Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightMarketchevron_rightഎക്​സിറ്റ്​ പോൾ ഫലം:...

എക്​സിറ്റ്​ പോൾ ഫലം: കുതിച്ചുകയറി ഓഹരി വിപണി

text_fields
bookmark_border
എക്​സിറ്റ്​ പോൾ ഫലം: കുതിച്ചുകയറി ഓഹരി വിപണി
cancel

മുംബൈ: ലോക്​സഭ തെരഞ്ഞെടുപ്പിൽ എൻ.ഡി.എ വൻ ഭൂരിപക്ഷത്തോടെ തിരിച്ചുവരുമെന്ന്​ എക്​സിറ്റ്​ പോളുകൾ കൂട്ടമായി പ്രവചനം നടത്തിയതിനു പിന്നാലെ രാജ്യത്തെ ഓഹരി വിപണികളിൽ വൻ കുതിച്ചുചാട്ടം. ​

സെൻസെക്​സ്​ 1421.90 പോയൻറും നിഫ്​റ ്റി 421.10 പോയൻറുമാണ്​ ഒറ്റ ദിവസത്തിനിടെ വർധിച്ചത്​. സെൻസെക്​സ്​ 3.75 ശതമാനം ഉയർന്ന്​ 39,412.56 പോയൻറിലും നിഫ്​റ്റി 3.69 ശതമാനം ഉയർന്ന്​ 11,828.25ലുമാണ്​ വ്യാപാരം അവസാനിപ്പിച്ചത്​. കേവല ഭൂരിപക്ഷവും കടന്ന്​ 300ലേറെ സീറ്റുമായി എൻ.ഡി.എ അടുത്ത തവണയും കേന്ദ്രത്തിൽ അധികാരത്തിലെത്തുമെന്നായിരുന്നു കഴിഞ്ഞ ദിവസത്തെ എക്​സിറ്റ്​ പോൾ പ്രവചനങ്ങൾ.

എസ്​.ബി.ഐ, ഇൻഡസ്​ഇൻഡ്​ ബാങ്ക്​, ടാറ്റ മോ​ട്ടോഴ്​സ്​, എൽ ആൻഡ്​​ ടി, യെസ്​ ബാങ്ക്​, എച്ച്​.ഡി.എഫ്​.സി, മഹീന്ദ്ര ആൻഡ്​​ മഹീന്ദ്ര, മാരുതി, ഒ.എൻ.ജി.സി, റിലയൻസ്​, ഐ.സി.ഐ.സി.ഐ ബാങ്ക്​, ആക്​സിസ്​ ബാങ്ക്​ തുടങ്ങിയവയാണ്​ കൂടുതൽ നേട്ടമുണ്ടാക്കിയത്​. യു.എസ്​ ഡോളറിനെതിരെ ഇന്ത്യൻ രൂപയും നേട്ടമുണ്ടാക്കി- 64 പൈസയാണ്​ മൂല്യമുയർന്നത്​.

തെരഞ്ഞെടുപ്പുമായി ബന്ധപ്പെട്ട ഏറ്റവും നിർണായക സംഭവവികാസങ്ങൾ നടക്കുന്ന ഈയാഴ്​ച വിപണിയിൽ അനാവശ്യ ഇടപെടലുകൾക്ക്​ സാധ്യത കൂടുതലായതിനാൽ ‘സെബി’ നിരീക്ഷണം കർശനമാക്കിയിട്ടുണ്ട്​.

Show Full Article
TAGS:exit poll survey result stock market business news malayalam news 
Web Title - exit poll survey result; stock market hit -business news
Next Story