'ക്വാച്ചി' ഇന്ത്യൻ വിപണിയിൽ

കോഴിക്കോട്: ഇലക്ട്രോണിക്സ്, ഗൃഹോപകരണ നിർമാണ-വിതരണ രംഗത്ത് ഒന്നരപ്പതിറ്റാണ്ടായി സാന്നിധ്യമുറപ്പിച്ച ബ്രാൻഡിൽനിന്നും പുതിയ ബ്രാൻഡ്. 'അപ്ഗ്രേഡ് ലൈഫ്' എന്ന ടാഗ്‌ലൈനോടുകൂടി 'ക്വാച്ചി' എന്ന പുതിയ ബ്രാൻഡാണ് ഇന്ത്യൻ വിപണിയിൽ അവതരിപ്പിച്ചത്. സാങ്കേതിക മികവും ഗുണനിലവാരവുമാണ് ക്വാച്ചി ബ്രാൻഡിനെ വ്യത്യസ്തമാക്കുന്നത്. ആമസോൺ ഓപറേറ്റിങ്സിസ്റ്റം ഉൾപ്പെടുത്തിയ പ്രീമിയം പ്രോഡക്ടായ ക്വാച്ചി ഫയർ ടി.വി, വേഗമാർന്ന സേവനം ഉറപ്പാക്കുന്നു. ക്വാച്ചി ഫുൾ എച്ച്.ഡി ഫയർ ടി.വിയിൽ മികച്ച ഓഡിയോ-വിഡിയോ അനുഭവം നൽകുന്നു.ലോകത്തിലെ നമ്പർ വൺ വോയ്സ് അസിസ്റ്റന്റായ അലക്സ ആണ് ക്വാച്ചി ടി.വിയിൽ സംയോജിപ്പിച്ചിരിക്കുന്നത്.

കോഴിക്കോട് 'ദി ഗേറ്റ് വേ'യിൽ, നടന്ന ചടങ്ങിൽ ചെയർമാൻ അബ്ദുൽ കരീം ടീവി ലോഞ്ച് ചെയ്തു. വൈസ് ചെയർമാൻ മുഹമ്മദ് അലി, എക്സിക്യൂട്ടിവ് ഡയറക്ടർ ഷെരീഫ് അലി, സി.ഇ.ഒ റിഷാദ് അരിയിൽ എന്നിവർ സന്നിഹിതരായിരുന്നു. മികച്ച വിൽപനാനന്തര സേവനം ഉറപ്പുവരുത്തിക്കൊണ്ട് വരും ദിവസങ്ങളിൽ കൂടുതൽ ഉൽപന്നങ്ങൾ വിപണിയിൽ എത്തിക്കുമെന്ന് ചെയർമാൻ അബ്ദുൽകരീം ചടങ്ങിൽ പറഞ്ഞു. ക്വാച്ചി ഫയർ ടി.വിയിൽ എല്ലാ ഒ.ടി.ടി പ്ലാറ്റ്ഫോമുകളും ലഭ്യമാണ്.