സ്വർണവില ഇടിഞ്ഞു

കൊച്ചി: സംസ്ഥാനത്ത്​ സ്വർണവില ഇടിഞ്ഞു. ചൊവ്വാഴ്ച പവന്​ 160 ​രൂപ​ കുറഞ്ഞ്​ 35,680 രൂപയായി. 4460 രൂപയാണ്​ ഒരു ഗ്രാം സ്വർണത്തിന്‍റെ വില. ഇന്നലെ പവന്​ 80 രൂപ കൂടിയിരുന്നു.

ജൂലൈ ഒന്നിനാണ്​ ഈമാസത്തെ ഏറ്റവും കുറഞ്ഞ വില രേഖപ്പെടുത്തിയത്​. ​അന്ന്​ പവന്​ 35,200 രൂപയായിരുന്നു. പിന്നീട്​ വെച്ചടിവെച്ചടി കയറി ജൂലൈ 16ന്​ പവന്​ 36,200 രൂപയായി. പിന്നീട്​ 200 രൂപ ഇടിഞ്ഞെങ്കിലും ജൂലൈ 21ന്​ വീണ്ടും 36,200 രൂപയിൽ തിരിച്ചെത്തി. തുടർന്നുള്ള ദിവസങ്ങളിൽ ഏറിയും കുറഞ്ഞും വിലയിൽ ചാഞ്ചാട്ടം തുർന്നു. ഇന്നലെ 35,840 രൂപയായിരുന്നു. കഴിഞ്ഞമാസം 35000 രൂപയായിരുന്നു ഏറ്റവും കുറഞ്ഞ വില.