Begin typing your search above and press return to search.
exit_to_app
exit_to_app
Homechevron_rightBusinesschevron_rightMarketchevron_rightഓഹരി വിപണിയെ കുറിച്ച്​ ...

ഓഹരി വിപണിയെ കുറിച്ച്​ സമൂഹമാധ്യമങ്ങളിലൂടെ വിവരങ്ങൾ ലഭിക്കാറുണ്ടോ ? എങ്കിൽ സൂക്ഷിക്കുക

text_fields
bookmark_border
ഓഹരി വിപണിയെ കുറിച്ച്​ സമൂഹമാധ്യമങ്ങളിലൂടെ വിവരങ്ങൾ ലഭിക്കാറുണ്ടോ ? എങ്കിൽ സൂക്ഷിക്കുക
cancel

മുംബൈ: ഓഹരി വിപണിയെ കുറിച്ച്​ തെറ്റായ ടിപ്പുകൾ നൽകി കബളിപ്പിക്കുന്ന മാഫിയക്കെതിരെ നടപടി ശക്​തമാക്കി സെബി. ടെലഗ്രാം അടക്കമുള്ള സമൂഹമാധ്യമങ്ങളിലൂടെയാണ്​ ഇത്തരത്തിൽ വ്യാജ വിവരങ്ങൾ പങ്കുവെക്കുന്നത്​. ഇവരെ കണ്ടെത്താൻ പ്രാദേശിക പൊലീസ്​ സംവിധാന​ത്തിന്‍റെ സഹായത്തോടെ സെബി വ്യാപക പരിശോധനകൾ നടത്തിയെന്നാണ്​ റിപ്പോർട്ട്​.

വൻ നഗരങ്ങളിൽ ഇതിനായി വലിയ മാഫിയകൾ തന്നെ പ്രവർത്തിക്കുന്നുണ്ടെന്നാണ്​ സെബിയുട അനുമാനം. ഓഹരി വിപണിയിൽ ലിസ്റ്റ്​ ചെയ്​ത കമ്പനികൾക്കോ ബ്രോക്കർമാർക്കോ ഇതുമായി ബന്ധമുണ്ടോയെന്നതും പരിശോധിക്കുന്നുണ്ട്​. അതേസമയം, അന്വേഷണത്തെ കുറിച്ചുള്ള കൂടുതൽ വിവരങ്ങൾ പുറത്ത് വിടാൻ സെബി തയാറായിട്ടില്ല.

ഇതുവരെ നടത്തിയ റെയ്​ഡുകളിൽ നിന്ന്​ ഡിജിറ്റൽ തെളിവുകൾ പിടിച്ചെടുത്തുവെന്നാണ്​ റിപ്പോർട്ടുകൾ. ലാപ്​ടോപ്പുകളും മൊബൈൽ ഫോണുകളും സെബി നടത്തിയ റെയ്​ഡിൽ പിടിച്ചെടുത്തു.

ലോക്​ഡൗണിന്​ ശേഷം ഓഹരി വിപണിയിലേക്ക്​ റീടെയിൽ നിക്ഷേപകരുടെ വലിയ ഒഴുക്കുണ്ടായിട്ടുണ്ട്​. ഇതിനെ പിൻപറ്റിയാണ്​ വിവിധ സമൂഹമാധ്യമ ഗ്രൂപ്പുകൾ പ്രവർത്തിക്കുന്നത്​. വിപണിയിൽ ഏത്​ ഓഹരി വാങ്ങണമെന്നും ഷെയറുകൾ എപ്പോൾ വിൽക്കണമെന്നുമുള്ള വിവരങ്ങളാണ്​ പ്രധാനമായും ഇത്തരം ഗ്രൂപ്പുകളിൽ പങ്കുവെക്കപ്പെടുന്നത്​. എന്നാൽ, ഈ വിവരങ്ങൾ പലപ്പോഴും കൃത്യമാകാറില്ല. ഇത്തരം ഗ്രൂപ്പുകളിൽ ചേരുന്നതിന്​ 10,000 രൂപ മുതൽ ഒരു ലക്ഷം വരെ ഈടാക്കിയ സംഭവങ്ങളും റിപ്പോർട്ട്​ ചെയ്​തിരുന്നു.

Show Full Article
TAGS:sebi 
News Summary - Sebi moves to break the tip and click nexus
Next Story