Top
Begin typing your search above and press return to search.
keyboard_arrow_down
Login
exit_to_app
exit_to_app
Market Crash
cancel
Homechevron_rightBusinesschevron_rightMarketchevron_rightഓഹരിവിപണിയിൽ...

ഓഹരിവിപണിയിൽ കൈപൊ​ള്ളിയോ; അഞ്ചു കാരണങ്ങൾ അറിയാം

text_fields
bookmark_border

ന്യൂഡൽഹി: ഒരാഴ്​ചയായി ദലാൽ തെരുവിൽ നഷ്​ടകച്ചവടമാണ്​. വിപണി അറിയാതെ പണം മുടക്കിയവരുടെ ഒ​ക്കെ കൈ​െപാള്ളി. ആഗോളവിപണി​യിലെ ചാഞ്ചാട്ടം ഇന്ത്യൻ വിപണിയിലും ​പ്രതിഫലിക്കുകയായിരുന്നു. ലോക​ത്തിലെ ഏതെങ്കിലും കോണിൽ നടക്കുന്ന ഇലയനക്കം പോലും നിക്ഷേപകരുടെ ആശങ്ക ഉയർത്തുകയാണ്​. ഇതോടെ കനത്ത വിൽപ്പന സമ്മർദ്ദമാണ്​ ഇന്ത്യൻ വിപണിയും നേരിടേണ്ടിവരുന്നത്​. കൂടുതൽ പൊസിഷനുകൾ വേണ്ട എന്നാണ്​ എല്ലാവരും നൽകുന്ന ഉപദേശവും.

ഒരാഴ്​ചത്തെ ഇന്ത്യൻ വിപണി​യുടെ കനത്ത ഇടിവി​െൻറ പ്രധാനകാരണങ്ങളിലൊന്ന്​ കോവിഡ്​ മഹാമാരി തന്നെയാണ്​. എന്നാൽ മറ്റു കാരണങ്ങളുമുണ്ട്​.

യു.എസ്​ നേരിടുന്ന അസാധാരണ പ്രതിസന്ധി

കോവിഡ്​ ഏറ്റവും അധികം നാശം വിതക്കുന്ന രാജ്യമാണ്​ യു.എസ്​ 71 ലക്ഷം കടന്നു കോവിഡ്​ ബാധിതരുടെ എണ്ണം. മരണം രണ്ടുലക്ഷവും. കോവിഡ്​ സൃഷ്​ടിക്കുന്ന ആൾനാശത്തിന്​ പു​റമെ സമ്പദ്​ വ്യവസ്​ഥയും ​പ്രതിസന്ധിയിലായി. കോവിഡിനെ തുടർന്നുണ്ടായ സാമ്പത്തിക പ്രതിസന്ധിയെ മറികടക്കാനും സാമ്പത്തിക അസമത്വം ഒഴിവാക്കുന്നതിനും സർക്കാർ പൊതു വിപണിയി​േലക്ക്​ കൂടുതൽ പണം ഇറക്കണമെന്നും അമേരിക്കൻ ​സമ്പദ്​ വ്യവസ്​ഥയിൽ തിരിച്ചടിയുണ്ടാകുമെന്നുമുള്ള അ​േമരിക്കൻ കേന്ദ്രബാങ്കായ യു.എസ്​ ​ഫെഡറൽ റിസർവ്​ ഉദ്യോഗസ്​ഥരുടെ നിർ​േദശം യു.എസ്​ വിപണിക്കും ആഗോളവിപണിക്കും ആഘാതമാകുകയായിരുന്നു. ലോക സമ്പദ്​ വ്യവസ്​ഥയെ നിയന്ത്രിക്കുന്ന രാജ്യത്തി​െൻറ സാമ്പത്തിക അടിത്തറ ഇളകുന്നുവെന്നു തോന്നിയാൽ നിക്ഷേപകരിൽ ആശങ്ക പടരുന്നത്​ സ്വാഭാവികം.

യു.എസ്​ സമ്പദ്​ വ്യവസ്​ഥയിൽ വലിയ വിള്ളൽ വീണുവെന്നായിരുന്നു അമേരിക്കൻ സാമ്പത്തിക വിദഗ്​ധനും ഫെഡറൽ റിസർവ്​ വൈസ്​ ചെയർമാനുമായ റി​ച്ചാർഡ്​ ക്ലാരിഡയുടെ പ്രസ്​താവന. പ്രധാനകാരണമാക​ട്ടെ തൊഴിലില്ലായ്​മ നിരക്ക്​ കുത്തനെ ഉയരുന്നതും ദുർബലമായ ഡിമാൻഡും. ഈ അഭിപ്രായങ്ങൾ കൂടി വന്നതോടെ ലോകമെമ്പാടുമുള്ള നി​േക്ഷപകരെ അസ്വസ്​ഥരാക്കി.

ആഗോളവിപണിയിലെ ഇടിവ്​

ഇന്ത്യൻ വിപണിക്ക്​ പുറമെ ആഗോള വിപണിയിലും കനത്തനഷ്​ടമാണ്​ രേഖപ്പെടുത്തുന്നത്​. ചൈനീസ്​ ബ്ലൂ ചിപ്​സ്​, ഹോ​ങ്കോങ്​ ഹാങ്​ സെങ്​, ദക്ഷിണകൊറിയയുടെ സോൾ കോസ്​പി, ആസ്​ട്രേലിയൻ, ജപ്പാൻ ഓഹരിവിപണിയിലും നഷ്​ടത്തിലാണ്​ വ്യാപാരം. ആഗോള തലത്തിൽ വിപണിയിലുണ്ടാകുന്ന നഷ്​ടം ഇന്ത്യൻ വിപണിയിലും പ്രതിഫലിക്കുകയാണ്​.

