സ്വർണ വില കുതിച്ചുകയറി; ഇന്ന് ​റെക്കോഡ് വില

കൊച്ചി: സ്വർണത്തിന് ഇന്ന് വില കുതിച്ചുയർന്നു. സർവകാല റെക്കോഡ് വിലയാണ് ഇന്ന് അന്താരാഷ്ട്ര വിപണിയിലും കേരളത്തിലും രേഖപ്പെടുത്തിയത്. ഗ്രാമിന് 55 രൂപ കൂടി 8,120 രൂപയും പവന് 440 രൂപ വർധിച്ച് 64,960 രൂപയുമായി. അന്താരാഷ്ട്ര വിപണിയിൽ ട്രായ് ഔൺസിന് 2944 ഡോളറായി ഉയർന്നു.

ഇതിനുമുമ്പ് 64,600 രൂപയായിരുന്നു കേരളത്തിൽ പവന് റെക്കോഡ് വില. ഫെബ്രുവരി 25നാണ് ഈ തുകയിലെത്തിയത്.

ഇന്നലെ ഗ്രാമിന് 45 രൂപയും പവന് 360 രൂപയും വർധിച്ചിരുന്നു. ഗ്രാമിന് 8,065രൂപയും പവന് 64,520 രൂപയുമായിരുന്നു വില. മാർച്ച് അഞ്ചിന് 64,520 രൂപയായിരുന്നു സ്വർണവില. സ്വർണ വ്യാപാരികളുടെ ഏറ്റവും വലിയ കൂട്ടായ്മയായ ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ (AKGSMA) ഇരുവിഭാഗവും ഇന്നും ഒരേ വിലയാണ് പ്രഖ്യാപിച്ചത്.