റെക്കോർഡ് ഉയരത്തിൽ വിപണി; സെൻസെക്സിന് 250 പോയിൻറ് നേട്ടം, നിഫ്റ്റി 15,800ന് മുകളിൽ
text_fieldsമുംബൈ: വീണ്ടും റെക്കോർഡ് ഉയരം കുറിച്ച് ഇന്ത്യൻ ഓഹരി സൂചികകൾ. ബോംബെ സൂചിക സെൻസെക്സ് 235.15 പോയിൻറ് നേട്ടത്തോടെ 52,534.15ലാണ് വ്യാപാരം തുടങ്ങിയത്. സെൻസെക്സ് 0.45 ശതമാനം ഉയർന്നു. നിഫ്റ്റി 65.25 പോയിൻറ് നേട്ടത്തോടെ 15,809.95ലെത്തി. 0.43 ശതമാനമാണ് നിഫ്റ്റിയിണ്ടായ നേട്ടം.
ബി.എസ്.ഇ മിഡ്ക്യാപ് ഇൻഡക്സ് 0.4 ശതമാനം ഉയർന്നു. ബാങ്കിങ്, ഐ.ടി, മെറ്റൽ സ്റ്റോക്കുകളാണ് മികച്ച പ്രകടനം നടത്തിയത്. ഏഷ്യൻ വിപണികളിൽ ഹാങ് സാങ്, തായ്വാൻ ഇൻഡക്സ് എന്നിവ നേട്ടത്തോടെയാണ് വ്യാപാരം തുടങ്ങിയത്. ജപ്പാൻ വിപണിയിൽ കാര്യമായ നേട്ടമുണ്ടായില്ല. അതേസമയം, ഷാങ്ഹായിടെ കോംപോസൈറ്റ് ഇൻഡക്സിന് തുടക്കത്തിൽ തിരിച്ചടി നേരിട്ടു.
വാൾസ്ട്രീറ്റ് നേട്ടത്തോടെ വ്യാപാരം അവസാനിച്ചതാണ് ഇന്ത്യ വിപണിക്കും നേട്ടമായത്. യു.എസ് വിപണിയിൽ നിലവിൽ അനുഭവപ്പെടുന്ന പണപ്പെരുപ്പം താൽക്കാലികമാണ് കേന്ദ്രബാങ്ക് വ്യക്തമാക്കിയിരുന്നു. ഇതാണ് യു.എസ് വിപണിക്ക് കരുത്ത് പകരുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.