കോവിഡി​െൻറ തിരിച്ചുവരവ്​

യു.കെ, ഫ്രാൻസ്​, സ്​പെയിൻ, നെതർലൻറ്​സ്​ തുടങ്ങിയ രാജ്യങ്ങളിൽ കോവഡി​െൻറ രണ്ടാംവരവ്​ സ്​ഥിരീകരിച്ചു കഴിഞ്ഞു. പുതിയ വൈറസ്​ ഹോട്ട്​സ്​പോട്ടുകളും രൂപപ്പെട്ടു. ഇതോടെ ബിസിനസ്​ പ്രവർത്തനങ്ങളെ ഭാഗികമായി പ്രതിസന്ധി ബാധിച്ചു. ഇന്ത്യയി​ലാ​ക​​ട്ടേ ദിവസവും കോവിഡ്​ ബാധിതരുടെ എണ്ണം കുത്തനെ ഉയരുന്നതല്ലാതെ കുറയുന്ന ലക്ഷണം കാണുന്നില്ല. ദിവസേന ഒരുലക്ഷത്തിലധികം കോവിഡ്​ കേസുകൾ പുതുതായി റിപ്പോർട്ട്​ ചെയ്​ത്​ കോവിഡ്​ ബാധിതരുടെ എണ്ണം 57 ലക്ഷം കടന്നു. കോവിഡിന്​ വാക്​സി​െൻറ വരവ്​ ഇനിയും താമസിക്കും. അതിനാൽ തന്നെ നിക്ഷേപകർ സംയമനം പാലിക്കാൻ തീരുമാനിച്ചതും വിപണിക്ക്​ തിരിച്ചടിയായി


വിദേശ നിക്ഷേപത്തിലെ ഇടിവ്​

സാമ്പത്തിക വർഷത്തിലെ ആദ്യപാദത്തിലെ കണക്കുപ്രകാരം നേരിട്ടുള്ള വിദേശനിക്ഷേപത്തിൽ കനത്ത ഇടിവ്​ രേഖപ്പെടുത്തിയതായ റിപ്പോർട്ടുകൾ പുറത്തുവന്നതും തിരിച്ചടിയായി. 2020-21 വർഷത്തിലെ ആദ്യപാദത്തിൽ നേരിട്ടുള്ള വിദേശ നിക്ഷേപം മുൻവർഷത്തെ അപേക്ഷിച്ച്​ 60 ശതമാനം ഇടിഞ്ഞ്​ 6.56 ബില്ല്യൺ ഡോളറിൽ (49,820 കോടി) എത്തിയിരുന്നു. മുൻവർഷം 16.33 കോടി ബില്ല്യൺ ഡോളറായിരുന്നു രാജ്യത്തേക്ക്​ എത്തിയത്​. ഇന്ത്യയിലേക്കുള്ള വിദേശനിക്ഷേപത്തി​ൽ ഇടിവ്​ രേഖപ്പെടുത്തിയതും ഓഹരിവിപണിക്ക്​ തിരിച്ചടിയായി.

ചെറിയ ചെറിയ വലിയ കാരണങ്ങൾ

കോവിഡ്​ പ്രതിസന്ധിയുടെ ഭാഗമായി ലോകത്ത്​ പുതിയ പ്രതിസന്ധികൾ ഉടലെടുക്കുകയും നിലവിലെ പ്രതിസന്ധികൾ രൂക്ഷമാകുകയും ചെയ്​തു. തൊഴിലില്ലായ്​മ നിരക്കി​െൻറ കുത്തനെയുണ്ടായ ഉയർച്ച സാമ്പത്തികപ്രതിസന്ധിയുടെ ആ​ഴം കൂട്ടി. ബിസിനസ്​ പ്രവർത്തനങ്ങളുടെ മന്ദഗതിയും വിപണിയെ ഒന്നു പിന്നോട്ടുവലിച്ചു. കേന്ദ്രസർക്കാറി​െൻറ ഉത്തേജക പാക്കേജുകൾ വെള്ളത്തിൽ വരച്ച വരയായതോടെ നിക്ഷേപകരുടെ പ്രതീക്ഷയും നശിച്ചു. കോവിഡ്​ സൃഷ്​ടിച്ച പ്രതിസന്ധിയിൽനിന്ന്​ കരകയറാൻ വർഷങ്ങൾ വേണ്ടിവരുമെന്ന പ്രവചനങ്ങൾ നിക്ഷേപകരെ കാര്യമായിതന്നെ പിടിച്ചുലച്ചിരിക്കുന്നു. തൊഴിൽ നിയമങ്ങൾ പാടെ പൊളിച്ചടുക്കിയതടക്കം കോർപറേറ്റുകൾക്കനുകൂല നടപടികൾ സർക്കാർ സ്വീകരിക്കുന്നുണ്ടെങ്കിലും വിപണി താഴോട്ടാണ്​ കുതിക്കുന്നത്​.

LATEST VIDEO


Show Full Article
TAGS:Sensex Nifty Stock Market Market Crash 
Next Story