സ്വർണ്ണ വില വീണ്ടും കൂടി

കൊച്ചി: കേരളത്തിൽ വീണ്ടും സ്വർണ്ണവില കൂടി. പവന്​ 160 രൂപയാണ്​ വർധിച്ചത്​. ഗ്രാമിന്​ 20 രൂപയും കൂടി. കഴിഞ്ഞ ദിവസം സംസ്ഥാനത്ത്​ സ്വർണ്ണ വില കുറഞ്ഞിരുന്നു. 33,520 രൂപയാണ്​ ഒരു പവൻ സ്വർണത്തിന്‍റെ വില. 4190 രൂപയാണ്​ ഗ്രാമിന്‍റെ വില.

അതേസമയം അന്താരാഷ്​ട്ര വിപണിയിൽ സ്വർണ്ണവില കുറഞ്ഞു. 0.2 ശതമാനം ഇടിഞ്ഞ് ട്രോയ്​ ഔൺസിന്​​ 1,724.03 ഡോളറായി. യു.എസ്​ ഗോൾഡ്​ ഫ്യൂച്ചറിന്‍റെ വിലയും ഇടിഞ്ഞിരുന്നു.

യു.എസിലെ ട്രഷറി ആദായം ഉയർന്നതും ഡോളർ കരുത്താർജിക്കുന്നതുമാണ്​ അന്താരാഷ്​ട്ര വിപണിയിൽ സ്വർണവിലയെ സ്വാധീനിക്കുന്നത്​.