ഇരുട്ടടി തുടരുന്നു; പെട്രോൾ-ഡീസൽ വില വീണ്ടും കൂട്ടി

കൊച്ചി: സംസ്ഥാനത്ത്​ പെട്രോൾ-ഡീസൽ വില വീണ്ടും കൂട്ടി. പെട്രോളിന്​ 35 പൈസയും ഡീസലിന്​ 27 പൈസയുമാണ്​ വർധിപ്പിച്ചത്​. തിരുവനന്തപുരത്ത്​ പെട്രോളിന്​ 102.89 രൂപയും ഡീസലിന്​ 96.47 രൂപയുമാണ്​ വില​.

കൊച്ചിയിൽ പെട്രോളിന്​ 101.01, ഡീസലിന്​ 95.71 രൂപയുമാണ്​ വില. കോഴിക്കോട്​ പെട്രോളിന്​ 101.32, ഡീസലിന്​ 95.02 രൂപയുമായാണ്​​ വർധിപ്പിച്ചത്​. ഈ മാസം ഇത്​ ആറാം തവണയാണ്​ പെട്രോൾ-ഡീസൽ വില വർധിപ്പിക്കുന്നത്​.

അന്താരാഷ്​ട്ര വിപണിയിലും ക്രൂഡോയിലിന്‍റെ വില വർധിച്ചു. ബ്രെന്‍റ്​ ക്രൂഡോയിലിന്‍റെ വില 75.55 ഡോളറായാണ്​​ വർധിച്ചത്​. ഇന്ധന ഉപഭോഗം വർധിച്ചതിനെ തുടർന്നാണ്​ വിപണിയിൽ വില ഉയരുന്നത്​.