എക്​സിറ്റ്​ പോൾ: ഓഹരി വിപണി നേട്ടത്തിൽ 

10:19 AM
20/05/2019
Sensex

മുംബൈ: ലോക്​സഭാ ​െതരഞ്ഞെടുപ്പിൽ ബി.ജെ.പി വിജയം കൊയ്യുമെന്ന എക്​സിറ്റ്​ പോൾ ഫലം പുറത്തു വന്നതോടെ ഓഹരി വിപണിയിൽ കുതിപ്പ്​. ദേശീയ ഓഹരി വിപണി നിഫ്​റ്റി 2.22ശതമാനം ഉയർന്ന്​ 11,660.45 പോയിൻറിലാണ്​ വ്യാപാരം നടക്കുന്നത്​. ബോംബെ ഓഹരി വിപണി സെൻസെക്​സ്​ 2.31 ശതമാനം ഉയർന്ന്​ 38,807.88 പോയിൻറിലെത്തി. 

യെസ്​ ബാങ്കിൻെറ ഓഹരികൾ ​ 6.2ശതമാനവും എസ്​.ബി.ഐയുടെത്​ 5.4ശതമാനവും നേട്ടമുണ്ടാക്കി. രൂപയും നില ​െമച്ചപ്പെടുത്തി. ഡോളറിന്​ 69.49 ൽ നിന്ന്​ 69.3550 ലേക്ക്​ രൂപയുടെ മൂല്യമുയർന്നു.  

അടുത്ത മൂന്ന്​ നാലു ദിവസങ്ങളിൽ കൂടി ഓഹരി വിപണിയിൽ 2-3ശതമാനം കുതിപ്പ്​ പ്രതീക്ഷിക്കുന്നു​െണ്ടന്ന് വിദഗ്​ധർ അറിയിച്ചു. എന്നാൽ ഫലപ്രഖ്യാപന ശേഷം എക്​സിറ്റ്​ പോൾ പറയുന്ന പോലുള്ള വിജയമുണ്ടായാൽ പോലും വിപണിയിൽ വലിയ കുതിപ്പ്​ പ്രതീക്ഷിക്കുന്നില്ല. ഇതുവരെ ഇന്ത്യയുടെ സാമ്പത്തിക നിലയിലുണ്ടായ അസ്വാരസ്യങ്ങൾ മൂലം പുതിയ സർക്കാറിൻെറ നയപ്രഖ്യാപനം വരെ ഓഹരി വിപണിയിൽ വലിയ ചലനങ്ങൾ ഉണ്ടാകില്ലെന്നാണ്​ കരുതുന്നതെന്നും വിദഗ്​ധർ വ്യക്​തമാക്കുന്നു. 

Loading...
COMMENTS