സെപ്​റ്റംബർ 30ന്​ മുമ്പ്​ പാൻകാർഡ്​-ആധാർ കാർഡുമായി ബന്ധിപ്പിക്കണമെന്ന്​ സെബി

ന്യൂഡൽഹി: സെപ്​റ്റംബർ 30ന്​ മുമ്പ്​ നിക്ഷേപകർ പാൻകാർഡ്​-ആധാർ കാർഡുമായി ബന്ധിപ്പിക്കണമെന്ന്​ സെബി. ബുദ്ധിമുട്ടില്ലാതെ ഇടപാടുകൾ നടത്തുന്നതിന്​ ഇത്​ അത്യാവശ്യമാണെന്നാണ്​ സെബി അറിയിച്ചിരിക്കുന്നത്​.

സെപ്​റ്റംബർ 30നകം പാൻ ആധാറുമായി ബന്ധിപ്പിക്കണമെന്നും പ്രത്യക്ഷ നികുതി വ്യക്​തമാക്കിയിരുന്നു. എന്നാൽ, ഇതിന്‍റെ തീയതി പലതവണ നീട്ടി നൽകുകയും ചെയ്​തിരുന്നു. നിലവിൽ സെപ്​റ്റംബർ 30ആണ്​ പാൻകാർഡും ആധാർകാർഡും തമ്മിൽ ബന്ധിപ്പിക്കാനുള്ള അവസാന തീയതി. ഇതേ തീയതി തന്നെ വെച്ചാണ്​ സെബിയും ഉത്തരവിറക്കിയിരിക്കുന്നത്​.

സെബിയുടെ ഇടപാടുകൾക്കുള്ള ആധികാരിക രേഖ പാൻകാർഡാണ്​. സെപ്​റ്റംബർ 30ന്​ പാൻ-ആധാർ കാർഡുമായി ബന്ധിപ്പിച്ചില്ലെങ്കിൽ ​ഓഹരി വിപണിയിൽ ഇടപാടുകൾ തടസപ്പെടാൻ സാധ്യതയുണ്ട്​.