പുതിയ കോവിഡ്​ വകഭേദം; വീണ്ടും തകർന്ന്​ സൂചികകൾ

മുംബൈ: ഇന്ത്യൻ ഓഹരി വിപണികൾ വീണ്ടും തകർച്ചയിലേക്ക്​ കൂപ്പുകുത്തി. ബോംബെ സൂചിക സെൻസെക്​സ്​ 800 പോയിന്‍റ്​ നഷ്​​ടത്തോടെയാണ്​ വ്യാപാരം ആരംഭിച്ചത്​. നിഫ്​റ്റ്​ 17300 പോയിന്‍റിന്​ താഴെയെത്തി. റിലയൻസ്​ ഇൻഡസ്​ട്രീസ്​, എച്ച്​.ഡി.എഫ്​.സി, എച്ച്​.ഡി.എഫ്​.സി ബാങ്ക്​, ഐ.സി.ഐ.സി.ഐ ബാങ്ക്​്​, കൊട്ടക്​ മഹീന്ദ്ര, ഇൻഫോസിസ്​, എസ്​.ബി.ഐ എന്നിവർക്കാണ്​ വിപണിയിൽ വലിയ തിരിച്ചടിയേറ്റത്​.

വിപണിയുടെ തകർച്ചയിൽ ഫാർമ സെക്​ടറിന്​ മാത്രമേ പിടിച്ചു നിൽക്കാനായുള്ളു. പുതിയ കോവിഡ്​ വകഭേദത്തിന്‍റെ വരവാണ്​ ഇന്ന്​ വിപണിയെ സ്വാധീനിച്ചത്​. ഏഷ്യൻ സൂചികകളെല്ലാം നഷ്​ടത്തോടെയാണ്​ വ്യാപാരം നടത്തുന്നത്​. ജപ്പാന്‍റെ നിക്കി, ഹോ​​ങ്കോങ്​ ഹാങ്​സാങ്​, ചൈനയുടെ ഷാങ്​ഹായ്​ തുടങ്ങിയ സൂചികക​െളല്ലാം നഷ്​ടത്തിലാണ്​.

ഹോട്ടലുകളും ടൂറിസം വ്യവസായവുമായി ബന്ധപ്പെട്ട കമ്പനികളുടേയും ഓഹരികൾ കനത്ത നഷ്​ടത്തിലാണ്​ വ്യാപാരം നടത്തുന്നത്​.