ഓഹരി വിപണിയിൽ വൻ കുതിപ്പ്; നാലുവർഷത്തിനിടയിലെ ഏറ്റവും വലിയ ഒറ്റദിവസ മുന്നേറ്റം

മും​ബൈ: എ​ല്ലാം ഒ​ത്തു​വ​ന്ന​പ്പോ​ൾ ഇ​ന്ത്യ​ൻ ഓ​ഹ​രി വി​പ​ണി​ക്ക് തി​ങ്ക​ളാ​ഴ്ച സ്വ​പ്ന​തു​ല്യ മു​ന്നേ​റ്റം. ഇ​ന്ത്യ -പാ​ക് വെ​ടി​നി​ർ​ത്ത​ൽ, യു.​എ​സ്- ചൈ​ന വാ​ണി​ജ്യ ധാ​ര​ണ എ​ന്നീ ശു​ഭ​വാ​ർ​ത്ത​ക​ളു​ടെ ക​രു​ത്തി​ൽ നാ​ലു​വ​ർ​ഷ​ത്തി​നി​ട​യി​ലെ ഏ​റ്റ​വും വ​ലി​യ ഒ​റ്റ ദി​വ​സ മു​ന്നേ​റ്റ​ത്തി​നാ​ണ് ഇ​ന്ത്യ​ൻ വി​പ​ണി തി​ങ്ക​ളാ​ഴ്ച സാ​ക്ഷ്യം വ​ഹി​ച്ച​ത്.

സെ​ൻ​സെ​ക്സ് 2975.43 പോ​യ​ന്റ് (3.74ശ​ത​മാ​നം) മു​ന്നേ​റി 82,429.90ത്തി​ലും നി​ഫ്റ്റി 916.70 പോ​യ​ന്റ് (3.82 ശ​ത​മാ​നം) കു​തി​ച്ച് 24,924.70ത്തി​ലു​മാ​ണ് വ്യാ​പാ​രം അ​വ​സാ​നി​പ്പി​ച്ച​ത്. ഏ​ഴു​മാ​സ​ത്തി​ലെ ഉ​യ​ർ​ന്ന നി​ല​യാ​ണി​ത്. ഒ​റ്റ ദി​വ​സം നി​ക്ഷേ​പ മൂ​ല്യ​ത്തി​ൽ 16.15 ല​ക്ഷം കോ​ടി രൂ​പ​യു​ടെ ഉ​യ​ർ​ച്ച​യാ​ണു​ണ്ടാ​യ​ത്. ബോം​ബെ സ്റ്റോ​ക്ക് എ​ക്സ്ചേ​ഞ്ചി​ലെ 3545 ക​മ്പ​നി​ക​ൾ നേ​ട്ട​മു​ണ്ടാ​ക്കി​യ​പ്പോ​ൾ 576 ക​മ്പ​നി​ക​ൾ​ക്ക് മാ​ത്ര​മാ​ണ് ന​ഷ്ടം നേ​രി​ട്ട​ത്.

അ​വ​യി​ൽ ഭൂ​രി​ഭാ​ഗ​ത്തി​നും ചെ​റി​യ ന​ഷ്ട​മേ​യു​ള്ളൂ. 133 ക​മ്പ​നി​ക​ളു​ടെ ഓ​ഹ​രി വി​ല​യി​ൽ മാ​റ്റ​മു​ണ്ടാ​യി​ല്ല. ഇ​ന്ത്യ​യു​മാ​യു​ള്ള സം​ഘ​ർ​ഷം അ​വ​സാ​നി​ച്ച​ത് പാ​കി​സ്താ​ൻ ഓ​ഹ​രി വി​പ​ണി​ക്കും ക​രു​ത്താ​യി. ക​റാ​ച്ചി സ്റ്റോ​ക്ക് എ​ക്സ്ചേ​ഞ്ച് സൂ​ചി​ക തി​ങ്ക​ളാ​ഴ്ച ഒ​മ്പ​ത് ശ​ത​മാ​ന​മാ​ണ് ഉ​യ​ർ​ന്ന​ത്. മരുന്നുവിലയിൽ നിയന്ത്രണം ഏർപ്പെടുത്തുമെന്ന യു.എസ് പ്രസിഡന്റ് ഡോണൾഡ് ട്രംപിന്റെ പ്രഖ്യാപനം കാരണം ഇടിവോടെ തുടങ്ങിയ ഫാർമ സെക്ടർ നേരിയ നേട്ടത്തോടെ വ്യാപാരം അവസാനിപ്പിച്ചു.

കഴിഞ്ഞ ആഴ്ചകളിൽ മുന്നേറിയ പ്രതിരോധ കമ്പനി ഓഹരികളിലും ലാഭമെടുപ്പ് കാണാനായി. ഐ.ടി, ലോഹം, റിയാലിറ്റി, ടെക്, ബാങ്കിങ്, എഫ്.എം.സി.ജി, ഊർജം, വ്യവസായം തുടങ്ങി ബാക്കി എല്ലാ സെക്ടറുകളിലും വൻ മുന്നേറ്റമാണുണ്ടായത്.