എന്‍ഡുറന്‍സ് ടെക്നോളജീസ് ഓഹരി ബുധനാഴ്ച ലിസ്റ്റുചെയ്യും

മുംബൈ: പ്രാഥമിക ഓഹരി വിപണിയില്‍നിന്ന് മൂലധന സമാഹരണം നടത്തിയ എന്‍ഡുറന്‍സ് ടെക്നോളജിയുടെ ഓഹരികള്‍ ബുധനാഴ്ച ഓഹരി വിപണിയില്‍ ലിസ്റ്റുചെയ്യും. 472 രൂപയാണ് ഇഷ്യൂ വിലയായി നിശ്ചയിച്ചിരിക്കുന്നത്. ഒക്ടോബര്‍ അഞ്ചു മുതല്‍ ഏഴുവരെ നടന്ന ഇഷൂവില്‍ 467-472 രൂപയായിരുന്നു പ്രൈസ് ബാന്‍ഡ്. 43.84 മടങ്ങായിരുന്നു ആവശ്യക്കാര്‍. ആങ്കര്‍ ഇന്‍വെസ്റ്റേഴ്സില്‍ നിന്നുള്ള 348 കോടിയുള്‍പ്പെടെ 1161 കോടി രൂപയാണ് ഐ.പി.ഒ വഴി കമ്പനി സമാഹരിച്ചത്. വാഹന ഘടക നിര്‍മാതാക്കളാണ് ഒൗറംഗബാദ് ആസ്ഥാനമായ കമ്പനി.