ഒാഹരി വിപണിയിൽ നേട്ടം; സെൻസെക്​സ്​ 400 പോയിൻറിൽ

10:51 AM
05/04/2018
bse-sensex

മുംബൈ: റിസർവ്​ ബാങ്കി​​െൻറ സാമ്പത്തിക വർഷത്തിലെ ആദ്യ വായ്​പനയം പ്രഖ്യാപിച്ചതിന്​ പിന്നാലെ ഇന്ത്യൻ ഒാഹരി വിപണിയിൽ നേട്ടം. ബോംബെ സൂചിക സെൻസെക്​സ്​ 577 പോയിൻറ്​ നേട്ടത്തോടെ 33,596.80 പോയിൻറിലാണ്​ വ്യാപാരം അവസാനിപ്പിച്ചത്​. ദേശീയ സൂചിക നിഫ്​റ്റി 196.75 ​പോയിൻറ്​ നേട്ടത്തോടെ 10,325.15ൽ ക്ലോസ്​ ചെയ്​തു.

നിരക്കുകളിൽ മാറ്റം വരുത്താതെയുള്ള ആർ.ബി.ഐയുടെ പണ-വായ്പ നയമാണ്​ വിപണിക്ക് കരുത്തായത്. സെന്‍സെക്‌സ് 345 പോയിൻറും നിഫ്റ്റി 112 പോയിൻറും നേട്ടത്തിലായിരുന്നു ഇന്ന്​ വ്യാപാരം ആരംഭിച്ചത്​. 17 പൈസയുടെ കുതിപ്പോടെ ഡോളറിനെതിരെ രൂപയുടെ മൂല്യം​ 65 രൂപയായി.

ബി.എസ്.ഇയിലെ 1276 കമ്പനികളുടെ ഓഹരികള്‍ നേട്ടത്തിലും 156 ഓഹരികള്‍ നഷ്ടത്തിലുമാണ്. യു.എസും ചൈനയുമായി നിലനിൽക്കുന്ന ട്രേഡ് വാര്‍ പ്രശ്‌നങ്ങളും ബുധനാഴ്ച ആഗോള വിപണികളെ ബാധിച്ചിരുന്നു.

COMMENTS