ടി

22:08 PM
31/03/2019
adhaar-and-PAN

ന്യൂഡൽഹി: ആധാർ നമ്പറും പാൻ കാർഡും തമ്മിൽ ബന്ധിപ്പിക്കാനുള്ള അവസാന തീയതി നീട്ടി. രണ്ടും തമ്മിൽ ബന്ധിപ്പിക്കാനുള്ള അവസാന തീയതി​ മാർച്ച്​ 31ന്​ അവസാനിക്കാനിരിക്കെയാണ്​ കേന്ദ്ര പ്രത്യക്ഷ നികുതി ബോർഡ്​ ആറു മാസത്തേക്ക് കൂടി​ നീട്ടിയത്​. ലിങ്ക്​ ചെയ്യാൻ സെപ്​തംബർ 30വരെ സമയമുണ്ട്​.

എന്നിരുന്നാലും ഏപ്രിൽ ഒന്ന്​ മുതൽ ആദായ നികുതി റി​ട്ടേൺസ്​ സമർപ്പിക്കുമ്പോൾ ആധാർ നമ്പർ കൂടി ​വെക്കേണ്ടത്​ നിർബന്ധമാക്കിയിട്ടുണ്ട്​. മാർച്ച്​ 31ന്​ മുമ്പ്​ ആധാറുമായി ബന്ധിപ്പിക്കാത്ത പാൻ കാർഡുകൾ അസാധുവാകുമെന്ന്​ മാധ്യമ റിപ്പോർട്ടുകൾ വന്നതോടെയാണ്​ തീയതി നീട്ടിയതായി നികുതി വകുപ്പ്​ അറിയിച്ചത്​.

ആധാർ നമ്പർ പാൻ കാർഡുമായി ബന്ധിപ്പിക്കാനുള്ള അവസാന തീയതി​ കേന്ദ്ര സർക്കാർ പല തവണ മാറ്റിയിരുന്നു​. കഴിഞ്ഞ വർഷം ജൂണിലാണ്​ ഇരുരേഖകളും ബന്ധിപ്പിക്കാനുള്ള അവസാന തീയതി ഈ വർഷം മാർച്ച്​ 31 ആയി നിശ്ചയിച്ചത്​. ആദായ നികുതി റി​ട്ടേൺസ്​ ഫയൽ ചെയ്യാൻ ആധാറും പാനും ബന്ധിപ്പിക്കേണ്ടത്​ നിർബന്ധമാണെന്ന്​ കഴിഞ്ഞ മാസം സുപ്രീംകോടതിയും വ്യക്തമാക്കിയിരുന്നു. ക​ഴി​ഞ്ഞ​വ​ർ​ഷം സെ​പ്​​റ്റം​ബ​ർ വ​രെ 41 കോ​ടി പാ​ൻ കാ​ർ​ഡു​ക​ളാ​ണ്​ രാ​ജ്യ​ത്ത്​ ഇ​ഷ്യു ചെ​യ്​​തി​ട്ടു​ള്ള​ത്. ഇ​തി​ൽ 21 കോ​ടി മാ​ത്ര​മേ ആ​ധാ​റു​മാ​യി ബ​ന്ധി​പ്പി​ച്ചി​ട്ടു​ള്ളൂ. 

Loading...
COMMENTS