ഖത്തർ-ഇറ്റലി വ്യാപാരം 800 കോടി യൂറോയിൽ

ദോ​ഹ: മു​ൻ വ​ർ​ഷ​ത്തെ അ​പേ​ക്ഷി​ച്ച് 2022ൽ ​ഖ​ത്ത​ർ-​ഇ​റ്റ​ലി വ്യാ​പാ​ര​ത്തി​ൽ 120.5 ശ​ത​മാ​നം വ​ർ​ധ​ന രേ​ഖ​പ്പെ​ടു​ത്തി. ഇ​രു​രാ​ജ്യ​ങ്ങ​ളും ത​മ്മി​ൽ ക​ഴി​ഞ്ഞ വ​ർ​ഷം 800 കോ​ടി യൂ​റോ​യു​ടെ വ്യാ​പാ​ര​മാ​ണ് ന​ട​ന്ന​ത്. ഖ​ത്ത​റും ഇ​റ്റ​ലി​യും ത​മ്മി​ലു​ള്ള ശ​ക്ത​മാ​യ ബ​ന്ധ​മാ​ണ് ഉ​ഭ​യ​ക​ക്ഷി വ്യാ​പാ​ര​ത്തി​ലു​ണ്ടാ​യ ഉ​യ​ർ​ച്ച​ക്ക് കാ​ര​ണ​മെ​ന്ന് ഖ​ത്ത​റി​ലെ ഇ​റ്റാ​ലി​യ​ൻ അം​ബാ​സ​ഡ​ർ പൗ​ലോ ടോ​ഷി പ​റ​ഞ്ഞു.

ഇ​രു​രാ​ജ്യ​ങ്ങ​ൾ​ക്കു​മു​ള്ള അ​വ​സ​ര​ങ്ങ​ളെ​ക്കു​റി​ച്ച് ഞ​ങ്ങ​ൾ വ​ള​രെ ഉ​ത്സാ​ഹ​ഭ​രി​ത​രാ​ണ്. ന​മ്മു​ടെ വ്യ​വ​സാ​യ​ങ്ങ​ൾ​ക്കി​ട​യി​ലും ആ​ളു​ക​ൾ​ക്കി​ട​യി​ലും പ​ര​സ്​​പ​ര പൂ​ര​ക​ങ്ങ​ളാ​യ നി​ര​വ​ധി ഘ​ട​ക​ങ്ങ​ളു​ണ്ട്. ഖ​ത്ത​റും ഇ​റ്റ​ലി​യും ത​മ്മി​ലു​ള്ള മി​ക​ച്ച ബ​ന്ധ​ത്തി​ന്റെ​യും ഉ​റ​ച്ച സ​ഹ​ക​ര​ണ​ത്തി​ന്റെ​യും സൂ​ച​ന​യാ​ണ് വ്യാ​പാ​ര​ത്തി​ലു​ണ്ടാ​യ വ​ള​ർ​ച്ച​യെ​ന്നും പൗ​ലോ ടോ​ഷി മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. ലോ​ക​ത്തെ ഏ​റ്റ​വും സു​ര​ക്ഷി​ത​മാ​യ രാ​ജ്യ​ങ്ങ​ളു​ടെ പ​ട്ടി​ക​യി​ലി​ടം നേ​ടി​യ ഖ​ത്ത​റി​നെ പൗ​ലോ ടോ​ഷി അ​ഭി​ന​ന്ദി​ച്ചു.

ഇ​റ്റാ​ലി​യ​ൻ നാ​ഷ​ന​ൽ സ്​​റ്റാ​റ്റി​സ്റ്റി​ക്ക​ൽ ഇ​ൻ​സ്​​റ്റി​റ്റ്യൂ​ട്ടി​ൽ നി​ന്നു​ള്ള വി​വ​ര​ങ്ങ​ൾ പ്ര​കാ​രം 2022 വ​ർ​ഷ​ത്തി​ലെ ആ​ദ്യ 11 മാ​സ​ങ്ങ​ളി​ലെ വ്യാ​പാ​ര​മാ​ണ് 7.83 ബി​ല്യ​ൻ യൂ​റോ​യി​ലെ​ത്തി​യി​രി​ക്കു​ന്ന​തെ​ന്ന് ഇ​റ്റാ​ലി​യ​ൻ ട്രേ​ഡ് ഏ​ജ​ൻ​സി, ഖ​ത്ത​ർ-​ബ​ഹ്റൈ​ൻ ട്രേ​ഡ് ക​മീ​ഷ​ണ​ർ പൗ​ല ലി​സി ‘ദി ​പെ​നി​ൻ​സു​ല’​യോ​ട് പ​റ​ഞ്ഞു.

