കോവിഡ്​ ഭീതി കനക്കുന്നു; വിപണികളിൽ ഇടിവ്​

മുംബൈ: വിൽപ്പന സമ്മർദ്ദം ഉയർന്നതോടെ ഓഹരി വിപണി നഷ്​ടത്തിൽ വ്യാപാരം അവസാനിപ്പിച്ചു. ബോംബെ ഓഹരി സൂചികയായ സെൻസെക്​സ്​ 811.68 പോയൻറും നിഫ്​റ്റി 282.75 പോയൻറും താഴ്​ന്നു. 38,034ലാണ് സെൻസെക്​സ്​ വ്യാപാരം അവസാനിപ്പിച്ചത്​. നിഫ്​റ്റി 11,222.20 ലും.

റിയൽ എസ്​റ്റേറ്റ്​, ടെലികോം, മെറ്റൽ തുടങ്ങിയ മേഖലകളിൽ കനത്ത ഇടിവ്​ രേഖപ്പെടുത്തി.കോവിഡ്​ പ്രതിസന്ധി പിടിമുറുക്കിയതാണ്​ വിപണിയെ പ്രതികൂലമായി ബാധിച്ചത്​. യൂറോപ്പിലും മറ്റും കോവിഡി​െൻറ രണ്ടാംവരവ്​ സ്​ഥിരീകരിച്ചത്​ ആഗോളവിപണിയെയും പ്രതികൂലമായി ബാധിച്ചു. നിക്ഷേപകരുടെ പണം നഷ്​ടമായേക്കുമോ എന്ന ആശങ്ക ഓഹരി വിപണിയിൽ പ്രതിഫലിച്ചതായും വിദഗ്​ധർ പറയുന്നു.