2021ൽ ​ഇ​രു​രാ​ജ്യ​ങ്ങ​ളും ത​മ്മി​ലു​ള്ള വ്യാ​പാ​ര​മൂ​ല്യം ഇ​താ​ദ്യ​മാ​യി 400 കോ​ടി റി​യാ​ൽ ക​വി​ഞ്ഞു. ഖ​ത്ത​റി​ന്റെ വി​ത​ര​ണ രാ​ജ്യ​ങ്ങ​ളു​ടെ പ​ട്ടി​ക​യി​ൽ ഇ​റ്റ​ലി നാ​ലാം സ്​​ഥാ​ന​ത്തും ഉ​പ​ഭോ​ക്തൃ രാ​ജ്യ​ങ്ങ​ളി​ൽ എ​ട്ടാ​മ​തു​മാ​ണ്. യ​ന്ത്ര​ങ്ങ​ൾ, ഫ​ർ​ണി​ച്ച​റു​ക​ൾ, കാ​റു​ക​ൾ, ഫാ​ഷ​ൻ, ആ​ഭ​ര​ണ​ങ്ങ​ൾ, ഫാ​ർ​മ​സ്യൂ​ട്ടി​ക്ക​ൽ​സ്, ഭ​ക്ഷ്യ ഉ​ൽ​പ​ന്ന​ങ്ങ​ൾ എ​ന്നി​വ​യാ​ണ് ഖ​ത്ത​റി​ലേ​ക്ക് ഇ​റ്റ​ലി ക​യ​റ്റു​മ​തി ചെ​യ്യു​ന്ന പ്ര​ധാ​ന വ​സ്​​തു​ക്ക​ൾ. ഇ​ന്ധ​നം, പ്ലാ​സ്​​റ്റി​ക്, രാ​സ​വ​സ്​​തു​ക്ക​ൾ, വി​ല​യേ​റി​യ ക​ല്ലു​ക​ൾ എ​ന്നി​വ ഖ​ത്ത​ർ ഇ​റ്റ​ലി​യി​ലേ​ക്കും ക​യ​റ്റു​മ​തി ചെ​യ്യു​ന്നു. ഉ​ൽ​പാ​ദ​ന മേ​ഖ​ല​യി​ൽ രാ​ജ്യ​ങ്ങ​ൾ​ക്കി​ട​യി​ൽ കൂ​ടു​ത​ൽ വാ​ണി​ജ്യ, വ്യ​വ​സാ​യി​ക സ​ഹ​ക​ര​ണം വ​ർ​ധി​പ്പി​ക്കു​ന്ന​തി​ന് മി​ക​ച്ച അ​വ​സ​ര​ങ്ങ​ളു​​ണ്ടെ​ന്ന് പൗ​ല ലി​സി വി​ശ​ദീ​ക​രി​ച്ചു. ഊ​ർ​ജ​ത്തി​ലും അ​ടി​സ്​​ഥാ​ന സൗ​ക​ര്യ​ങ്ങ​ളി​ലും ഖ​ത്ത​റി​ന്റെ സ​മ്പ​ദ് വ്യ​വ​സ്​​ഥ ശ​ക്ത​മാ​യ​തി​നാ​ൽ പു​തി​യ വ്യ​വ​സാ​യ​ങ്ങ​ളി​ൽ നി​ര​വ​ധി അ​വ​സ​ര​ങ്ങ​ളാ​ണ് വ​രാ​നി​രി​ക്കു​ന്ന​തെ​ന്ന് അ​വ​ർ വ്യ​ക്ത​മാ​ക്കി.